Sahara Refund Portal: શું તમે સહારાની સ્કીમોમાં પૈસા રોક્યા છે? અહીં કરો અરજી, સરકાર પાછા આપશે પૈસા

Sahara Refund Portal: સહારાની સહકારી મંડળીઓમાં જેણે પણ નાણાં રોક્યા હતા, હવે તે પૈસા પાછા મેળવવાનો સમય આવી ગયો છે. કેન્દ્ર સરકારે જમાકર્તાઓ માટે સહારા સહકારી મંડળીઓમાં રોકાણ કરવા માટે એક પોર્ટલ શરૂ કર્યું છે. અહીં તે દાવા માટે અરજી કરી શકે છે. કરોડો રોકાણકારોએ સહારાની યોજનાઓમાં તેમની મહેનતની કમાણીનું રોકાણ કર્યું હતું.

સહારાની આ સોસાયટીઓમાં નાણાં મૂકનારા રોકાણકારોને તેમના પૈસા પાછા મળશે

- સહારાયન યુનિવર્સલ મલ્ટીપર્પઝ સોસાયટી લિમિટેડ

- હમારા ઈન્ડિયા ક્રેડિટ કોઓપરેટિવ સોસાયટી લિમિટેડ

- સ્ટાર્સ મલ્ટિપર્પઝ કોઓપરેટિવ સોસાયટી લિ.

45 દિવસમાં ખાતામાં પૈસા આવી જશે

સહારા રિફંડ પોર્ટલ દ્વારા તમારી ડિપોઝિટ પાછી મેળવવાની પ્રક્રિયા ખૂબ જ આસાન છે અને તમારે આ માટે કોઈ ચાર્જ ચૂકવવો પડશે નહીં અથવા કોઈ એજન્ટની મદદ લેવાની રહેશે નહીં. રોકાણકારો આ પોર્ટલમાં જાતે લોગિન કરીને તેમના નામની નોંધણી કરાવી શકે છે અને ચકાસણી બાદ રિફંડની પ્રક્રિયા શરૂ થશે. પૈસા રિફંડ કરવાની સમગ્ર પ્રક્રિયા 45 દિવસમાં પૂરી કરવામાં આવશે. પ્રથમ 30 દિવસમાં, રિફંડ માટે અરજી કરનારા રોકાણકારોના દસ્તાવેજોની સહારા જૂથની સમિતિઓ દ્વારા ચકાસણી કરવામાં આવશે. તે પછી તમને 15 દિવસમાં પૈસા મળી જશે. આ માહિતી તમને SMS દ્વારા મળશે.

તમારે અહીં સહારા રિફંડ માટે અરજી કરવી પડશે

જમાકર્તાઓએ https://mocrefund.crcs.gov.in/ ની મુલાકાત લેવાની રહેશે. ત્યાં તમારે તમારો 12 અંકનો સદસ્યતા નંબર, આધારનો છેલ્લો 4 અંકનો નંબર, આધાર નંબર સાથે જોડાયેલ મોબાઈલ નંબરની જરૂર પડશે જેના પર OTP આવી શકે છે. દાવાની વિગતો ભરવાની રહેશે. હવે તમારું ફોર્મ તૈયાર છે અને તેમાં બધી માહિતી ભરો. તમારા ફોટોગ્રાફ્સ જોડો અને ક્લેમ ફોર્મ પર સહી કરો. દાવો ફોર્મ અપલોડ કરો. આ સાથે, દસ્તાવેજ સાથે તમારા પાન કાર્ડનો ફોટો અપલોડ કરો અને તેને સબમિટ કરો. 50,000 રૂપિયાથી વધુના દાવા માટે પાન કાર્ડ ફરજિયાત છે. રિફંડ જમાકર્તાઓના ખાતામાં જમા થશે.

આ પણ વાંચો - EPFO: મોદી સરકારે કરોડો કર્મચારીઓને ભેટ આપી, EPF સ્કીમ પર 8.15% વ્યાજ આપવાની કરી જાહેરાત