પાકિસ્તાનનો ઇઝરાયલ સામે મોટો નિર્ણય: કતરના હુમલા બાદ શહબાઝ શરીફનું એલાન

પાકિસ્તાનના વડાપ્રધાન શહબાઝ શરીફે ઇઝરાયલના તાજેતરના કતર હુમલાની નિંદા કરીને ખાડી દેશો અને મુસ્લિમ રાષ્ટ્રો સાથે એકતા દર્શાવવાનું એલાન કર્યું છે. આ નિર્ણયથી પાકિસ્તાન અને ઇઝરાયલ વચ્ચે તણાવ વધવાની શક્યતા છે. શરીફ ગુરુવારે કતરની મુલાકાતે જશે, જ્યાં તેઓ કતરના અમીર શેખ તમીમ બિન હમદ આલ થાની સાથે મુલાકાત કરશે અને ઇઝરાયલના હુમલા બાદ કતરના લોકો અને નેતૃત્વ પ્રત્યે સમર્થન વ્યક્ત કરશે.

કતર પર ઇઝરાયલનો હુમલો

મંગળવારે ઇઝરાયલે કતરની રાજધાની દોહામાં હમાસના આતંકવાદીઓની બેઠકની ચોક્કસ ગુપ્તચર માહિતીના આધારે હુમલો કર્યો હતો. આ હુમલામાં હમાસના 6 અધિકારીઓ માર્યા ગયા હતા, જેમાંથી 5ના મોતની પુષ્ટિ હમાસે કરી છે. પાકિસ્તાનના વિદેશ મંત્રાલયે આ હુમલાને “કાયરતાપૂર્ણ” ગણાવીને ઇઝરાયલની ટીકા કરી હતી અને કતરની સુરક્ષા અને સાર્વભૌમત્વ પ્રત્યે પોતાનું સમર્થન વ્યક્ત કર્યું હતું.

શહબાઝ શરીફની કતર મુલાકાત

ઇરાન-ઇઝરાયલ સંઘર્ષનો પડઘો

આ પહેલાં ઇઝરાયલ અને ઇરાન વચ્ચે 11 દિવસના યુદ્ધમાં ઇઝરાયલે ઇરાનના 3 મહત્વના ગુપ્ત પરમાણુ ઠેકાણાઓ નષ્ટ કરી દીધા હતા, જેમાં ઇરાનને પણ નુકસાન થયું હતું. આ સંઘર્ષમાં ફિલિસ્તીન, લેબનાન, સીરિયા અને યમન જેવા દેશોના આતંકવાદી જૂથો પણ ઇઝરાયલ સામે હારી ગયા હતા. પાકિસ્તાનનું આ પગલું ઇઝરાયલની હિટ લિસ્ટમાં તેને લાવી શકે છે, જેનાથી રાજદ્વારી અને સુરક્ષા પડકારો વધી શકે છે.

પાકિસ્તાનની રાજદ્વારી ચાલ

પાકિસ્તાને હંમેશા ઇરાન સાથે નજીકના સંબંધો જાળવ્યા છે, પરંતુ ઇઝરાયલ સાથેના તણાવથી તેની રાજદ્વારી નીતિ પર અસર પડી શકે છે. શહબાઝ શરીફની આ મુલાકાત મધ્ય પૂર્વના રાજકારણમાં પાકિસ્તાનની સ્થિતિને મજબૂત કરવાનો પ્રયાસ હોઈ શકે છે, પરંતુ આનાથી ઇઝરાયલ સાથે સંઘર્ષનું જોખમ પણ વધી શકે છે.

આ પણ વાંચો- ભારતના AMCA પ્રોજેક્ટને ફ્રાન્સનો સાથ, સ્વદેશી સ્ટીલ્થ ફાઇટર જેટના એન્જિનમાં મોટી સફળતા