Coronavirus Updates: કોરોનાનો કહેર યથાવત, એક દિવસમાં 10,093 નવા કેસ નોંધાયા, 23 લોકોના મોત

Coronavirus Updates: દેશમાં કોરોના સંક્રમણને કારણે ફરી એકવાર તણાવ વધી ગયો છે. કોરોના સંક્રમણ અટકવાનું નામ નથી લઈ રહ્યું. આ દિવસોમાં નવા સંક્રમિત દર્દીઓની સંખ્યા સરેરાશ 10,000 થી વધુ આવી રહી છે. છેલ્લા 24 કલાકમાં દેશમાં કોરોનાના 10,093 નવા કેસ નોંધાયા છે. આ સાથે, સક્રિય દર્દીઓની સંખ્યા વધીને 57,542 થઈ ગઈ છે. મહારાષ્ટ્રમાં શનિવારે કોરોના વાયરસના ચેપના 660 નવા કેસ નોંધાયા છે. આ દરમિયાન 2 લોકોના મોતના સમાચાર સામે આવ્યા છે. એક દિવસ પહેલા, રાજ્યમાં ચેપના 1,152 નવા કેસ નોંધાયા હતા અને ચાર લોકો મૃત્યુ પામ્યા હતા.

દેશમાં છેલ્લા 24 કલાકમાં 23 કોરોના સંક્રમિત દર્દીઓના મોતના સમાચાર સામે આવ્યા છે. અત્યાર સુધીમાં કુલ 531114 સંક્રમિત દર્દીઓના મોત થયા છે. મૃત્યુ દર 1.19 ટકા છે.

કોરોના વાયરસથી રિકવરીની વાત કરીએ તો દેશમાં છેલ્લા 24 કલાકમાં 6,248 લોકો સાજા થયા છે. આ સાથે દેશમાં રિકવરીનો આંકડો હવે 4,42,29,459 પર પહોંચી ગયો છે. રિકવરી રેટ 98.68 ટકા છે. શનિવારે દેશમાં 10753 નવા કેસ નોંધાયા છે. આ દરમિયાન 27 લોકોના મોત થયા હતા. જો કે ગઈકાલની સરખામણીમાં આજે નવા કેસોમાં થોડો ઘટાડો થયો છે. બે દિવસ પહેલા એટલે કે શુક્રવારે 11,109 કેસ નોંધાયા હતા. જ્યારે તે પહેલા ગુરુવારે 10,158 દર્દીઓ મળી આવ્યા હતા. શનિવારે દેશમાં લગભગ 1,79,853 ટેસ્ટ કરવામાં આવ્યા છે. રસીકરણની વાત કરીએ તો શનિવારે કુલ 807 ડોઝ આપવામાં આવ્યા છે. આ સાથે, દેશમાં રસીના ડોઝની કુલ સંખ્યા 220,6626,342 પર પહોંચી ગઈ છે.

COVID-19 | India records 10,093 new cases in 24 hours; active caseload stands at 57,542

(Representative Image) pic.twitter.com/n3bSNsNYDE — ANI (@ANI) April 16, 2023

આ પણ વાંચો - HDFC બેન્કે કસ્ટમર્સ માટે ખાસ ક્રેડિટ કાર્ડ રજૂ કર્યું, UPI પેમેન્ટ કરી શકશે અને કેશબેક મેળવી શકશે