ગુજરાતના 13 જિલ્લાઓમાં તાપમાન 40 ડિગ્રીને પાર, આગામી 5 દિવસ કેવું રહેશે હવામાન? જાણો IMDનું અનુમાન

રાજ્યભરમાં ગરમી ચરમસીમાએ પહોંચી ગઈ છે. ચિલચિલાતી ગરમીના કારણે સામાન્ય જનજીવન બેહાલ થવાનું શરૂ થઈ ગયું છે. ભારતીય હવામાન વિભાગ (IMD)એ આગામી દિવસોમાં વધુ ઉકળાટની આગાહી કરી છે. ખાસ કરીને સૌરાષ્ટ્ર અને કચ્છના વિસ્તારોમાં તાપમાન 40 થી 44 ડિગ્રી સેલ્સિયસ વચ્ચે રહેવાની શક્યતા છે.

તાપમાનમાં ફેરફાર

IMDના જણાવ્યા મુજબ, ગઈકાલે રાજ્યભરના મોટાભાગના વિસ્તારોમાં હવામાન શુષ્ક રહ્યું હતું. તાપમાનમાં કોઈ ખાસ બદલાવ નોંધાયો નહોતો, પણ સૌરાષ્ટ્ર અને કચ્છના કેટલાક વિસ્તારોમાં ગરમીમાં વધારો જોવા મળ્યો હતો. સુરેન્દ્રનગર શહેરમાં સૌથી વધુ તાપમાન 44 ડિગ્રી સેલ્સિયસ નોંધાયું હતું.

આગામી 5 દિવસનું હવામાન: શું છે IMDની આગાહી?

પ્રથમ 4 દિવસ (25-28 એપ્રિલ): રાજ્યના તાપમાનમાં કોઈ નોંધપાત્ર ફેરફાર થવાની શક્યતા નથી. તાપમાન 40થી 44 ડિગ્રી સેલ્સિયસની વચ્ચે રહેવાની શક્યતા છે.

5મો દિવસ (29-30 એપ્રિલ): તાપમાનમાં 2થી 3 ડિગ્રી સેલ્સિયસનો વધારો થઈ શકે છે, ખાસ કરીને સૌરાષ્ટ્ર-કચ્છ અને દક્ષિણ ગુજરાતના વિસ્તારોમાં.

ગરમ અને ભેજવાળું વાતાવરણ: દક્ષિણ ગુજરાત અને સૌરાષ્ટ્ર-કચ્છના દરિયાકાંઠાના વિસ્તારોમાં 25થી 30 એપ્રિલ સુધી ગરમ અને ભેજવાળી હવાને કારણે અસ્વસ્થતા રહેશે.

હીટવેવની ચેતવણી: હાલ હીટવેવને લઈને કોઈ ચેતવણી જાહેર કરવામાં આવી નથી, પરંતુ ઊંચા તાપમાનને કારણે લોકોને સાવચેતી રાખવા અપીલ કરવામાં આવી છે.

હાલમાં હીટવેવ અંગે કોઈ ચેતવણી જાહેર કરાઈ નથી, પરંતુ દક્ષિણ ગુજરાત તથા તટવર્તી સૌરાષ્ટ્ર-કચ્છમાં ગરમ અને ભીની હવાને કારણે હવામાન વધારે અસહ્ય બનવાની શક્યતા છે. આ સ્થિતિ 30 એપ્રિલ સુધી યથાવત રહેશે.

pic.twitter.com/W03AtK4C1o

— IMD Ahmedbad (@IMDAHMEDABAD) April 25, 2025

તાપમાન 40 ડિગ્રીને પાર કરનારા જિલ્લા

IMDના તાજા અહેવાલ અનુસાર ગુજરાતના નીચે આપેલા જિલ્લાઓમાં તાપમાન 40 ડિગ્રીથી વધુ નોંધાયું છે:

સુરેન્દ્રનગર – 44°C

અમરેલી – 43°C

રાજકોટ – 43°C

અમદાવાદ – 43°C

ડીસા – 43°C

ગાંધીનગર – 43°C

વલભ વિદ્યાનગર – 42°C

બરોડા (વડોદરા) – 42°C

કંડલા (એરપોર્ટ) – 42°C

સુરત – 41°C

કેશોદ – 41°C

ભાવનગર – 41°C

ભુજ – 43°C

લોકો માટે સાવચેતીના પગલાં

-બપોરના સમયે (12થી 3 વાગ્યા) બિનજરૂરી રીતે ઘરની બહાર ન નીકળવું.

-પૂરતા પ્રમાણમાં પાણી અને હાઈડ્રેટિંગ પીણાં પીવા.

-હળવા અને સુતરાઉ કપડાં પહેરવા.

-બાળકો અને વૃદ્ધોની વિશેષ કાળજી રાખવી.

ગુજરાતમાં ગરમીનો પ્રકોપ યથાવત રહેવાની શક્યતા છે, અને આગામી દિવસોમાં તાપમાનમાં વધુ વધારો થઈ શકે છે. હવામાન વિભાગની આગાહી અનુસાર, દક્ષિણ ગુજરાત અને સૌરાષ્ટ્ર-કચ્છના દરિયાકાંઠાના વિસ્તારોમાં ભેજવાળું વાતાવરણ લોકો માટે અસ્વસ્થતા વધારશે. લોકોને સાવચેતી રાખવા અને હવામાન વિભાગની સૂચનાઓનું પાલન કરવા વિનંતી કરવામાં આવે છે.

આ પણ વાંચો- વૈષ્ણો દેવી માર્ગ પર સુરક્ષામાં મોટી ચૂક! પોતાને ‘પૂરન સિંહ’ ગણાવનાર નીકળ્યો મનીર હુસૈન, ફેક ડોક્યુમેન્ટ્સ સાથે બે ખચ્ચર ચાલક ઝડપાયા