આધાર કાર્ડ અપડેટ કરવા માટે આ ડોક્યુમેન્ટ્સ રહેશે જરૂરી, UIDAIએ બહાર પાડી નવી યાદી

Aadhaar card update: ભારતીય વિશિષ્ટ ઓળખ પ્રાધિકરણ (UIDAI)એ આધાર કાર્ડ સંબંધિત એક મહત્વનું અપડેટ જાહેર કર્યું છે. આધાર કાર્ડ બનાવવા અથવા તેમાં કોઈ ફેરફાર કરવા માટે જરૂરી ડોક્યુમેન્ટ્સની નવી યાદી બહાર પાડવામાં આવી છે. આ નવો નિયમ ભારતીય નાગરિકો, વિદેશમાં રહેતા OCI કાર્ડધારકો, 5 વર્ષથી વધુ ઉંમરના બાળકો અને લાંબા ગાળાના વિઝા પર રહેતા લોકો માટે લાગુ થશે. જો તમે નવું આધાર કાર્ડ બનાવવા માંગો છો અથવા હાલના આધારમાં ફેરફાર કરવા માંગો છો, તો આ નવી યાદી અનુસાર ડોક્યુમેન્ટ્સ તૈયાર કરવા પડશે.

ઓળખ માટે જરૂરી ડોક્યુમેન્ટ્સ

UIDAIએ આધાર અપડેટ માટે ચાર મુખ્ય પ્રમાણો - ઓળખ, સરનામું, જન્મ તારીખ અને સંબંધના પ્રમાણ માટે અલગ-અલગ ડોક્યુમેન્ટ્સ નક્કી કર્યા છે. ઓળખના પ્રમાણ માટે નીચેના ડોક્યુમેન્ટ્સમાંથી કોઈ એકની જરૂર પડશે:

પાસપોર્ટ

વોટર આઈડી કાર્ડ

ડ્રાઇવિંગ લાઇસન્સ

સરકારી કંપની દ્વારા જારી કરાયેલ ફોટો આઈડી કાર્ડ

મનરેગા કાર્ડ

પેન્શનર કાર્ડ

સરનામાના પ્રમાણ માટે ડોક્યુમેન્ટ્સ

વીજળી, પાણી, ગેસ અથવા લેન્ડલાઇન બિલ

બેંક પાસબુક

રેશન કાર્ડ

ડ્રાઇવિંગ લાઇસન્સ

ભાડાનો કરાર (રેન્ટ એગ્રીમેન્ટ)

પેન્શન ડોક્યુમેન્ટ

સરકાર દ્વારા જારી કરાયેલ સરનામાનું પ્રમાણપત્ર

જન્મ તારીખ માટે જરૂરી ડોક્યુમેન્ટ્સ

સ્કૂલની માર્કશીટ

જન્મ પ્રમાણપત્ર

પાસપોર્ટ

જન્મ તારીખ દર્શાવતું સરકારી પ્રમાણપત્ર

મફત અપડેટની સુવિધા

UIDAIએ આધાર કાર્ડમાં ફ્રી ઓનલાઇન અપડેટની સુવિધાને 14 જૂન, 2026 સુધી લંબાવી છે. આજના સમયમાં આધાર કાર્ડ એક અત્યંત મહત્વનું ડોક્યુમેન્ટ બની ગયું છે. તેના વિના મહત્વના કામો અટકી શકે છે અને સરકારી યોજનાઓનો લાભ લેવામાં પણ મુશ્કેલી આવી શકે છે.

આ પણ વાંચો - મુંબઈ-અમદાવાદ બુલેટ ટ્રેન: BKC-શિલફાટા વચ્ચે 2.7 KMની ટનલનું કામ પૂર્ણ, NHSRCLની મોટી જાહેરાત