બજારમાં નોકરીની તકો વધી, 14 લાખ લોકોને મળી નોકરી, આ લોકો બન્યાં કંપનીઓની પહેલી પસંદ

નવી નોકરી શોધી રહેલા યુવાનો માટે સારા સમાચાર છે. સંગઠિત ક્ષેત્રની કંપનીઓ મોટા પાયે ભરતી કરી રહી છે. આ માહિતી કર્મચારી ભવિષ્ય નિધિ સંગઠન (EPFO)ના ડેટામાંથી પ્રાપ્ત થઈ છે. EPFO અનુસાર, નવેમ્બર, 2024માં સંગઠિત ક્ષેત્રમાં 14.63 લાખ નવા લોકોને નોકરીઓ મળી. આ વાર્ષિક ધોરણે 4.88 ટકા વધુ છે. આ માહિતી ફિક્સ પગાર ધોરણ પર કાર્યરત લોકોના પગારપત્રકના ડેટામાંથી મેળવવામાં આવી હતી. શ્રમ મંત્રાલયે એક નિવેદનમાં જણાવ્યું હતું કે, ચોખ્ખા પીએફ ફાળો આપનારાઓની સંખ્યામાં વધારો રોજગારની તકોમાં વધારો અને કર્મચારી લાભો વિશે વધતી જાગૃતિને પ્રતિબિંબિત કરે છે. EPFOની અસરકારક આઉટરીચ પહેલ દ્વારા આ વાતને વધુ મજબૂત બનાવવામાં આવી છે. મંત્રાલયે જણાવ્યું હતું કે, મહિના-દર-મહિનાના આધારે, ઓક્ટોબર 2024ની સરખામણીમાં સબ્સ્ક્રાઇબર્સમાં ચોખ્ખો ઉમેરો 9.07 ટકા રહ્યો હતો.

આ રાજ્યોમાં રોજગારીની તકો વધી

2.40 લાખ મહિલાઓને નવી નોકરીઓ પણ મળી

ડેટાના લિંગ મુજબ વિશ્લેષણ દર્શાવે છે કે નવેમ્બર, 2024 દરમિયાન ઉમેરાયેલા નવા સભ્યોમાંથી લગભગ 2.40 લાખ મહિલાઓ છે. ઓક્ટોબર, 2024ની સરખામણીમાં 14.94 ટકાનો વધારો થયો છે, જ્યારે નવેમ્બર 2023ની સરખામણીમાં, વાર્ષિક ગ્રોથ 23.62 ટકા છે. આ ઉપરાંત નવેમ્બર દરમિયાન મહિલા સભ્યોનો ચોખ્ખો ઉમેરો 3.13 લાખ થયો હતો, જે ઓક્ટોબર 2024ની સરખામણીમાં 12.16 ટકા વધુ અને ગયા વર્ષના નવેમ્બરની સરખામણીમાં 11.75 ટકા વધુ છે. મંત્રાલયે જણાવ્યું હતું કે મહિલા સભ્યોની સંખ્યામાં વધારો વધુ સમાવિષ્ટ અને વૈવિધ્યસભર કાર્યબળ તરફના વ્યાપક પરિવર્તનનો સંકેત આપે છે.

રાજ્યવાર ડેટાના વિશ્લેષણ દર્શાવે છે કે ટોચના પાંચ રાજ્યો/કેન્દ્રશાસિત પ્રદેશોનો હિસ્સો ચોખ્ખા સબ્સ્ક્રાઇબર ઉમેરામાં લગભગ 59.42 ટકા હતો, જે મહિના દરમિયાન કુલ 8.69 લાખ સબ્સ્ક્રાઇબર ઉમેર્યા હતા. નવેમ્બર દરમિયાન તમામ રાજ્યોમાં, મહારાષ્ટ્ર 20.86 ટકા સભ્યોના ચોખ્ખા ઉમેરા સાથે આગળ રહ્યું.

સૌથી વધુ માંગ 18-25 વય જૂથના વ્યાવસાયિકોની

નવેમ્બર 2024માં EPFO ​​એ લગભગ 8.74 લાખ નવા સભ્યો નોંધાવ્યા, જે એક વર્ષ પહેલાના સમાન મહિના કરતા 18.80 ટકા વધુ અને ઓક્ટોબર, 2024 કરતા 16.58 ટકા વધુ છે. મંત્રાલયે જણાવ્યું હતું કે ડેટાનો એક મહત્વપૂર્ણ પાસું 18-25 વય જૂથનું વર્ચસ્વ છે. આ વય જૂથમાં 4.81 લાખ નવા સભ્યો ઉમેરવામાં આવ્યા છે, જે નવેમ્બર 2024માં ઉમેરાયેલા કુલ નવા સભ્યોના 54.97 ટકા છે. નવેમ્બર, 2024માં 18-25 વર્ષની વય જૂથમાં 5.86 લાખ સભ્યોનો ચોખ્ખો ઉમેરો થયો હતો, જે ઓક્ટોબર 2024ની સરખામણીમાં 7.96 ટકા વધુ છે. મંત્રાલયે કહ્યું કે આ અગાઉના વલણ સાથે સુસંગત છે જે દર્શાવે છે કે સંગઠિત કાર્યબળમાં જોડાતા મોટાભાગના વ્યક્તિઓ યુવાનો છે. આમાં મુખ્યત્વે એવા લોકોનો પણ સમાવેશ થાય છે જેઓ પહેલીવાર નોકરી શોધી રહ્યા છે.

આ પણ વાંચો-બાંગ્લાદેશી ઘુસણખોરો પર કેન્દ્ર સરકાર કડક, મહારાષ્ટ્રના મુખ્ય સચિવ અને ડીજીપીને આપ્યા આ નિર્દેશો