જાપાને વિશ્વનું પ્રથમ 6G ડિવાઇસ કર્યું લોન્ચ, 5G કરતાં 500 ગણી વધુ સ્પિડ, 1 સેકન્ડમાં 5 મૂવી થશે ડાઉનલોડ

5G હજી વિશ્વના ઘણા ભાગોમાં યોગ્ય રીતે પહોંચી શક્યું નથી, પરંતુ એવું લાગે છે કે જાપાને 6G માટે તૈયારી શરૂ કરી દીધી છે. અમે આ એટલા માટે કહી રહ્યા છીએ કારણ કે જાપાનના એક કન્સોર્ટિયમે તાજેતરમાં વિશ્વનું પ્રથમ હાઇ-સ્પીડ 6G પ્રોટોટાઇપ ડિવાઇસ રજૂ કર્યું છે. એવો દાવો કરવામાં આવી રહ્યો છે કે તે 100 ગીગાબીટ પ્રતિ સેકન્ડ (Gbps)ની સ્પિડે 330 ફૂટથી વધુના અંતરે ડેટા ટ્રાન્સમિટ કરી શકે છે. આ સ્પીડ હાલના 5G પ્રોસેસર્સ કરતાં 20 ગણી સ્પિડી છે અને તેની એકંદર સ્પીડ સરેરાશ 5G ફોન સ્પીડ કરતાં 500 ગણી સ્પિડી છે.

મતલબ કે એ દિવસ દૂર નથી જ્યારે મોટી મૂવી ડાઉનલોડ કરવામાં આપણને મિનિટો નહીં પણ થોડી સેકન્ડનો સમય લાગશે. TechReport અનુસાર, 6G સ્પીડ સાથે તમે એક સેકન્ડમાં 5 HD મૂવી ડાઉનલોડ કરી શકશો.

પ્રોટોટાઇપ ડિવાઇસને ચાર મુખ્ય જાપાની ટેલિકોમ્યુનિકેશન કંપનીઓ DoCoMo, NTT કોર્પોરેશન, NEC કોર્પોરેશન અને Fujitsu દ્વારા સંયુક્ત રીતે ડેવલપ કરવામાં આવ્યું છે. આ કંપનીઓ લાંબા સમયથી આ ડિવાઇસ પર કામ કરી રહી હતી.

કન્સોર્ટિયમે 11 એપ્રિલના રોજ સફળ ટેસ્ટિંગ પરિણામોની જાહેરાત કરી હતી, જ્યાં કંપનીઓએ જાહેર કર્યું હતું કે પ્રોટોટાઇપ ડિવાઇસ 100 GHz બેન્ડનો ઉપયોગ કરીને 100 Gbpsની અંદર અને 300 GHz બેન્ડનો ઉપયોગ કરીને 100 Gbps બહારની સ્પિડ મેળવી કરી શકે છે.

રિયલ લાઇફમાં સ્પિડ ઘટી શકે

જો કે આ સ્પિડ ખૂબ પ્રભાવશાળી છે, તમારી અપેક્ષાઓ પહેલાથી જ વધુ ના રાખતા કારણ કે માત્ર એક ડિવાઇસમાં 6G નું ટેસ્ટિંગ કરવામાં આવ્યું હતું, નેટવર્ક ટેક્નોલોજીમાં પણ તેના ડાઉનસાઇડ્સ છે.

કનેક્ટિવિટીમાં વર્તમાન ગોલ્ડ સ્ટાન્ડર્ડ 5G, 10 Gbpsની સૈદ્ધાંતિક મેક્સિમમ સ્પિડ ધરાવે છે. જો કે, વાસ્તવિક દુનિયાની ગતિ સામાન્ય રીતે ઘણી ધીમી હોય છે, જે યુ.એસ.માં T-Mobile યુઝર્સ માટે સરેરાશ 200 મેગાબિટ પ્રતિ સેકન્ડ (Mbps) છે.

ફ્રિક્વન્સી બની શકે છે ચેલેન્જ

આટલી ઓછી સ્પિડનું એક કારણ 5G દ્વારા ઉપયોગમાં લેવાતા ઉચ્ચ ફ્રિક્વન્સી બેન્ડ છે. હાઇ ફ્રિક્વન્સીનો અર્થ સ્પિડી પણ હોઈ શકે છે, પરંતુ તે ઘણી ખામીઓ સાથે પણ આવે છે. તેઓ સિગ્નલ મુસાફરી કરી શકે તે અંતરને લિમિટ કરે છે.

6G આને એક સ્ટેપ આગળ લઈ જાય છે અને 5G કરતાં પણ વધુ હાઇ ફ્રિક્વન્સી બેન્ડનો ઉપયોગ કરે છે. આનો અર્થ એ છે કે 6G ડિવાઇસોને સ્પિડી ડાઉનલોડ્સ માટે જરૂરી ફ્રીક્વન્સીઝ મેળવવામાં મુશ્કેલી પડશે. આ ટેસ્ટિંગ 330 ફૂટ (100 મીટર) કરતાં વધુના અંતરે હાથ ધરવામાં આવ્યા હતા. તેથી દિવાલો અને વરસાદ જેવા પડકારોમાં 6G સિગ્નલને ઘણી હદ સુધી વિક્ષેપિત કરી શકે છે.

આ પણ વાંચો - આ અઠવાડિયે IPO જ IPO, 7 નવા ઈશ્યુ ખુલશે, 12 કંપનીઓ થશે લિસ્ટ