New vs old tax regime: બજેટ બાદ ઓલ્ડ કે ન્યૂ ટેક્સ રિઝિમમાંથી કંઈ છે ફાયદાકારક? ઇન્કમ પ્રમાણે કેલ્ક્યુલેશન સમજો

બજેટમાં નાણાપ્રધાને જૂની ટેક્સ વ્યવસ્થામાં કોઈ ફેરફાર કર્યો નથી પરંતુ નવી ટેક્સ વ્યવસ્થામાં મુક્તિ મર્યાદામાં વધારો કર્યો છે. આ સાથે નવી ટેક્સ વ્યવસ્થા પહેલા કરતા વધુ સારી બની છે. નાણાપ્રધાન નિર્મલા સીતારમણ દ્વારા બજેટ 2024માં કરવામાં આવેલી ઘોષણાઓ પછી, ટેક્સપેયર્સમાં મૂંઝવણ છે કે કઈ સિસ્ટમ પસંદ કરવી ફાયદાકારક રહેશે. જો તમે પણ ટેક્સપેયર છો તો આ ગણતરી સમજી લો.

જો તમારી આવક ઓછી છે તો નવી ટેક્સ વ્યવસ્થા પસંદ કરો

નવી ટેક્સ વ્યવસ્થામાં સ્ટાન્ડર્ડ ડિડક્શન 50,000 રૂપિયાથી વધારીને 75,000 રૂપિયા કરવામાં આવ્યું છે. ટેક્સ નિષ્ણાતો કહે છે કે જો તમે હોમ લોનના વ્યાજ પર રુપિયા 2 લાખ સુધીની કપાતનો દાવો ન કરી રહ્યાં હોવ અથવા ભારે હાઉસ રેન્ટ એલાઉન્સ (HRA) માટે પાત્ર નથી, તો નવી, સરળ ટેક્સ પદ્ધતિમાં જવાનું વધુ સારું રહેશે. આમાંથી કોઈ એક વિના, જૂની ટેક્સ સિસ્ટમનો કોઈ અર્થ નથી.

નવી ટેક્સ પ્રણાલી પ્રમાણનું માળખું

રૂપિયા 3-7 લાખ – 5%

રૂપિયા 7-10 લાખ - 10%

રૂપિયા 10-12 લાખ – 15%

રૂપિયા 12-15 લાખ – 20%

રૂપિયા 15 લાખથી વધુ - 30%

જો તમારી આવક વધારે છે તો જૂની ટેક્સ સિસ્ટમ પસંદ કરો

જો તમારી આવક વધારે છે તો જૂની ટેક્સ સિસ્ટમ પસંદ કરવી ફાયદાકારક રહેશે. ઉદાહરણ તરીકે, જો રુપિયા 11 લાખની આવક ધરાવતો પગારદાર કર્મચારી રુપિયા 3,93,750થી વધુની કપાતનો દાવો કરે છે, તો જૂની કર વ્યવસ્થામાં બચત વધુ હશે. હવે, તે ચર્ચાસ્પદ છે કે શું રુપિયા 11 લાખની આવક ધરાવતી વ્યક્તિ માટે આ સ્તરના કપાતનો દાવો કરવો વ્યવહારીક રીતે શક્ય છે. જો કે, ડબલ આવક ધરાવતા કપલ વધુ કપાત પરવડી શકે છે. જૂની ટેક્સ વ્યવસ્થામાં, તમે સ્વાસ્થ્ય વીમા પ્રીમિયમ, બાળકોની શાળાની ફી, 80C હેઠળના રોકાણો, હોમ લોન અથવા ઘરના ભાડા ખર્ચ પર ટેક્સ મુક્તિ મેળવી શકો છો. આવી સ્થિતિમાં, જો તમારા પૈસા આ વસ્તુઓમાં જાય છે, તો જૂની ટેક્સ વ્યવસ્થા તમારા માટે યોગ્ય રહેશે.

આ પણ વાંચો - ટ્રેનમાં મુસાફરી કરનારાઓ માટે ગુડ ન્યૂઝ, બજેટ રજૂ થયા બાદ રેલવે મંત્રીએ પણ કરી મોટી જાહેરાત