બાબા રામદેવને સુપ્રીમ કોર્ટમાંથી મોટી રાહત, લેખિત માફી પછી આ કેસ બંધ

યોગગુરુ રામદેવ અને પતંજલિ આયુર્વેદના આચાર્ય બાલકૃષ્ણને મોટી રાહત આપતાં સુપ્રીમ કોર્ટે તેમની સામેના અવમાનના કેસને બંધ કરી દીધો છે. રામદેવ અને બાલકૃષ્ણએ લેખિતમાં માફી માંગી હતી અને કહ્યું હતું કે ભવિષ્યમાં પતંજલિ પ્રોડક્ટને લઈને ભ્રામક જાહેરાતો અને ભ્રામક દાવા કરવામાં આવશે નહીં. સુપ્રીમ કોર્ટે 14 મેના રોજ ભ્રામક જાહેરાતના કેસમાં યોગ ગુરુ રામદેવ, તેમના સહયોગી બાલકૃષ્ણ અને પતંજલિ આયુર્વેદ લિમિટેડને આપવામાં આવેલી અવમાનના નોટિસ પર પોતાનો આદેશ સુરક્ષિત રાખ્યો હતો.

અગાઉ, પતંજલિ આયુર્વેદ લિમિટેડે સુપ્રીમ કોર્ટને જાણ કરી હતી કે તેણે 14 પ્રોડક્ટનું વેચાણ અટકાવ્યું હતું, જેનાં પ્રોડક્શન લાયસન્સ એપ્રિલમાં ઉત્તરાખંડ રાજ્ય લાયસન્સિંગ ઓથોરિટી દ્વારા સસ્પેન્ડ કરવામાં આવ્યાં હતાં. કંપનીએ જસ્ટિસ હિમા કોહલી અને જસ્ટિસ સંદીપ મહેતાની ખંડપીઠને કહ્યું હતું કે તેણે 5,606 ફ્રેન્ચાઈઝી સ્ટોર્સને આ પ્રોડક્ટ્સ પાછી ખેંચી લેવાનો નિર્દેશ આપ્યો છે. આ પછી બેન્ચે પતંજલિ આયુર્વેદને એફિડેવિટ દાખલ કરવાનો નિર્દેશ આપ્યો હતો. કોર્ટે કહ્યું હતું કે એક સોગંદનામું દાખલ કરવું પડશે જેમાં કહેવામાં આવ્યું છે કે જાહેરાતો દૂર કરવા માટે સોશિયલ મીડિયા પ્લેટફોર્મ પરથી કરવામાં આવેલી વિનંતીઓ લાગુ કરવામાં આવી છે અને આ 14 પ્રોડક્ટની જાહેરાતો પાછી ખેંચી લેવામાં આવી છે.

સુપ્રીમ કોર્ટ ઇન્ડિયન મેડિકલ એસોસિએશન (IMA) દ્વારા દાખલ કરવામાં આવેલી અરજી પર સુનાવણી કરી રહી છે, જેમાં પતંજલિ પર કોવિડ રસીકરણ અભિયાન અને આધુનિક તબીબી પ્રણાલીઓ વિરુદ્ધ ખોટા માહિતી અભિયાન ચલાવવાનો આરોપ મૂકવામાં આવ્યો છે. ઉત્તરાખંડ રાજ્ય લાઇસન્સિંગ ઓથોરિટીએ કોર્ટને જણાવ્યું હતું કે પતંજલિ આયુર્વેદ લિમિટેડ અને દિવ્યા ફાર્મસીના 14 પ્રોડક્ટના પ્રોડક્શન લાયસન્સ તાત્કાલિક અસરથી સસ્પેન્ડ કરવામાં આવ્યા છે.

આ પણ વાંચો - 2047 સુધીમાં ભારતને વિકસિત દેશ બનાવવામાં યુવાનોનું રહેશે મહત્વનું યોગદાન, કેન્દ્રીય મંત્રીએ આંતરરાષ્ટ્રીય યુવા દિવસ પર કરી આ અપીલ