HMD લાવી રહ્યું છે વધુ એક નવો સ્માર્ટફોન, Xiaomi-Realme-Vivoને મળશે જોરદાર ટક્કર

સ્માર્ટફોન માર્કેટમાં દરરોજ નવા ફોન આવતા રહે છે. હાલમાં, ટેક જાયન્ટ ગૂગલે ગૂગલ પિક્સેલ 9a લોન્ચ કર્યો છે અને એપલે આઇફોન 16e બજારમાં લોન્ચ કર્યો છે. બંને સ્માર્ટફોન પ્રીમિયમ સેગમેન્ટના સ્માર્ટફોન છે. પરંતુ જો તમે મિડ-રેન્જ સેગમેન્ટમાં એક પાવરફૂલ ફોન શોધી રહ્યા છો તો તમારા માટે સારા સમાચાર છે. HMD ટૂંક સમયમાં બજારમાં એક નવો સ્માર્ટફોન લોન્ચ કરવા જઈ રહ્યું છે. કંપનીએ હજુ સુધી તેનું નામ જાહેર કર્યું નથી.

HMD પાસે ફિચર્સ અને સ્માર્ટફોનના ઘણા બધા ઓપ્શન્સ

આપને જણાવી દઈએ કે તાજેતરમાં HMD દ્વારા ઘણા સ્માર્ટફોન લોન્ચ કરવામાં આવ્યા છે. કંપની બજારમાં તેની પહોંચ ઝડપથી વધારી રહી છે. HMD પાસે તેના પોર્ટફોલિયોમાં ઘણા શાનદાર સ્માર્ટફોન અને ફીચર ફોન છે. સ્માર્ટફોનની વાત કરીએ તો, તેમાં HMD Skyline, HMD Crest Max 5G અને HMD Crest 5Gનો સમાવેશ થાય છે.

HMDના ફીચર ફોનની યાદીમાં HMD બાર્બી, Nokia 5310, HMD 105 4G, HMD 110 4G, Nokia 3210, HMD 105, Nokia 220 4G, Nokia 8210 4G અને Nokia 2660 Flip જેવા પાવરફૂલ ફોનનો સમાવેશ થાય છે.

ડિઝાઇન જાહેર કરી

સોશિયલ મીડિયા પ્લેટફોર્મ પર ટિપસ્ટર દ્વારા શેર કરાયેલા આગામી ફોનના ફોટામાં, ફોન ત્રણ કલર ઓપ્શન્સમાં જોવા મળે છે - ગ્રીન, ગ્રે અને પર્પલ. સ્માર્ટફોનના બેક પેનલ પર HMD બ્રાન્ડિંગ આપવામાં આવ્યું છે. આ સાથે, સ્માર્ટફોન તેની બાજુમાં LED ફ્લેશ સાથે ડ્યુઅલ કેમેરા સેટઅપ સાથે આવે છે. ફોટો અને બેક પેનલ ડિઝાઇન સિવાય, આગામી સ્માર્ટફોનની અન્ય કોઈ વિગતો જાહેર કરવામાં આવી નથી.

આ પણ વાંચો- BMWએ પણ વ્હીકલના ભાવ વધારવાની કરી જાહેરાત, જાણો 1 એપ્રિલથી કેટલી વધશે કિંમતો

સોશિયલ મીડિયા પર શેર કરાયેલા ફોટાની ડિઝાઇન HMD સ્કાયલાઇન જેવી જ દેખાય છે. જો લીક્સ પર વિશ્વાસ કરવામાં આવે તો આ સ્માર્ટફોન HMD Pulse Pro+ હોઈ શકે છે. કંપની આ સ્માર્ટફોનને બજેટ સેગમેન્ટમાં લોન્ચ કરી શકે છે. આ સ્માર્ટફોન બજારમાં Xiaomi, Realme, Vivo અને Oppo ના સ્માર્ટફોનને સખત સ્પર્ધા આપશે. કંપની આ સ્માર્ટફોનને 15 રૂપિયા સુધીના બજેટમાં લોન્ચ કરી શકે છે.