2025માં ભારતીય અર્થતંત્ર 'થોડું નબળું' રહેવાની ધારણા, અમેરિકા કરી રહ્યું છે સારું પ્રદર્શન, જાણો IMFના MDએ શું કહ્યું?

આંતરરાષ્ટ્રીય નાણાકીય ભંડોળ (IMF)ના મેનેજિંગ ડિરેક્ટર ક્રિસ્ટાલિના જ્યોર્જિવાએ કહ્યું છે કે સ્થિર ગ્લોબલ ગ્રોથ છતાં ભારતીય અર્થતંત્ર 2025માં 'થોડું નબળું' રહેવાની ધારણા છે. જ્યોર્જિવાએ કહ્યું કે તેમને અપેક્ષા છે કે આ વર્ષે દુનિયા ઘણી અનિશ્ચિતતા જોશે, મુખ્યત્વે યુએસ વેપાર પોલિસીને લઈને. વાર્ષિક મીડિયા રાઉન્ડટેબલમાં તેમણે જણાવ્યું હતું કે, 2025 સુધી વૈશ્વિક વૃદ્ધિ સ્થિર રહેવાની શક્યતા છે. પરંતુ આમાં પ્રાદેશિક ભિન્નતા જોવા મળશે. જ્યોર્જિવાએ એવી આશા પણ વ્યક્ત કરી કે ભારતીય અર્થતંત્ર, જે છેલ્લા કેટલાક વર્ષોમાં વિશ્વની સૌથી ઝડપથી વિકસતી મુખ્ય અર્થવ્યવસ્થાઓમાં સામેલ છે, તે 2025માં થોડું નબળું પડી શકે છે.

અમેરિકાનું પ્રદર્શન વધુ સારું

"અમેરિકા અમારી અપેક્ષા કરતાં ઘણું સારું પ્રદર્શન કરી રહ્યું છે, યુરોપિયન યુનિયન (EU) કંઈક અંશે ટકી રહ્યું છે અને ભારત થોડું નબળું છે," તેમણે કહ્યું. આ સાથે તેમણે કહ્યું કે બ્રાઝિલ અમુક હદ સુધી ઊંચા ફુગાવાનો સામનો કરી રહ્યું છે. જ્યોર્જિવાએ જણાવ્યું હતું કે વિશ્વની બીજી સૌથી મોટી અર્થવ્યવસ્થા ચીન, ફુગાવામાં ઘટાડો અને લોકલ માંગ સામે ચાલી રહેલા પડકારોના દબાણનો સામનો કરી રહી છે. "તેમના તમામ પ્રયાસો છતાં, ઓછી આવક ધરાવતા દેશો એવી સ્થિતિમાં છે જ્યાં કોઈપણ નવો આંચકો તેમના પર ખૂબ જ નોંધપાત્ર નકારાત્મક અસર કરી શકે છે,’

2025માં આર્થિક નીતિઓના સંદર્ભમાં ઘણી અનિશ્ચિતતા

વૈશ્વિક અર્થતંત્ર સામેના પડકારો વધુ વધશે

"આ અનિશ્ચિતતા આગળ વધતી વેપાર નીતિના માર્ગ વિશે વધુ છે," જ્યોર્જિવાએ કહ્યું. આનાથી વૈશ્વિક અર્થતંત્ર સામેના પડકારોમાં વધુ વધારો થશે. ખાસ કરીને એવા દેશો અને પ્રદેશો માટે જે વૈશ્વિક પુરવઠા શૃંખલાઓ, મધ્યમ કદના અર્થતંત્રો અને એશિયા એક ક્ષેત્ર તરીકે વધુ સંકલિત છે. IMFના મેનેજિંગ ડિરેક્ટરે જણાવ્યું હતું કે આ અનિશ્ચિતતા વાસ્તવમાં વૈશ્વિક સ્તરે ઊંચા લાંબા ગાળાના વ્યાજ દરો દ્વારા વ્યક્ત થાય છે, ભલે ટૂંકા ગાળાના વ્યાજ દરોમાં ઘટાડો થયો હોય.

આ પણ વાંચો- PM મોદી 13 જાન્યુઆરીએ કાશ્મીરની લેશે મુલાકાત, સોનમર્ગ ટનલનું ઉદ્ઘાટન કરશે, આ હશે ફાયદા