8th Pay Commission: સરકારી કર્મચારીઓ માટે મોટા સમાચાર, જાણો DA મર્જર, HRA અને ફિટમેન્ટ ફેક્ટરનું લેટેસ્ટ અપડેટ

8th Pay Commission: કેન્દ્ર સરકારના 1 કરોડથી વધુ કર્મચારીઓ અને પેન્શનરો માટે 8મા પગાર પંચને લઈને અત્યંત મહત્વના સમાચાર સામે આવ્યા છે. અત્યારે પગાર પંચની ટીમ દેશભરમાં અલગ-અલગ કર્મચારી યુનિયનો, પેન્શનર મંડળો, રેલવે અને સંરક્ષણ દળોના પ્રતિનિધિઓ સાથે સતત મીટિંગો કરી રહી છે. તાજેતરમાં જ ચંદીગઢ, ચેન્નઈ અને પુડુચેરીમાં બેઠકો યોજાઈ ગઈ છે, અને આવતા મહિને આ ટીમ બેંગલુરુની મુલાકાતે જવાની છે.

નવું પગાર પંચ લાગુ થવાથી કર્મચારીઓ અને પેન્શનર્સના પગારમાં બમ્પર ઉછાળો આવશે. પરંતુ તમારા મનમાં સવાલ હશે કે પગાર કેટલો વધશે અને કયા કયા ભથ્થામાં ફેરફાર થશે? તો ચાલો તેને સરળતાથી સમજીએ.

પગાર વધારાના 4 મુખ્ય આધાર

કેબિનેટ દ્વારા મંજૂર કરાયેલા નિયમો મુજબ, 8મું પગાર પંચ કર્મચારીઓના પગાર, ભથ્થા અને પેન્શનના માળખાની સમીક્ષા કરી રહ્યું છે. નવો પગાર મુખ્યત્વે આ 4 બાબતો પર નિર્ભર રહેશે.

2. ભથ્થા : મોંઘવારી ભથ્થું, મકાન ભાડા ભથ્થું અને ટ્રાવેલ એલાઉન્સ.

3. રોકડ અને અન્ય લાભ: વાર્ષિક ઇન્ક્રીમેન્ટ, પ્રમોશન અને પરફોર્મન્સ લિંક્ડ ઇન્સેન્ટિવ.

4. અન્ય સુધારા: કામકાજની જરૂરિયાતો અને અલગ-અલગ પોસ્ટનું રેશનલાઇઝેશન.

DA મર્જરની માંગ કેમ થઈ રહી છે?

કર્મચારી સંગઠનો અને પેન્શનર્સ જોરદાર માંગ કરી રહ્યા છે કે 7મા પગાર પંચના નિયમો મુજબ મોંઘવારી ભથ્થાને બેઝિક પગારમાં મર્જ કરી દેવામાં આવે. બેઝિક પગાર એવો પાયો છે જેના પર પીએફ, પેન્શન અને ગ્રેચ્યુઇટીની ગણતરી થાય છે. જો DA ને બેઝિક પગારમાં ભેળવી દેવાશે, તો બેઝિક પગાર આપોઆપ વધી જશે. જેના કારણે રિટાયરમેન્ટના ફાયદાઓ અને અન્ય ભથ્થાઓ પણ અનેકગણા વધી જશે.

ફિટમેન્ટ ફેક્ટર નક્કી કરશે તમારો પગાર

ફિટમેન્ટ ફેક્ટર એક એવી ગણતરી છે, જેના આધારે જૂના બેઝિક પગારને નવા બેઝિક પગારમાં ફેરવવામાં આવે છે. 7મા પગાર પંચમાં આ ફેક્ટર 2.57 હતો. અત્યારે 8મા પગાર પંચમાં તેને 2.28 થી લઈને 3.83 ની વચ્ચે રાખવાની ચર્ચા ચાલી રહી છે. જો સરકાર આ ફેક્ટરને 3.68 અથવા 3.83 સુધી લઈ જાય છે, તો કર્મચારીઓના બેઝિક પગારમાં રેકોર્ડબ્રેક વધારો જોવા મળશે.

HRA માં ફેરફાર: 2017 પછી પહેલીવાર બદલાવ

વર્ષ 2017 પછી મકાન ભાડા ભથ્થાના દરોમાં કોઈ મોટો ફેરફાર થયો નથી, જ્યારે શહેરોમાં મકાનનું ભાડું આસમાને પહોંચી ગયું છે. આથી NC-JCM અને કર્મચારી સંગઠનોએ પ્રસ્તાવ મૂક્યો છે કે,,,

X કેટેગરીના શહેરો માટે: 36% HRA

Y કેટેગરીના શહેરો માટે: 24% HRA

Z કેટેગરીના શહેરો માટે: 12% HRA

આ સાથે એવી પણ માંગ છે કે, જ્યારે પણ DA વધે ત્યારે HRA પણ આપોઆપ વધે તેવો કાયમી નિયમ બનાવવામાં આવે.

ક્યારે લાગુ થશે 8મું પગાર પંચ?

3 નવેમ્બર 2025 ના રોજ રચાયેલા 8મા પગાર પંચને પોતાનો અંતિમ રિપોર્ટ સોંપવા માટે 18 મહિનાનો સમય (મે 2027 સુધી) આપવામાં આવ્યો છે. નિષ્ણાતોનું માનવું છે કે ફેબ્રુઆરી અથવા એપ્રિલ 2027 ની આસપાસ કેટલીક વચગાળાની જાહેરાતો થઈ શકે છે. જોકે, અગાઉના પગાર પંચનો ઈતિહાસ જોઈએ તો, રિપોર્ટ આવ્યા પછી તેને સંપૂર્ણપણે લાગુ થવામાં અને એરિયર્સ ચૂકવવામાં 2029 કે 2030 સુધીનો સમય લાગી શકે છે.

આ પણ વાંચો-PNBની શાનદાર ઓફર: 666 દિવસની FD પર ગ્રાહકોને મળશે બમ્પર વ્યાજ, જાણો સંપૂર્ણ વિગત