વિશ્વના આ ત્રણ લોકોએ પાસપોર્ટ રાખવાની નથી જરૂર, કોઈપણ દેશમાં કોઈપણ પ્રતિબંધ વિના કરી શકે છે મુસાફરી

કોઈપણ વ્યક્તિને કોઈપણ પ્રકારની વિદેશ યાત્રા માટે પાસપોર્ટ(Passport)ની જરૂર હોય છે. તમે પાસપોર્ટ વિના વિદેશ પ્રવાસ કરી શકતા નથી. આ ગેરકાયદેસર ગણવામાં આવે છે. જેના કારણે વિદેશ પ્રવાસ માટે દરેક વ્યક્તિ પાસે પાસપોર્ટ હોવો ફરજિયાત છે. અલગ-અલગ દેશોના વડા પ્રધાન અને રાષ્ટ્રપતિ પણ જ્યારે તેઓ બીજા દેશની યાત્રાએ જાય છે ત્યારે તેમની સાથે પાસપોર્ટ રાખવાનો હોય છે. પાસપોર્ટ પણ એક પ્રકારનું ઓળખ પત્ર છે જેમાં તમારું નામ, જન્મ તારીખ અને નાગરિકતા જેવી ઘણી બધી માહિતી હોય છે. પરંતુ આ દુનિયામાં ત્રણ લોકો એવા છે જેમને કોઈપણ દેશમાં જવા માટે પાસપોર્ટની જરૂર નથી. ચાલો જાણીએ આવા લોકો વિશે.

આ ત્રણ લોકો માટે પાસપોર્ટ જરૂરી નથી

બ્રિટનના રાજા કે રાણી માટે પાસપોર્ટ ફરજિયાત નથી

બ્રિટનના રાજા અને રાણીના સચિવ વતી, વિદેશ મંત્રાલય દ્વારા તમામ દેશોને આ સંદેશ મોકલવામાં આવે છે કે બ્રિટનના રાજા અથવા રાણીને કોઈપણ દેશમાં પૂરા સન્માન સાથે આવવા-જવા દેવા જોઈએ. તેમને અટકાવવા અથવા વિક્ષેપિત થવો જોઈએ નહીં. આ સિવાય તેમના પ્રોટોકોલનું પણ પૂરેપૂરું ધ્યાન રાખવું જોઈએ. જો કે બ્રિટનના રાજા અને રાણીને જ આ અધિકાર મળ્યો છે, પરંતુ તેમના પતિ કે પત્નીએ રાજદ્વારી પાસપોર્ટ રાખવો પડશે.

જાપાનના રાજા અને રાણી

જાપાનના રાજા અને રાણી પાસે પાસપોર્ટ હોવો જરૂરી નથી. જાપાનના રાજદ્વારી રેકોર્ડ અનુસાર, વિદેશ મંત્રાલયે વર્ષ 1971માં આ વિશેષ વ્યવસ્થા શરૂ કરી હતી. આ મુજબ, જ્યારે પણ જાપાનના રાજા અને રાણી ક્યાંય જાય ત્યારે તેમને પાસપોર્ટ આપવો પડતો નથી. જાપાન તરફથી વિશ્વના તમામ દેશોને એક સત્તાવાર પત્ર મોકલવામાં આવે છે કે જ્યારે પણ જાપાનના રાજા અને રાણી ક્યાંક જાય તો આ પત્ર તેમનો પાસપોર્ટ ગણવો.

આ પણ વાંચો - આજે 7 જુલાઈથી Jio Bharat ફોનનું વેચાણ શરૂ, જાણો તેના ફીચર્સ અને આ ફોન ક્યાંથી મળશે