Gen Zનો અનોખો કમાલ: શેર ખરીદ્યા વગર સ્ટોક માર્કેટને આપી રહ્યા છે માત!

Gen Z Investment: ભારતની નવી પેઢી, જેને Gen Z તરીકે ઓળખવામાં આવે છે, તે આજે માત્ર સોશિયલ મીડિયા, ગેમિંગ કે સ્ટાર્ટઅપ્સની દુનિયામાં જ નહીં, પરંતુ રોકાણની દુનિયામાં પણ ધૂમ મચાવી રહી છે. 13થી 28 વર્ષની આ વય જૂથ ભારતના રોકાણના વિચારને એવી રીતે બદલી રહ્યું છે, જેની કોઈએ કલ્પના પણ કરી ન હતી.

જો તમને પણ એમ લાગતું હોય કે સ્ટોક માર્કેટ ફક્ત શેર ખરીદવાથી કે વેચવાથી જ ચાલે છે, તો ભારતની Gen Z તમારી આ વિચારસરણી બદલવા તૈયાર છે. 13થી 28 વર્ષની આ નવી પેઢી જૂની રોકાણ પદ્ધતિઓને પાછળ છોડીને આધુનિક માર્ગો અપનાવી રહી છે, જેનાથી તેઓ સીધા શેર ખરીદ્યા વગર પણ માર્કેટને પ્રભાવિત કરી રહ્યા છે. ડિજિટલ ગોલ્ડ, ક્રિપ્ટોકરન્સી અને SIPs આ ત્રણ મુખ્ય હથિયારો છે, જેનાથી Gen Z માત્ર પોતાની સંપત્તિ જ નથી બનાવી રહ્યા, પરંતુ ભારતીય નાણાકીય બજારમાં એક નવી દિશા પણ નક્કી કરી રહ્યા છે.

ડિજિટલ ગોલ્ડ:સોનામાં Gen Zનો નવો માર્ગ

ભારતમાં સોનું હંમેશાથી સુરક્ષિત રોકાણ માનવામાં આવે છે, પરંતુ Gen Z તેને એક નવા તરીકે અપનાવી રહ્યા છે. ઘરેણાં કે જ્વેલરી ખરીદવાને બદલે Gen Zના યુવાનો ડિજિટલ ગોલ્ડ અને સોવરિન ગોલ્ડ બોન્ડ્સ (SGBs) માં ઝડપથી રોકાણ કરી રહ્યા છે. એક તાજેતરના અહેવાલ મુજબ, 35 વર્ષથી ઓછી ઉંમરના 75% રોકાણકારો ડિજિટલ ગોલ્ડ ખરીદવાનું પસંદ કરી રહ્યા છે, કારણ કે તેને નાના અમાઉન્ટમાં ખરીદી શકાય છે, સ્ટોર કરવાની ઝંઝટ નથી અને વેચવામાં પણ સરળતા રહે છે. 2025માં ગોલ્ડ ETFs નું રિટર્ન 60% સુધી પહોંચી ગયું હતું, જે Nifty 50ના 25%ના વધારા કરતાં ઘણું વધારે હતું. Gen Z જાણે છે કે ઓછી રકમથી પણ કેવી રીતે મજબૂત વળતર કમાવી શકાય છે.

ક્રિપ્ટોકરન્સીની દુનિયા Gen Z માટે સાહસ અને તક બંને સમાન છે. CoinSwitchના Q3 2025ના ડેટા મુજબ, 18-25 વર્ષના યુવાનો હવે 37.6% ક્રિપ્ટો રોકાણકારોનો સૌથી મોટો સમુહ છે. Chainalysisએ ભારતને 2025માં વિશ્વનો નંબર-1 ક્રિપ્ટો અપનાવતો દેશ જાહેર કર્યો, જેમાં Gen Zની મોટી ભૂમિકા રહી છે. મેમેકોઇન્સ, બિટકોઇન, ઇથેરિયમ - Gen Z દરેક પ્રકારની ક્રિપ્ટોકરન્સીમાં DCA (ડોલર કોસ્ટ એવરેજિંગ) સ્ટ્રેટેજી અપનાવીને સમજદારીપૂર્વક રોકાણ કરી રહ્યા છે.

SIP: કમ્પાઉન્ડિંગના જાદુને સમજતા યુવાનો

જે લોકો વિચારે છે કે Gen Z માત્ર જોખમ ઉઠાવે છે, તેમને SIP ના વલણને જોઈને આશ્ચર્ય થશે. 2025 માં, 40% નવા SIP એકાઉન્ટ્સ 35 વર્ષથી ઓછી ઉંમરના યુવાનો દ્વારા ખોલવામાં આવ્યા હતા. સરેરાશ 2500 રૂપિયાની માસિક SIP થી આ યુવાનો નાની ઉંમરે જ કમ્પાઉન્ડિંગનો જાદુ સમજી ગયા છે. ScanX ના અહેવાલ મુજબ, ભારતના વિશાળ 75 લાખ કરોડ રૂપિયાના મ્યુચ્યુઅલ ફંડ (MF) AUM (એસેટ્સ અન્ડર મેનેજમેન્ટ) માં Gen Z અને મિલેનિયલ્સનો હિસ્સો 48% સુધી પહોંચી ગયો છે.

શેર ખરીદ્યા વિના પણ બજારને આપી રહ્યા છે માત Gen Zની આ જનરેશન ડિજિટલ ગોલ્ડ, ક્રિપ્ટોકરન્સી અને SIP - આ ત્રણેય માર્ગોને ભેળવીને એક મજબૂત પોર્ટફોલિયો બનાવી રહી છે, જે જૂના રોકાણકારોને પણ આશ્ચરયચકિત કરી રહ્યો છે. તેમની નવી વિચારસરણી, ટેકનોલોજીની સમજ અને નાણાકીય શિસ્ત બજારની દિશા બદલવાની શક્તિ ધરાવે છે. તેઓ માત્ર રોકાણકાર નથી, પરંતુ બજારના નવા ટ્રેન્ડસેટર્સ પણ છે.

આ પણ વાંચો- નોકરીયાત વર્ગ માટે ખુશખબર! નિવૃત્તિ પછી દર મહિને મળશે પાક્કું પેન્શન, જાણો સરકારની આ યોજનાના નિયમો