Bank of Barodaની ખુશખબર: FD પર વ્યાજ દર વધ્યો, સામાન્ય ગ્રાહકોથી લઈને સુપર સિનિયર સિટિઝન સુધી બધાને ફાયદો

Bank of Baroda FD rates: જો તમે ફિક્સ્ડ ડિપોઝિટમાં પૈસા રોકો છો અથવા રોકવાનું વિચારી રહ્યા છો, તો Bank of Baroda તરફથી તમારા માટે એક સારા સમાચાર આવ્યા છે. સરકારી બેંકે પોતાની 555 દિવસની ખાસ FD સ્કીમ "bob Golden Goal" પર વ્યાજ દરમાં 10 બેસિસ પોઈન્ટનો વધારો કર્યો છે. નવા દર 12 નવેમ્બરથી લાગુ થઈ ચૂક્યા છે. સૌથી વધુ 7.50% વ્યાજ 80 વર્ષ અને તેથી વધુ ઉંમરના સુપર સિનિયર સિટિઝનને નોન-કોલેબલ FD પર મળશે. ચાલો વિગતવાર સમજીએ.

કોને કેટલું વ્યાજ મળશે?

સામાન્ય ગ્રાહકો (NRI સહિત)

કોલેબલ FD: 6.85% (પહેલાં 6.75% હતું)

નોન-કોલેબલ FD: 6.90% (પહેલાં 6.80% હતું)

સિનિયર સિટિઝન (60 વર્ષથી ઉપર):

કોલેબલ FD: 7.35% (પહેલાં 7.25% હતું)

નોન-કોલેબલ FD: 7.40% (પહેલાં 7.30% હતું)

સુપર સિનિયર સિટિઝન (80 વર્ષ અને તેથી ઉપર):

કોલેબલ FD: 7.45% (પહેલાં 7.35% હતું)

નોન-કોલેબલ FD: 7.50% (પહેલાં 7.40% હતું)

એટલે કે, સિનિયર સિટિઝનને સામાન્ય ગ્રાહકો કરતાં 0.50 ટકા વધુ વ્યાજ મળે છે, જ્યારે સુપર સિનિયર સિટિઝનને 0.60 ટકા વધુ મળે છે.

કોને મળશે આ ફાયદો?

આ સ્કીમ 3 કરોડ રૂપિયાથી ઓછી રિટેલ ટર્મ ડિપોઝિટ માટે છે. બેંકે સ્પષ્ટ કર્યું છે કે માત્ર 555 દિવસવાળી આ સ્કીમના દર બદલાયા છે, બાકીની તમામ અવધિની FD પર વ્યાજ દર પહેલાં જેવા જ રહેશે.

કોલેબલ અને નોન-કોલેબલ FD માં શું ફરક છે?

ઘણા લોકોને આ બંને વચ્ચેનો તફાવત સમજાતો નથી. સરળ ભાષામાં સમજીએ,

કોલેબલ FD: આમાં તમે મેચ્યોરિટી પહેલાં પણ પૈસા કાઢી શકો છો. જોકે, તેના પર બેંકના વહેલા નિકાસીના નિયમો અને પેનલ્ટી લાગે છે.

નોન-કોલેબલ FD: આમાં વચ્ચે પૈસા કાઢવાની છૂટ નથી, સિવાય કે કેટલીક ખાસ પરિસ્થિતિઓમાં. પૈસા બંધાયેલા રહેવાની આ શરતના બદલામાં બેંક થોડું વધુ વ્યાજ આપે છે — આ સ્કીમમાં 0.05 ટકા વધુ.

બેંકે દર કેમ વધાર્યા?

Bank of Barodaના એક્ઝિક્યુટિવ ડિરેક્ટર બીના વહીદે જણાવ્યું કે, આ વધારો એવા ગ્રાહકોને વધુ રિટર્ન આપવા માટે કરવામાં આવ્યો છે જે મધ્યમ ગાળામાં નિશ્ચિત રિટર્ન ઈચ્છે છે. તેમના મુજબ, આ પગલાનો હેતુ બેંકના ડિપોઝિટ બેઝને મજબૂત કરવાનો અને એસેટ-લાયેબિલિટી મેનેજમેન્ટ વ્યૂહરચનાને ટેકો આપવાનો પણ છે.

આ FD કેવી રીતે ખોલશો?

ગ્રાહકો 555 દિવસની આ FD ખૂબ જ સરળતાથી ખોલી શકે છે.

bob World મોબાઈલ બેંકિંગ એપ દ્વારા

bob World Internet નેટ બેંકિંગ દ્વારા

બેંકની કોઈપણ બ્રાંચમાં જઈને

જેમનું Bank of Baroda માં ખાતું નથી, તે પણ બેંકની વેબસાઈટ પરથી સીધી FD ખોલી શકે છે.જેના માટે પહેલા સેવિંગ્સ એકાઉન્ટ ખોલવું જરૂરી નથી.

આ પણ વાંચો-RBIનો મોટો નિર્ણય: પૈસા ટ્રાન્સફર કરવાના નિયમો બદલાયા, હવે આ શરતો વગર એક પણ ટ્રાન્ઝેક્શન નહીં થાય!