નક્સલવાદીઓ સામે સુરક્ષાદળોને મળી મોટી સફળતા, 19 નક્સલવાદીઓ ઝડપાયા, 3 ઈનામી પણ સામેલ

છત્તીસગઢના નક્સલ પ્રભાવિત સુકમા જિલ્લામાં, સુરક્ષા દળોએ કુલ 19 નક્સલવાદીઓની ધરપકડ કરી હતી, જેમાં 3 ઇનામી નક્સલવાદી કમાન્ડરનો પણ સમાવેશ થાય છે. આ વિશે માહિતી આપતા પોલીસ અધિકારીઓએ જણાવ્યું હતું કે સુકમા જિલ્લાના ભેજજી અને જગરગુંડા પોલીસ સ્ટેશન વિસ્તારમાં સુરક્ષા દળો દ્વારા 19 નક્સલવાદીઓની ધરપકડ કરવામાં આવી હતી. તેમણે જણાવ્યું કે આ 3 નક્સલવાદી કમાન્ડરોમાંથી દરેકને 1 લાખ રૂપિયાનું ઈનામ જાહેર કરવામાં આવ્યું હતું અને તેમની ઓળખ 25 વર્ષીય બરસે હડમા, 20 વર્ષીય બરસે નાગેશ અને 18 વર્ષીય હેમલા જીતુ તરીકે કરવામાં આવી છે.

ભંડારપાદર ગામના જંગલોમાં કરી ધરપકડ

27 ઓક્ટોબરે 14 નક્સલવાદીઓની ધરપકડ કરવામાં આવી 

અધિકારીઓએ જણાવ્યું હતું કે અન્ય એક ઘટનામાં, 27 ઓક્ટોબરના રોજ, જગરગુંડા પોલીસ સ્ટેશન વિસ્તારમાં નક્સલવાદી પ્રવૃત્તિ વિશે ઇનપુટ મળ્યા પછી, એક સંયુક્ત ટીમે ઘેરાબંધી કરી અને 14 નક્સલવાદીઓની ધરપકડ કરી. તેમણે માહિતી આપી હતી કે સુરક્ષા દળોએ ધરપકડ કરાયેલા નક્સલવાદીઓ પાસેથી ગનપાઉડર, વિસ્ફોટકો અને અન્ય વસ્તુઓ જપ્ત કરી છે. અધિકારીઓએ જણાવ્યું કે જ્યારે નક્સલવાદીઓની પૂછપરછ કરવામાં આવી ત્યારે ખબર પડી કે તેઓ સુરક્ષા દળોને નુકસાન પહોંચાડવા માટે રસ્તામાં લેન્ડમાઈન નાખવા જઈ રહ્યા હતા. તેમણે કહ્યું કે પોલીસે બુધવારે તમામ નક્સલવાદીઓને સ્થાનિક કોર્ટમાં રજૂ કર્યા જ્યાંથી તેમને જેલમાં મોકલવામાં આવ્યા. અધિકારીઓએ જણાવ્યું કે, નક્સલવાદીઓને પકડવા માટે સમગ્ર વિસ્તારમાં સતત વિશેષ ઓપરેશન ચલાવવામાં આવી રહ્યા છે.

આ પણ વાંચો-આ શિયાળાની સિઝનમાં દર અઠવાડિયે આ એરપોર્ટ પરથી 3,372 ફ્લાઈટ્સ થશે ઓપરેટ, ડોમેસ્ટિક ફ્લાઈટ્સની રહેશે આટલી સંખ્યા