RBIએ રદ કર્યું અમદાવાદના બેન્કનું લાયસન્સ, જાણો હવે કસ્ટમર્સના પૈસાનું શું થશે?

ભારતીય રિઝર્વ બેન્ક (RBI)એ અમદાવાદની ‘કલર મર્ચન્ટ્સ કો-ઓપરેટિવ બેન્ક’નું લાયસન્સ રદ કરી દીધું છે. RBIનું કહેવું છે કે આ બેન્ક પાસે ન તો પૂરતું મૂડી ભંડોળ હતું અને ન તો આવકની કોઈ સંભાવના દેખાતી હતી. આ ઉપરાંત, બેન્ક બેન્કિંગ નિયમોનું પાલન કરવામાં પણ નિષ્ફળ રહી હતી. આ કારણે RBIએ આ મોટો નિર્ણય લીધો છે. બેન્કને બંધ કરવા અને તેના માટે લિક્વિડેટર (નાદારીની પ્રક્રિયા હાથ ધરનાર) નીમવાનો આદેશ આપવા ગુજરાતના કો-ઓપરેટિવ સોસાયટીના રજિસ્ટ્રારને પણ જણાવવામાં આવ્યું છે.

કસ્ટમર્સના પૈસા કેટલા સુરક્ષિત?

RBIએ જણાવ્યું કે બેન્કના 98.51 ટકા કસ્ટમર્સને તેમની સંપૂર્ણ જમા રકમ ડિપોઝિટ ઇન્સ્યોરન્સ એન્ડ ક્રેડિટ ગેરંટી કોર્પોરેશન (DICGC) તરફથી પાછી મળી જશે. દરેક ગ્રાહક ડીઆઈસીજીસી દ્વારા મહત્તમ 5 લાખ રૂપિયા સુધીની જમા રકમનો બીમો દાવો કરી શકે છે. બેન્કે આપેલા આંકડા મુજબ, 31 માર્ચ 2024 સુધીમાં ડીઆઈસીજીસીએ કસ્ટમર્સને 13.94 કરોડ રૂપિયાનું ચૂકવણું પહેલેથી જ કરી દીધું છે.

બેન્કે બેન્કિંગ કામગીરી બંધ કરી

કસ્ટમર્સે શું કરવું?

જો તમારું ખાતું આ બેન્કમાં છે, તો ડીઆઈસીજીસીના નિયમો મુજબ તમે 5 લાખ રૂપિયા સુધીની જમા રકમનો દાવો કરી શકો છો. કસ્ટમર્સને સલાહ આપવામાં આવે છે કે તેઓ બેન્ક અથવા ડીઆઈસીજીસીનો સંપર્ક કરીને વધુ માહિતી મેળવે.

આ પણ વાંચો- ટાઈમની 100 પ્રભાવશાળી વ્યક્તિઓની યાદીમાં એક પણ ભારતીય નહીં, યૂનુસનો સમાવેશ, જાણો શું છે કારણ?