Bank Strike: બેંકમાં 5 દિવસ કામકાજ અંગે સરકારનો મોટો ખુલાસો, 3 દિવસની હડતાળ પહેલા જાણો લેટેસ્ટ અપડેટ

Bank Strike 2026: બેંક કર્મચારીઓની આગામી દેશવ્યાપી હડતાળ પહેલા કેન્દ્ર સરકારે એક મોટું નિવેદન આપ્યું છે. બેંકોમાં અઠવાડિયામાં 5 દિવસ કામકાજ કરવાની માંગણી લાંબા સમયથી ચાલી રહી છે. આ વચ્ચે, સરકારે કર્મચારીઓને 28થી 30 સપ્ટેમ્બર 2026 દરમિયાન યોજાનારી હડતાળ પાછી ખેંચવા માટે અપીલ કરી છે.

સરકારે હડતાળ ટાળવા કરી અપીલ

નાણાં મંત્રાલય દ્વારા બેંક કર્મચારી સંગઠનોને વિનંતી કરવામાં આવી છે કે તેઓ આ 3 દિવસીય હડતાળના નિર્ણય પર ફરીથી વિચાર કરે અને તેને ટાળવાનો પ્રયાસ કરે. સરકારે સ્પષ્ટ કર્યું છે કે કર્મચારીઓની ઘણી માંગણીઓ પર હાલમાં વાતચીત ચાલી રહી છે. આવા સમયે હડતાળ કરવાથી સામાન્ય ગ્રાહકો, વેપારીઓના કારોબાર અને સરકારી લેવડદેવડ પર મોટી અને નકારાત્મક અસર પડી શકે છે.

5-Day Banking પર સરકારે શું કહ્યું?

બેંક યુનિયનોની મુખ્ય માંગણીઓ શું છે?

યુનાઈટેડ ફોરમ ઓફ બેંક યુનિયન્સ દ્વારા મુખ્યત્વે નીચે મુજબની માંગણીઓ કરવામાં આવી છે:

* બેંકોમાં અઠવાડિયામાં માત્ર 5 દિવસ જ કામકાજ -સોમવારથી શુક્રવાર રાખવામાં આવે.

* પેન્શન સિસ્ટમમાં જરૂરી સુધારા કરવામાં આવે.

* તમામ પેન્શનરો માટે એક સમાન મોંઘવારી ભથ્થું (DA) લાગુ પડે.

* NPS (નેશનલ પેન્શન સિસ્ટમ) માં જોડાયેલા કર્મચારીઓને જૂની પેન્શન યોજના (OPS) નો વિકલ્પ આપવામાં આવે.

* યુનિયનોનું કહેવું છે કે 5 દિવસના બેંકિંગ અંગે અગાઉ સરકાર સાથે ચર્ચા થઈ ચૂકી છે, પરંતુ તેનો હજુ સુધી અમલ કરવામાં આવ્યો નથી, જેના વિરોધમાં આ હડતાળનું એલાન કરાયું છે.

ગ્રાહકો પર શું અસર થશે?

જો 28 થી 30 સપ્ટેમ્બર 2026 સુધી હડતાળ પડશે, તો ગ્રાહકોને મોટી મુશ્કેલી પડી શકે છે. 26 અને 27 સપ્ટેમ્બરની રજાઓને ગણીએ તો સળંગ 5 દિવસ સુધી બેંકોમાં કામકાજ ઠપ થઈ શકે છે. જોકે, ગ્રાહકો માટે રાહતના સમાચાર એ છે કે આ હડતાળ દરમિયાન UPI, ઇન્ટરનેટ બેંકિંગ અને મોબાઇલ બેંકિંગ જેવી તમામ ડિજિટલ સેવાઓ રાબેતા મુજબ ચાલુ રહેવાની પૂરી શક્યતા છે.

આ પણ વાંચો- ભારતની મોટી કૂટનીતિક જીત: 'UNSCમાં ભારતને કાયમી સભ્યપદ મળવું જ જોઈએ', 4 યુરોપિયન દેશોનો ખુલ્લો ટેકો

હાલમાં સરકાર અને બેંક યુનિયનો વચ્ચે આ મામલે મંત્રણાઓ ચાલી રહી છે. જો સમયસર કોઈ યોગ્ય ઉકેલ આવી જશે, તો બેંકની હડતાળ ટળી શકે છે અને લાખો ગ્રાહકોને હાલાકીમાંથી બચાવી શકાશે.