નેશનલ પેમેન્ટ્સ કોર્પોરેશન ઓફ ઇન્ડિયા (NPCI) દ્વારા એક નવી સિસ્ટમ લોન્ચ કરવામાં આવી છે, જે ઇન્કમ ટેક્સ ઇ-ફાઇલિંગ વેબસાઇટ પર PAN અને બેન્ક એકાઉન્ટના વેલિડેશનને વધુ ઝડપી બનાવશે. આ નવી સુવિધા ટેક્સપેયર્સ માટે ખૂબ જ ફાયદાકારક સાબિત થશે, કારણ કે હવે તેમને ટેક્સ રિટર્ન ભર્યા પછી રિફંડ માટે લાંબો સમય રાહ જોવી પડશે નહીં. આ નવી સિસ્ટમથી PAN-બેન્ક એકાઉન્ટ લિંક વેરિફિકેશન ઝડપથી થશે અને રિફંડ પણ જલ્દી મળશે.
Income Tax Refund Faster: NPCIની નવી સિસ્ટમથી ટેક્સ રિફંડ હવે સુપરફાસ્ટ!
NPCIની આ નવી પહેલથી ટેક્સ રિફંડની પ્રક્રિયા વધુ સરળ, ઝડપી અને સુરક્ષિત બનશે, જે લાખો ટેક્સપેયર્સ માટે મોટી રાહત સમાન છે.
અપડેટેડ 12:36:27 PM Jun 23, 2025 પર
બેન્કો દ્વારા આ ફેરફાર કર્યા પછી ટેક્સપેયર્સને ઝડપી અને ભૂલ-રહિત રિફંડ પ્રોસેસનો લાભ મળશે.
શું છે આ નવી સિસ્ટમ?
NPCIના એક લેટર મુજબ, આ સિસ્ટમનો મુખ્ય ઉદ્દેશ્ય બેન્કોના કોર બેન્કિંગ સિસ્ટમ (CBS) સાથે સીધા PAN detail, બેન્ક એકાઉન્ટ સ્ટેટસ અને એકાઉન્ટ હોલ્ડર્સની ઓળખનું real-time verification સરળ બનાવવાનો છે. આ નવી સુવિધાની જાહેરાત 17 જૂન, 2025ના પરિપત્રમાં કરવામાં આવી છે.
કેવી રીતે કામ કરશે આ સિસ્ટમ?
સર્ક્યુલરમાં જણાવ્યા મુજબ, NPCI એ એક નવો PAN અને બેન્ક એકાઉન્ટ વેરિફિકેશન API (Application Programming Interface) રજૂ કર્યો છે, જે ખાસ કરીને સરકારી વિભાગો માટે ડિઝાઇન કરવામાં આવ્યો છે. આ API બેન્કના કોર બેન્કિંગ સિસ્ટમથી સીધા PAN detail, બેન્ક એકાઉન્ટ સ્ટેટસ અને એકાઉન્ટ હોલ્ડર્સના નામનું real-time સત્યાપન કરવાની સુવિધા આપે છે. આનાથી PAN અને બેન્ક એકાઉન્ટ detail real-time માં verify થશે અને ટેક્સપેયર્સના રિફંડને ઝડપથી આગળ વધારવામાં મદદ મળશે.
નવી સુવિધાથી રિફંડ કેવી રીતે જલ્દી મળશે?
આ સુવિધા ઇન્કમ ટેક્સ રિફંડ અને ડાયરેક્ટ બેનિફિટ ટ્રાન્સફર (DBT)ને ઝડપી અને ભૂલ-રહિત રીતે પ્રોસેસ કરવામાં મદદ કરશે. આનાથી details તરત જ verify થશે, સમય ઓછો લાગશે અને fraud નું risk પણ ઘટશે. જોકે, બેન્કોએ NPCI ના સુરક્ષિત API માપદંડોનું પાલન કરવા માટે તેમના સિસ્ટમને અપગ્રેડ કરવું પડશે.
બેન્કો દ્વારા આ ફેરફાર કર્યા પછી ટેક્સપેયર્સને ઝડપી અને ભૂલ-રહિત રિફંડ પ્રોસેસનો લાભ મળશે. બેન્કના આ ફેરફારથી સિસ્ટમ અપગ્રેડ થશે અને સંભવિત સાયબર fraud risk જેવી પડકારો પણ આવી શકે છે. આ બદલાવ ભારતની ડિજિટલ પેમેન્ટ ઇકોસિસ્ટમને મજબૂત કરવાની એક પહેલનો ભાગ છે.
રિટર્ન ફાઈલ કર્યા પછી ક્યારે આવે છે રિફંડ?
અસેસમેન્ટ યર 2025-26 હેઠળ ઇન્કમ ટેક્સ રિટર્ન ફાઈલ કરવાની છેલ્લી તારીખ 15 સપ્ટેમ્બર 2025 છે. આ તારીખ સુધી ભરેલા ઇન્કમ ટેક્સ રિટર્નના જ રિફંડ જાહેર કરવામાં આવશે. ઇન્કમ ટેક્સ અનુસાર, જો તમે ટેક્સ રિટર્ન ભરો છો, તો તેને પ્રોસેસ કરવામાં થોડો સમય લાગે છે. સામાન્ય રીતે ટેક્સ રિફંડ 15થી 20 દિવસની અંદર જાહેર કરી દેવામાં આવે છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
