હજુ કેટલા દિવસ માવઠાની ઘાત? હવામાન વિભાગે કરી કમોસમી વરસાદની આગાહી

ભરશિયાળે રાજ્યના હવામાનમાં પલટો જોવા મળી રહ્યો છે. ઘાતકી માવઠા બાદ સતત રાજ્યના કેટલાક ભાગોમાં વરસાદની આગાહી કરવામાં આવી રહી છે. જેના પગલે ખેડૂતો ચિંતામાં મુકાયા છે. આવામાં હવામાન વિભાગની લેટેસ્ટ આગાહી સામે આવી છે. જે પ્રમાણે હજુ આગામી બે દિવસ માવઠાનો માર સહન કરવો પડી શકે છે. હવામાન વિભાગ દ્વારા આગામી સમયમાં ગુજરાતના હવામાન અંગે આગાહી કરતાં અમુક વિસ્તારોમાં માવઠાની સંભાવના વ્યક્ત કરવામાં આવી છે.

હવામાન વિભાગના ડાયરેક્ટર મનોરમા મોહંતીએ જણાવ્યું કે, ગુજરાતમાં અરવલ્લી અને મહીસાગરમાં હળવો વરસાદ થઇ શકે છે. જ્યારે દક્ષિણ અમદાવાદ ડિસ્ટ્રીકમાં હળવો વરસાદ થઇ શકે છે. અમદાવાદ શહેરમાં વરસાદ થવાની સંભાવના નથી. સૌરાષ્ટ્રમાં પણ ક્યાંક હળવો વરસાદ થઇ શકે છે. અમરેલી અને જૂનાગઢમાં હળવો વરસાદ થઇ શકે છે.

ઉપરાંત અગાઉ માવઠા દરમિયાન ભારે પવન ફૂંકાવવાને લીધે ભારે નુકસાન સહન કરવુ પડ્યુ હતુ. જ્યારે આગામી દિવસોમાં પવનની ગતિ વિશે પણ હવામાન વિભાગ દ્વારા અપડેટ આપવામાં આવી છે. તેમણે જણાવ્યું કે, હાલ સ્ટ્રોંગ વિન્ડ છે. જ્યારે બે દિવસ આવું જ હવામાન રહેશે. આજે અને કાલે પવન ફૂંકાશે. જે બાદ તેનું પ્રમાણ પણ ઘટશે.

તાપમાનમાં વધશે કે ઘટશે તે અંગે તેમણે જણાવ્યું કે, આગામી બે દિવસ દરમિયાન તાપમાન વધશે. એકાદ ડિગ્રી વધી શકે છે. બે દિવસ બાદ લઘુત્તમ તાપમાન બેથી ત્રણ ડિગ્રી ઘટવાની સંભાવના છે. મહત્તમ તાપમાનમાં વધારે ફેરફારની સંભાવના નથી.

Investment: આ 5 ELSS ફંડ FD અને PPF થી પણ આપશે વધારે રિટર્ન, ટેક્સ માંથી પણ મળશે છૂટ