કર્મચારીએ કંપનીમાં 5 વર્ષની સર્વિસ પૂરી ન કરી હોય તો પણ મળી શકે છે ગ્રેચ્યુઈટી, જાણો શું છે નિયમ

કોઈપણ કંપનીમાં 5 વર્ષની સર્વિસ પૂર્ણ કર્યા પછી કર્મચારી ગ્રેચ્યુઇટી મેળવવા માટે પાત્ર બને છે. આ નિયમ 'ગ્રેચ્યુટી ચુકવણી નિયમો 1972' અનુસાર છે. જોકે, ઘણા કર્મચારીઓને ખબર નથી કે જો તેઓ કંપનીમાં 5 વર્ષની સર્વિસ પૂર્ણ કરતા પહેલા નોકરી છોડી દે છે, તો તેઓ ગ્રેચ્યુઇટી મેળવવાના પણ હકદાર છે. આમાં, કર્મચારીઓ માટે નિશ્ચિત સમય પૂર્ણ કરવો જરૂરી બની જાય છે. જો તમારી પાસે બીજી કંપની તરફથી ઓફર છે અને તમે ફક્ત ગ્રેચ્યુઇટીને કારણે જઈ શકતા નથી, તો જાણો કે તમે 4 વર્ષમાં ગ્રેચ્યુઇટી માટે કેવી રીતે પાત્ર બનશો?

ગ્રેચ્યુઇટી 4 વર્ષ 240 દિવસમાં મળશે

આપને જણાવી દઈએ કે ગ્રેચ્યુઇટી મેળવવા માટે, કર્મચારીઓને 5 વર્ષ સુધી કંપનીમાં સર્વિસ આપવાની જરૂર નથી. વાસ્તવમાં, કોઈ કર્મચારી જ્યારે કંપનીમાં 4 વર્ષ અને 240 દિવસથી વધુ સમય માટે કામ કરે છે ત્યારે તે ગ્રેચ્યુઇટી મેળવવા માટે પાત્ર બને છે. ધારો કે, કોઈ કર્મચારી 1 જાન્યુઆરી, 2021 ના ​​રોજ કંપનીમાં જોડાય છે, જો તે 29 ઓગસ્ટ, 2025 પછી નોકરી છોડી દે છે, તો તે ગ્રેચ્યુટી મેળવવા માટે હકદાર બને છે. કારણ કે તે તારીખ સુધીમાં કર્મચારીએ 4 વર્ષ અને 240 દિવસની સર્વિસ પૂર્ણ કરી હશે. આ માટે, કર્મચારીને 1 જાન્યુઆરી, 2026 સુધી 5 વર્ષ પૂર્ણ થવાની રાહ જોવી પડશે નહીં.

કેટલા દિવસ કામ કર્યા પછી ગ્રેચ્યુઇટી મળતી નથી?

ગ્રેચ્યુઇટી શું છે?

પેમેન્ટ ઓફ ગ્રેચ્યુઇટી એક્ટ મુજબ, ગ્રેચ્યુઇટી એ રકમ છે જે કંપની કોઈપણ કર્મચારીને તેના કામ માટે આપે છે. આ રકમ કર્મચારીના પગાર, મોંઘવારી ભથ્થું અને કમિશનને જોડીને બનાવવામાં આવે છે. આ લાભ મેળવવા માટે, કર્મચારીઓએ ઓછામાં ઓછા 5 વર્ષ અથવા 4 વર્ષ અને 240 દિવસ એક જ કંપનીમાં કામ કરવું પડશે.

આ પણ વાંચો - ગાંધીનગરમાં મહાત્મા મંદિરનું 2.32 કરોડ રૂપિયાનું ભાડુ બાકી, ગમે ત્યારે લાગી શકે છે તાળા