પોસ્ટ ઓફિસની 4 સ્કીમ્સ: બેન્ક FD કરતાં પણ વધુ વ્યાજ!

Post Office Schemes : આજના સમયમાં સેવિંગ્સનું મહત્વ દરેક વ્યક્તિ સમજી ગયું છે. લોકો પોતાની જરૂરિયાત મુજબ અલગ-અલગ જગ્યાએ ઇન્વેસ્ટમેન્ટ કરે છે, પરંતુ કયું ઇન્વેસ્ટમેન્ટ સુરક્ષિત છે અને સારું રિટર્ન આપે છે તે પ્રશ્ન હંમેશા રહે છે. શેરબજારથી ડરતા લોકો અને બેન્ક FDના ઘટતા વ્યાજ દરોથી પરેશાન લોકો માટે પોસ્ટ ઓફિસ સેવિંગ્સ સ્કીમ્સ એક ઉત્તમ વિકલ્પ બની શકે છે. સરકાર માન્યતા પ્રાપ્ત આ સ્કીમ્સ માત્ર તમારા ઇન્વેસ્ટમેન્ટને સુરક્ષિત નથી રાખતી, પરંતુ શાનદાર રિટર્ન પણ આપે છે.

આ સ્કીમ્સની સૌથી ખાસ વાત એ છે કે તમે ખૂબ જ ઓછી રકમથી ઇન્વેસ્ટમેન્ટ શરૂ કરી શકો છો અને ધીમે ધીમે એક મોટો ફંડ તૈયાર કરી શકો છો. આ યોજનાઓનો સૌથી મોટો ફાયદો એ છે કે તેના પર માર્કેટના ઉતાર-ચઢાવની કોઈ અસર થતી નથી, એટલે કે જોખમ લગભગ શૂન્ય છે. આ જ કારણ છે કે આ યોજનાઓ સિનિયર સિટીઝન્સ, મહિલાઓ, બાળકો અને જોબ કરતા લોકો માટે ખૂબ જ ફાયદાકારક સાબિત થાય છે.

1. સિનિયર સિટીઝન સેવિંગ્સ સ્કીમ (SCSS)

જો તમે રિટાયરમેન્ટ પછી ફાઇનાન્સિયલ સિક્યોરિટી શોધી રહ્યા છો, તો સિનિયર સિટીઝન સેવિંગ્સ સ્કીમ એક ઉત્તમ ઓપ્શન છે. આ યોજના ખાસ કરીને સિનિયર સિટીઝન્સ માટે બનાવવામાં આવી છે, જ્યાં તેમને રેગ્યુલર ઇન્કમ અને કેપિટલ સિક્યોરિટી મળે છે. આ સ્કીમમાં હાલમાં 7.4% સુધી વ્યાજ મળે છે. ઇન્કમ ટેક્સ એક્ટના સેક્શન 80C હેઠળ ટેક્સ છૂટનો લાભ પણ મળે છે. તેની સમયમર્યાદા અને ઇન્વેસ્ટમેન્ટ લિમિટ પણ સરળ બનાવવામાં આવી છે, જેથી તે વધુ સુલભ બની છે.

જો તમે સુરક્ષિત અને ટેક્સ બચાવતા ઇન્વેસ્ટમેન્ટની શોધમાં છો, તો નેશનલ સેવિંગ્સ સર્ટિફિકેટ પણ એક શ્રેષ્ઠ વિકલ્પ છે. આ સરકાર દ્વારા સમર્થિત યોજના છે, એટલે કે તેમાં તમારા પૈસા સંપૂર્ણપણે સુરક્ષિત રહે છે. આ યોજના પાંચ વર્ષ માટે છે અને તેમાં હાલમાં 7.7% સુધી વ્યાજ મળે છે (સમય-સમય પર તેમાં ફેરફાર થઈ શકે છે). સેક્શન 80C હેઠળ ઇન્વેસ્ટ કરેલી રકમ પર ટેક્સ છૂટ મળે છે. મેચ્યોરિટી પર મળતી રકમ સંપૂર્ણપણે ગેરંટેડ હોય છે.

3. સુકન્યા સમૃદ્ધિ યોજના (SSY)

જો તમે તમારી દીકરીઓના ઉજ્જવળ ભવિષ્યમાં ઇન્વેસ્ટ કરવા માંગો છો, તો સુકન્યા સમૃદ્ધિ યોજના સૌથી સારી યોજના છે. આ યોજના ખાસ કરીને છોકરીઓ માટે બનાવવામાં આવી છે, જે તેમની એજ્યુકેશન અને મેરેજના ખર્ચાઓ પૂરા કરવામાં મદદ કરે છે. આ યોજના હાલમાં 8.2% જેટલો ઊંચો વ્યાજ દર પ્રદાન કરે છે. આમાં પણ સેક્શન 80C હેઠળ ટેક્સ છૂટ મળે છે. આ એક લોંગ ટર્મ સેવિંગ ઓપ્શન છે, જેનાથી દીકરીની હાયર એજ્યુકેશન અને મેરેજ જેવા મોટા ખર્ચા સરળતાથી પૂરા કરી શકાય છે.

4. પોસ્ટ ઓફિસ ટાઈમ ડિપોઝિટ સ્કીમ

પોસ્ટ ઓફિસ ટાઈમ ડિપોઝિટ સ્કીમમાં તમે 1 થી લઈને પાંચ વર્ષ સુધી ઇન્વેસ્ટ કરી શકો છો. આમાં તમને બેન્ક FDની સરખામણીમાં વધુ રિટર્ન મળી રહ્યું છે. એક વર્ષની ટાઈમ ડિપોઝિટ સ્કીમ પર 6.9% અને 5 વર્ષ પર 7.5% ના દરે વ્યાજ મળી રહ્યું છે.

આ પણ વાંચો- 3,000નો ફાસ્ટેગ એન્યુઅલ ટોલ પાસ: 200 ટ્રિપ પછી શું? જાણો નવી ટોલ ટેક્સ નીતિની સંપૂર્ણ વિગતો