Mahakumbh Mela: શું મહાકુંભ મેળામાં ટ્રેનમાં થશે મફત મુસાફરી? રેલવેએ કરી સ્પષ્ટતા

Mahakumbh Mela: ઉત્તર પ્રદેશના પ્રયાગરાજ (મહા કુંભ મેળા જિલ્લો)માં મહાકુંભ 2025ની તૈયારીઓ પૂરજોશમાં ચાલી રહી છે. દરમિયાન, રેલ્વે મંત્રાલયે એવા અહેવાલોને પાયાવિહોણા અને ભ્રામક ગણાવ્યા છે જેમાં એવું કહેવામાં આવી રહ્યું છે કે આગામી મહા કુંભ મેળા દરમિયાન મુસાફરોને ટ્રેનોમાં મફત મુસાફરી કરવાની મંજૂરી આપવામાં આવશે. રેલવે મંત્રાલયે સ્પષ્ટ કર્યું છે કે તેમના દ્વારા આવી કોઈ જોગવાઈ કરવામાં આવી નથી.

રેલવેએ શું કહ્યું?

ટિકિટ વિના મુસાફરી કરવી એ સજાપાત્ર ગુનો

રેલવે દ્વારા જારી કરવામાં આવેલા નિવેદનમાં એવું પણ કહેવામાં આવ્યું છે કે નિયમો હેઠળ, ટિકિટ વિના ટ્રેનમાં મુસાફરી કરવી સંપૂર્ણપણે પ્રતિબંધિત છે અને સજાપાત્ર ગુનો છે. મહાકુંભ મેળા કે અન્ય કોઈ પ્રસંગ દરમિયાન મફત મુસાફરીની કોઈ સુવિધા આપવામાં આવતી નથી. રેલવેએ કહ્યું છે કે તે મહાકુંભ દરમિયાન મુસાફરો માટે અવિરત મુસાફરીની સુવિધા સુનિશ્ચિત કરવા માટે સંપૂર્ણપણે પ્રતિબદ્ધ છે. મહાકુંભ દરમિયાન મોટી સંખ્યામાં મુસાફરો મુસાફરી કરે તેવી સંભાવનાને ધ્યાનમાં રાખીને રેલવે વિશેષ પેસેન્જર વિસ્તારો, વધારાના ટિકિટ કાઉન્ટર અને અન્ય જરૂરી સુવિધાઓ ઊભી કરવાની વ્યવસ્થા કરી રહી છે.

મહાકુંભ ક્યારે શરૂ થશે?

ઉત્તર પ્રદેશમાં પ્રયાગરાજ મહાકુંભ 2025ની મકર સંક્રાંતિથી શરૂ થશે અને 26 ફેબ્રુઆરી, 2025 સુધી ચાલશે. આ કાર્યક્રમ માટે મહાકુંભ મેળા વિસ્તારમાં નવો જિલ્લો પણ બનાવવામાં આવ્યો છે. સીએમ યોગીની આગેવાની હેઠળની યુપી સરકારને આશા છે કે વિશ્વભરમાંથી લગભગ 40 કરોડ ભક્તો મહાકુંભમાં ભાગ લેશે.

આ પણ વાંચો-હવે ભૂલી ગયેલા MF ઇન્વેસ્ટની શોધ કરવી બનશે સરળ, SEBI બનાવી રહી છે ખાસ પોર્ટલ