ચીન ભારતને આપી શકે છે ડબલ એટેક, બ્રહ્મપુત્ર નદીના માર્ગે આવતા સંકટો અંગે નિષ્ણાતોની ચેતવણી

ચીન દ્વારા તિબ્બતમાં યારલુંગ ત્સાંગપો નદી (જે ભારતમાં બ્રહ્મપુત્ર તરીકે ઓળખાય છે) પર બનાવવામાં આવી રહેલા ગ્રેટ બેન્ડ ડેમને લઈને આંતરરાષ્ટ્રીય નિષ્ણાતોએ ગંભીર ચિંતા વ્યક્ત કરી છે. ગુવાહાટીમાં આયોજિત 'ઇન્ટરનેશનલ સેમિનાર ઓન વોટર સિક્યોરિટી, ઇકોલોજિકલ ઇન્ટિગ્રિટી એન્ડ ડિઝાસ્ટર રેઝિલિયન્સ'માં ભાગ લેતા નિષ્ણાતોએ આ ડેમને ભારત અને દક્ષિણ એશિયા માટે જળ સંકટનું કારણ ગણાવ્યું છે.

'જળ બોમ્બ'ની ચેતવણી

ચીનની યોજના શું છે?

તિબ્બતના મેડોંગ કાઉન્ટીમાં બનનારા આ ડેમનો હેતુ 60,000 મેગાવોટ વીજળી ઉત્પાદનનો છે. તિબ્બતના નિષ્ણાત અને લેખક ક્લોડ આર્પીએ જણાવ્યું કે ચીન આ ડેમ માત્ર વીજળી ઉત્પાદન માટે જ નથી બનાવી રહ્યું, પરંતુ યારલુંગ ત્સાંગપોનું પાણી યેલો રિવર તરફ વાળવાની યોજના પણ ઘડી રહ્યું છે. એશિયા નિષ્ણાત બર્ટિલ લિન્ટનરે કહ્યું કે ચીને તિબ્બત પર કબજો મેળવીને મોટી નદીઓ પર નિયંત્રણ મેળવવાનું શરૂ કર્યું હતું. તેમણે ઉલ્લેખ કર્યો કે ચીને મેકોંગ નદી પર 11 મેગા ડેમ બનાવ્યા છે, જે પાંચ દેશોની જીવનરેખા છે.

જળ સંકટનો ખતરો

બ્રહ્મપુત્ર બોર્ડના ચેરમેન ડો. રણબીર સિંહે જણાવ્યું કે બ્રહ્મપુત્ર ભારતનું એકમાત્ર જળ-સમૃદ્ધ બેસિન છે. જો ચીનનો આ ડેમ બનશે તો ભારતનો આ વિસ્તાર જળ સંકટનો સામનો કરી શકે છે. તેમણે આંતરરાષ્ટ્રીય સ્તરે ભારતનો અવાજ ઉઠાવવા અને વૈજ્ઞાનિક અભ્યાસ દ્વારા ચીનની યોજનાને પડકારવાની વાત કહી. આઈઆઈટી ગુવાહાટીના પ્રો. અનામિકા બરુઆએ જણાવ્યું કે તિબ્બતી પઠારના નીચેના વિસ્તારોમાં ભવિષ્યમાં દુષ્કાળનું જોખમ વધી શકે છે, જ્યારે ઉપરના ભાગોમાં વધુ વરસાદની સંભાવના છે. તેમણે સંસદ અને આંતરરાષ્ટ્રીય મંચો પર આ મુદ્દો ઉઠાવવાની અપીલ કરી. આ સેમિનારમાં નેપાળ અને ભૂટાનના નિષ્ણાતો ઉપરાંત પર્યાવરણ, જળ નીતિ, આંતરરાષ્ટ્રીય કાયદા, ઇજનેરી અને આર્થિક મામલાઓના જાણકારોએ પણ ભાગ લીધો હતો.

આ પણ વાંચો-ડોનાલ્ડ ટ્રમ્પના ટેરીફ વોરને લઈ ચીનની ભારતને અપીલ, અમેરિકા સામે એક થવાની જરૂર