માત્ર પગાર જ નહીં, જો CIBIL સ્કોર ઓછો હશે તો છોકરી પણ નહીં મળે, મહારાષ્ટ્રથી લગ્ન તુટવાનો અજીબ કિસ્સો આવ્યો પ્રકાશમાં

જ્યારે કોઈપણ છોકરીના માતા-પિતા તેમની પુત્રીના લગ્ન કોઈની સાથે કરાવે છે, ત્યારે તેઓ સૌથી પહેલા છોકરાની આર્થિક સ્થિતિ તપાસે છે. જેથી તેની દીકરી જ્યાં જાય ત્યાં સારી એવી જિંદગી વિતાવી શકે. છોકરીનો પરિવાર પહેલા વરરાજાના પગાર વિશે પૂછે છે. જો છોકરો સારું કમાય તો દીકરીના લગ્ન તે છોકરા સાથે નક્કી થાય છે. પરંતુ હવે લગ્નને અંતિમ સ્વરૂપ આપતા પહેલા છોકરાની આર્થિક સ્થિતિ તપાસવા માટે એક નવું સ્ટાડર્ડ સામે આવ્યું છે. જેમાં છોકરાનો CIBIL સ્કોર તપાસવામાં આવશે. જો પગાર સાથે CIBIL સ્કોર સાચો નીકળે તો જ લગ્ન નક્કી થઈ શકે છે. જો નહીં તો સંબંધ ભૂલી જાઓ. મહારાષ્ટ્રના મૂર્તિજાપુરમાં રહેતા એક છોકરા સાથે પણ આવું જ કંઈક બન્યું. જ્યાં છોકરાના લગ્ન ફક્ત એટલા માટે તૂટી ગયા કારણ કે તેનો CIBIL સ્કોર ઓછો હતો.

છોકરાનો CIBIL સ્કોર તપાસવામાં આવ્યો

છોકરીના પરિવારે સંબંધ તોડી નાખ્યો

ખરેખર, જ્યારે છોકરાનો CIBIL સ્કોર તપાસવામાં આવ્યો, ત્યારે જાણવા મળ્યું કે તેનો CIBIL સ્કોર ખૂબ ઓછો હતો. છોકરાએ ઘણી બેન્કોમાંથી લોન લીધી હતી અને તેની આર્થિક સ્થિતિ એટલી મજબૂત નહોતી. આવી સ્થિતિમાં, છોકરીના મામા અને પરિવારના સભ્યોએ તેમની પુત્રીના લગ્ન તે છોકરા સાથે કરાવવાનો ઇનકાર કરી દીધો. છોકરીના મામા અને તેના પરિવારે કહ્યું કે જો છોકરો પહેલેથી જ દેવામાં ડૂબેલો છે, તો તેની સાથે અમારી દીકરીનું ભવિષ્ય કેવી રીતે સુરક્ષિત રહેશે.

આ પણ વાંચો-Market outlook : બજાર ઘટાડા સાથે બંધ, જાણો 11 ફેબ્રુઆરીએ કેવી રહેશે માર્કેટની ચાલ