ભારત લોકલ અને વિદેશી રોકાણને કરશે આકર્ષિત, બનશે વિશ્વનો વિશ્વસનીય ખેલાડી: નાણામંત્રી

નાણામંત્રી નિર્મલા સીતારમણે મંગળવારે જણાવ્યું હતું કે સરકાર નિયમનકારી બોજ ઘટાડવા, શાસનમાં વિશ્વાસ વધારવા અને ભારતને નિકાસ-મૈત્રીપૂર્ણ અર્થતંત્ર બનાવવા માટે પગલાં લેવા માટે પ્રતિબદ્ધ છે. 'વ્યાપાર સરળતા માટે વૃદ્ધિ, ઉત્પાદન, નિકાસ, નિયમનકારી, રોકાણ અને સુધારાના એન્જિન તરીકે MSMEs વિષય પર બજેટ પછીના વેબિનારને સંબોધતા, સીતારમણે જણાવ્યું હતું કે બિનજરૂરી નિયમનકારી અવરોધોથી મુક્ત મજબૂત ઉત્પાદન ક્ષેત્ર લોકલ અને વિદેશી રોકાણોને આકર્ષિત કરશે, આર્થિક વિકાસને વેગ આપશે અને ભારતને એક વિશ્વસનીય ગ્લોબલ ખેલાડી તરીકે સ્થાપિત કરશે. સીતારમણે કહ્યું, “આપણી સરકાર વ્યવસાય કરવાની સરળતા સુધારવા અને શાસનમાં વિશ્વાસ વધારવા માટે નિયમનકારી ભારણ ઘટાડવા માટે કટિબદ્ધ છે.

વિશ્વની નજર ભારત તરફ

વેબિનારને સંબોધતા, વડા પ્રધાન નરેન્દ્ર મોદીએ ભારતીય ઉદ્યોગોને ગ્લોબલ તકોનો બેનિફિટ લેવા માટે "મોટા પગલાં" લેવા જણાવ્યું. તેમણે કહ્યું કે વિશ્વ ભારતને એક વિશ્વસનીય ભાગીદાર તરીકે જોઈ રહ્યું છે જે ગુણવત્તાયુક્ત માલનું ઉત્પાદન કરી શકે છે. મોદીએ ઉદ્યોગોને કહ્યું, “આપણો દેશ આ કરવા સક્ષમ છે, તમે બધા સક્ષમ છો, આ આપણા માટે એક મોટી તક છે. હું ઈચ્છું છું કે આપણા ઉદ્યોગે દુનિયાની આ અપેક્ષાઓને ફક્ત પ્રેક્ષક તરીકે ન જોવી જોઈએ. આપણે દર્શક બનીને રહી શકીએ નહીં, તમારે તેમાં તમારી ભૂમિકા શોધવી પડશે, તમારે તમારા માટે તકો શોધવી પડશે. પ્રધાનમંત્રીએ કહ્યું કે સરકાર છેલ્લા 10 વર્ષથી ઉદ્યોગ સાથે નજીકથી કામ કરી રહી છે અને સુધારા, નાણાકીય શિસ્ત, પારદર્શિતા અને સમાવેશી વિકાસ પ્રત્યે પોતાની પ્રતિબદ્ધતા દર્શાવી છે. પ્રધાનમંત્રીએ કહ્યું, “આજે ભારત ગ્લોબલ અર્થતંત્ર માટે વિકાસનું એન્જિન છે. ભારતે મુશ્કેલ સમયમાં પણ પોતાની તાકાત સાબિત કરી છે.

અનુકુળ અર્થતંત્ર બનાવવા પર ભાર

આ પણ વાંચો - મહારાષ્ટ્ર વિધાનસભામાં વિરોધ પક્ષના નેતા પદ માટે ઉદ્ધવ ઠાકરેએ રજૂ કર્યો દાવો, MVAમાં તિરાડ પડવાની શક્યતા