એલન મસ્કે તોડી ટ્રમ્પ સાથેની મિત્રતા, DOGEનું પદ છોડવાની પણ કહી વાત; જાણો શા માટે વધ્યો તણાવ

અમેરિકાના પ્રમુખ અબજોપતિ ઉદ્યોગપતિ એલન મસ્કે ટ્રમ્પ સાથેની મિત્રતા તોડવાની વાત કહીને ખળભળાટ મચાવી દીધો છે. આંતરરાષ્ટ્રીય મીડિયા અહેવાલો અનુસાર, એલન મસ્ક ટૂંક સમયમાં ‘ડિપાર્ટમેન્ટ ઓફ ગવર્નમેન્ટ એફિશિયન્સી’ (DOGE)નું પદ પણ છોડવાના છે.

ટ્રમ્પને મસ્કનો મોટો ઝટકો

અમેરિકાના રાષ્ટ્રપતિ ડોનાલ્ડ ટ્રમ્પને એલન મસ્કે મોટો આંચકો આપ્યો છે. મસ્કે હવે ટ્રમ્પનો સાથ છોડવાની જાહેરાત કરી દીધી છે. સાથે જ તેઓ ટ્રમ્પ દ્વારા આપવામાં આવેલું મહત્વનું પદ DOGE પણ છોડવા જઈ રહ્યા છે. એલન મસ્કના આ પગલાથી અમેરિકામાં હોબાળો મચી ગયો છે. ખરેખર, મસ્કની નીતિઓના વિરોધમાં અમેરિકા સહિત વિશ્વના અન્ય ઘણા દેશોમાં વ્યાપક વિરોધ પ્રદર્શન શરૂ થયા છે. લોકોનું કહેવું છે કે મસ્કની નીતિઓને કારણે ઘણી એજન્સીઓ બંધ થઈ ગઈ છે, જેનાથી લાખો લોકોની નોકરીઓ ગઈ છે.

મસ્કનો નિર્ણય આ સમયે

મસ્કે શું કહ્યું હતું?

અગાઉ ટેસ્લાના માલિક મસ્ક અને DOGEના કેટલાક મોટા અધિકારીઓએ ફોક્સ ન્યૂઝ સાથેના એક ઇન્ટરવ્યૂમાં જણાવ્યું હતું કે તેઓ અમેરિકા પરનો બિનજરૂરી નાણાકીય બોજ ઘટાડી રહ્યા છે અને પોતાના લક્ષ્યની નજીક પહોંચી રહ્યા છે. મસ્કે કહ્યું હતું, “આ એક ક્રાંતિ છે. આ સરકારમાં સૌથી મોટી ક્રાંતિ થઈ શકે છે, જે પ્રારંભિક અમેરિકી ક્રાંતિ પછીની હશે.”

મસ્ક વિરુદ્ધ પ્રદર્શન અને ટેસ્લા પર હુમલા બન્યા કારણ

એલન મસ્કે અમેરિકાના સરકારી કાર્યક્ષમતા વિભાગના પ્રમુખનું પદ છોડવાની જાહેરાત એવા સમયે કરી છે જ્યારે અમેરિકા સહિત અન્ય સ્થળોએ તેમની કંપની ટેસ્લા અને તેમની વિરુદ્ધ વિરોધ પ્રદર્શન શરૂ થયા છે. અમેરિકા સાથે બ્રિટનથી લઈને જર્મની સુધી મસ્ક વિરુદ્ધ વ્યાપક વિરોધ થઈ રહ્યો છે. પ્રદર્શનકારીઓએ ઘણી જગ્યાએ શનિવારે ટેસ્લાની કારોને આગ ચાંપી દીધી. પ્રદર્શનકારીઓ એલન મસ્કની નીતિઓનો વિરોધ કરતા તેમનું રાજીનામું માગી રહ્યા છે. તેઓનું કહેવું છે કે મસ્કની નીતિઓને કારણે ઘણી એજન્સીઓ પર તાળાં લાગી ગયાં છે અને લાખો લોકોએ નોકરી ગુમાવી છે.

X પર પોસ્ટ દ્વારા મસ્કે ડેમોક્રેટ્સ પર સાધ્યું નિશાન

એલન મસ્કે એક્સ પર કરેલી એક પોસ્ટમાં ડેમોક્રેટિક પાર્ટી પર અમેરિકામાં ગેરકાયદેસર સ્થળાંતરીઓને આકર્ષવા માટે IRS રિફંડમાં છેતરપિંડીભર્યા ચુકવણાંનો આરોપ લગાવ્યો છે. મસ્કે કહ્યું કે આ જ કારણે ડેમોક્રેટ્સ DOGEને રોકવા માગે છે અને તેનો આટલો વિરોધ કરી રહ્યા છે. મસ્કે લખ્યું કે ડેમોક્રેટિક પાર્ટી રાષ્ટ્રીય સ્તરે કાયમી એકપક્ષીય બહુમતી સ્થાપવા માટે ગેરકાયદેસર લોકોને છેતરપિંડીભર્યા સરકારી ચુકવણાંમાં સહાયને પ્રોત્સાહન આપી રહી છે, જેમ તેઓએ કેલિફોર્નિયામાં કર્યું હતું. જેટલું તમે આની તપાસ કરશો, એટલું જ વધુ આઘાતજનક તથ્યો સામે આવશે.

આ પણ વાંચો- સરકાર લાવી રહી છે 22,919 કરોડ રૂપિયાની ઇલેક્ટ્રોનિક્સ કમ્પોનન્ટ મેન્યુફેક્ચરિંગ સ્કીમ, 91,000 લોકોને મળશે રોજગાર