Maruti Suzuki : વેગનઆર, ઓલ્ટો K10 સહિત આ કારમાં હવે મળશે 6 એરબેગ્સ

Maruti Suzuki : ભારતની સૌથી મોટી કાર ઉત્પાદક કંપની મારુતિ સુઝુકી ઈન્ડિયાએ ગ્રાહકોની સુરક્ષાને લઈને એક મહત્વપૂર્ણ પગલું ભર્યું છે. કંપનીએ જાહેરાત કરી છે કે તેના લોકપ્રિય મોડલ્સ વેગનઆર, ઓલ્ટો K10, સેલેરિઓ અને ઈકોના તમામ વેરિયન્ટ્સમાં હવે 6 એરબેગ્સ સ્ટાન્ડર્ડ તરીકે ઉપલબ્ધ કરાવવામાં આવશે. આ નિર્ણય દેશભરના ગ્રાહકો માટે ઉન્નત સુરક્ષા સુનિશ્ચિત કરવાની કંપનીની પ્રતિબદ્ધતાને દર્શાવે છે.

સુરક્ષા પર ખાસ ધ્યાન

મારુતિ સુઝુકી ઈન્ડિયાના સિનિયર એક્ઝિક્યુટિવ ઓફિસર (માર્કેટિંગ એન્ડ સેલ્સ) પાર્થો બેનરજીએ જણાવ્યું કે, "ભારતમાં ઝડપથી વિસ્તરતું આધુનિક રોડ ઈન્ફ્રાસ્ટ્રક્ચર, હાઈ-સ્પીડ એક્સપ્રેસ-વે અને વિકસિત થતા ટ્રાફિક ટ્રેન્ડ્સ દર્શાવે છે કે અગાઉ ક્યારેય નહોતી એવી મજબૂત સુરક્ષા સુવિધાઓની આજે જરૂરિયાત છે." તેમણે વધુમાં કહ્યું કે, "વેગનઆર, ઓલ્ટો K10, સેલેરિઓ અને ઈકોમાં 6 એરબેગ્સને સ્ટાન્ડર્ડ ફીચર તરીકે રજૂ કરવાના નિર્ણય સાથે, અમે ખાતરી કરી રહ્યા છીએ કે દરેક વર્ગના ગ્રાહકો માટે ઉચ્ચ સ્તરની સુરક્ષા ઉપલબ્ધ થાય."

પોપ્યુલર મોડલ્સમાં મોટો ફેરફાર

એરેના અને નેક્સા નેટવર્ક દ્વારા વેચાણ

મારુતિ સુઝુકી આ મોડલ્સનું વેચાણ તેના એરેના સેલ્સ નેટવર્ક દ્વારા કરે છે, જેમાં વેગનઆર, ઓલ્ટો K10, સેલેરિઓ અને ઈકો જેવા મોડલ્સનો સમાવેશ થાય છે. બીજી તરફ, કંપનીનું નેક્સા નેટવર્ક બલેનો, ગ્રાન્ડ વિટારા અને ઈન્વિક્ટો જેવા પ્રીમિયમ મોડલ્સનું વેચાણ કરે છે. આ બંને નેટવર્ક દ્વારા મારુતિ સુઝુકી ભારતીય બજારમાં વિવિધ વર્ગના ગ્રાહકોની જરૂરિયાતોને પૂર્ણ કરે છે.

380 અબજ યેનનું રોકાણ

જાપાનની મૂળ કંપની સુઝુકી મોટર કોર્પોરેશને પણ સોમવારે જણાવ્યું હતું કે ભારતીય બજારમાં તેના પેસેન્જર વાહનોનું કુલ જથ્થાબંધ વેચાણ 2025-26માં લગભગ 1-2 ટકા વધવાની અપેક્ષા છે. મારુતિ સુઝુકી ઈન્ડિયાને આશા છે કે આ સમયગાળા દરમિયાન તેનું પ્રદર્શન ઓટોમોબાઈલ ઉદ્યોગની સરખામણીએ વધુ સારું રહેશે. કંપનીનો ઈરાદો 2025-26માં મૂડીગત ખર્ચ તરીકે કુલ 380 અબજ યેનનું રોકાણ કરવાનો છે, જેમાંથી લગભગ 50 ટકા ભારતમાં રોકાણ કરવામાં આવશે. આ રોકાણનો હેતુ કંપનીની યાત્રી વાહનોની ઉત્પાદન ક્ષમતા વધારવાનો છે.

આ પણ વાંચો-કેનરા બેન્ક, BOB અને PNBના કસ્ટમર્સ માટે સારા સમાચાર! MCLRમાં ઘટાડો, હોમ લોનની EMI થશે ઓછી