ઉત્તર કોરિયા સાથે જોડાયેલા મોટા સમાચાર, રશિયાએ યુક્રેન સામે લડવા માટે મોકલ્યા લગભગ 10 હજાર સૈનિક, પેન્ટાગોને વ્યક્ત કરી ચિંતા

ઉત્તર કોરિયા સાથે જોડાયેલા મોટા સમાચાર સામે આવ્યા છે. ઉત્તર કોરિયાએ યુક્રેન સામે લડવા માટે લગભગ 10 સૈનિકો રશિયા મોકલ્યા છે. યુએસ ડિફેન્સ ડિપાર્ટમેન્ટના હેડક્વાર્ટર પેન્ટાગોનની પ્રવક્તા સબરીના સિંહે સોમવારે આ જાણકારી આપી. સિંહનું કહેવું છે કે આમાંથી કેટલાક સૈનિકો લડાઈ માટે યુક્રેનની નજીક પહોંચી ચૂક્યા છે.

પેન્ટાગોને બીજું શું કહ્યું?

નોર્થ એટલાન્ટિક ટ્રીટી ઓર્ગેનાઈઝેશન (NATO) એ પણ આ મામલે નિવેદન જાહેર કર્યું છે. તે કહે છે કે ઉત્તર કોરિયાના કેટલાક સૈનિકો પહેલાથી જ રશિયાના કુર્સ્ક સરહદ વિસ્તારમાં તૈનાત કરવામાં આવ્યા છે, જ્યાં રશિયા યુક્રેનિયન સૈનિકોને પાછળ ધકેલવા માટે સંઘર્ષ કરી રહ્યું છે.

ઉત્તર કોરિયાએ આ દાવાઓને ખોટા ગણાવ્યા હતા

તમને જણાવી દઈએ કે અગાઉ પણ એવા સમાચાર સામે આવ્યા હતા કે ઉત્તર કોરિયાએ રશિયામાં સૈનિકો મોકલ્યા છે. વાસ્તવમાં અમેરિકાના રક્ષા મંત્રી લોયડ ઓસ્ટીને દાવો કર્યો હતો કે તેમની પાસે ઉત્તર કોરિયા દ્વારા રશિયામાં સૈનિકો મોકલવાના પૂરા પુરાવા છે.

આવી સ્થિતિમાં ઉત્તર કોરિયાએ રશિયામાં પોતાના સૈનિકો મોકલવાના દાવાને ખોટી અફવા ગણાવી હતી. રશિયા અને ઉત્તર કોરિયા સતત સૈન્ય ગતિવિધિઓને નકારી રહ્યાં છે. દક્ષિણ કોરિયાના ગુપ્તચર વડા ચો તાઈ-યોંગે ધારાસભ્યોને જણાવ્યું હતું કે લગભગ 3,000 ઉત્તર કોરિયાના સૈનિકોને યુક્રેન સામે યુદ્ધના મેદાનમાં તૈનાત કરતા પહેલા ડ્રોન અને અન્ય સાધનો ચલાવવાની તાલીમ મેળવવા માટે રશિયા મોકલવામાં આવ્યા છે.

આ પણ વાંચો-કોંગ્રેસ શરૂ કરશે 'દિલ્હી ન્યાય યાત્રા', જાણો શું છે તેનો હેતુ