અમેરિકા અને ફિલિપીન્સની શરમજનક સ્થિતિ: યુદ્ધાભ્યાસનું ટાર્ગેટ બનનાર જહાજ હુમલા પહેલાં જ ડૂબી ગયું

અમેરિકા અને ફિલિપીન્સની નૌસેનાઓને તાજેતરમાં એક શરમજનક ઘટનાનો સામનો કરવો પડ્યો, જ્યારે તેઓ યુદ્ધાભ્યાસ દરમિયાન નિશાનો બનાવવા માટે રાખેલું એક જૂનું યુદ્ધજહાજ હુમલો થાય તે પહેલાં જ દક્ષિણ ચીન સમુદ્રમાં ડૂબી ગયું. આ જહાજ બીજા વિશ્વયુદ્ધના સમયનું હતું, જે ફિલિપીન્સના પશ્ચિમી કાંઠે યોજાતા વાર્ષિક સંયુક્ત સૈન્ય અભ્યાસના ભાગ રૂપે જીવંત ગોળીબાર (લાઇવ-ફાયર) દરમિયાન નષ્ટ કરવાનું હતું. પરંતુ બોમ્બ અને મિસાઇલના હુમલા પહેલાં જ, આ જહાજ સોમવારે સવારે ચૂપચાપ પાણીમાં ડૂબી ગયું, જેનાથી બંને દેશોની સેનાઓને ભારે શરમજનક સ્થિતિનો સામનો કરવો પડ્યો.

યુદ્ધાભ્યાસનું મુખ્ય લક્ષ્ય હતું આ જહાજ

આ ઘટના ફિલિપીન્સ અને અમેરિકાના વાર્ષિક "બાલિકાતન" યુદ્ધાભ્યાસના ભાગ રૂપે બની, જે 21 એપ્રિલથી શરૂ થયો અને 9 મે સુધી ચાલી. આ અભ્યાસના મુખ્ય લક્ષ્ય તરીકે યુએસએસ બ્રેટલબોરો નામનું બીજા વિશ્વયુદ્ધના સમયનું જહાજ હતું, જે અમેરિકાએ ફિલિપીન્સને આપ્યું હતું. ફિલિપીન્સની સેનાના નિવેદન મુજબ, આ જહાજ તેની સેવા અવધિ પૂરી થઈ ગઈ હોવાથી અને હવે નિયમિત કામગીરી માટે ઉપયોગી ન હોવાથી અભ્યાસ માટે પસંદ કરવામાં આવ્યું હતું.

શું હતો યુદ્ધાભ્યાસનો પ્લાન?

જહાજ કેવી રીતે ડૂબી ગયું?

ફિલિપીન્સની સેનાના જણાવ્યા અનુસાર, 184 ફૂટ લાંબું આ જહાજ અભ્યાસ માટે ઉત્તરી ફિલિપીન્સના લુઝોન ટાપુ પરના ઝામ્બેલ્સ પ્રાંતથી 35 માઇલ પશ્ચિમે સ્થળ પર લઈ જવામાં આવી રહ્યું હતું. આ દરમિયાન, સમુદ્રની ખરાબ સ્થિતિ અને જહાજની લાંબી સેવા અવધિને કારણે તેમાં મોટા પ્રમાણમાં પાણી ભરાઈ ગયું, અને તે ડૂબી ગયું. ફિલિપીન્સની નૌસેનાના પ્રવક્તા કેપ્ટન જોન પર્સી અલ્કોસે જણાવ્યું કે, "અભ્યાસ વિસ્તારમાં ખરાબ સમુદ્રી પરિસ્થિતિ હતી, અને જહાજની જૂની સ્થિતિને કારણે તે પાણી લઈને ડૂબી ગયું." તેમણે એમ પણ કહ્યું કે જહાજને ખેંચીને લઈ જતી વખતે કોઈ નુકસાન થયું નથી.

અભ્યાસ ચાલુ રહેશે

ફિલિપીન્સની સેનાએ જશે, આ જહાજ સ્થાનિક સમય મુજબ સવારે 7:20 વાગ્યે તે સ્થળની નજીક ચૂપચાપ ડૂબી ગયું, જ્યાં તેને પાછળથી નષ્ટ કરવાનું હતું. સૈન્યના નિવેદનમાં જણાવાયું છે કે અભ્યાસના અન્ય ભાગો ચાલુ રહેશે. ફિલિપીન્સ અને અમેરિકી સંયુક્ત દળો "વર્ચ્યુઅલ અને રચનાત્મક ફાયર મિશન"નો અભ્યાસ કરશે. જોકે, અભ્યાસના બાકીના ભાગો વિશે વધુ વિગતો આપવામાં આવી નથી. સેનાએ એમ પણ જણાવ્યું કે આ ડૂબવાથી કોઈ પર્યાવરણીય ખતરો નથી, કારણ કે અભ્યાસ પહેલાં જહાજને સાફ કરી દેવામાં આવ્યું હતું.

યુએસએસ બ્રેટલબોરોનો ઇતિહાસ

યુએસએસ બ્રેટલબોરોનું ડૂબવું એ એક એવા જહાજનો શાંત અંત હતો, જેણે દાયકાઓ સુધી પોતાની અલગ ઓળખ બનાવી હતી. બીજા વિશ્વયુદ્ધ દરમિયાન, આ જહાજે 1944માં લેટે ખાડી અને 1945માં ઓકિનાવાની લડાઈઓમાં ભાગ લીધો હતો, જે જાપાની સેના સામે અમેરિકાની મોટી જીત હતી. યુએસ નેવલ હિસ્ટ્રી એન્ડ હેરિટેજ કમાન્ડ (એનએચએચસી) મુજબ, પનડુબ્બી ચેઝર તરીકે ઓળખાતા આ જહાજે લેટેની લડાઈમાં મહત્વની બચાવ અને હવાઈ સંરક્ષણની ભૂમિકા નિભાવી હતી. એક મહિનાના ગાળામાં, તેણે 400થી વધુ ઘાયલ સૈનિકોને કિનારેથી મોટા હોસ્પિટલ જહાજો સુધી પહોંચાડવામાં મદદ કરી હતી અને એક જાપાની વિમાનને પણ તોડી પાડ્યું હતું.

આ પણ વાંચો- ભારત આગામી પાંચ વર્ષમાં 52 જાસૂસી ઉપગ્રહો કરશે લોન્ચ, દુશ્મન દેશોની ઉડશે ઊંઘ