આ એક ટ્રિકથી, તમે 40 લાખ રૂપિયાની હોમ લોનના EMIમાંથી મેળવી શકો છો છુટકારો, સાથે વ્યાજમાં 12 લાખની કરી શકો છો બચત

માથા ઉપર છત હોવી એ દરેક વ્યક્તિનું સ્વપ્ન હોય છે. પરંતુ ક્યારેક ઘર ખરીદવાના સ્વપ્નમાં લાંબા ગાળાના EMI ના બોજનો ડર અવરોધ બની જાય છે. આજે અમે તમને જણાવીશું કે તમે તમારા હોમ લોનમાં નાના ફેરફારો કરીને EMI કેવી રીતે દૂર કરી શકો છો.

તાજેતરમાં, સરકાર દ્વારા ટેક્સ રાહત અને વ્યાજ દરોમાં ઘટાડાને કારણે હોમ લોનની શરતો સરળ બની છે. આવી સ્થિતિમાં, તમારી લોનનું ફરીથી આયોજન કરવાની આ એક શ્રેષ્ઠ તક હોઈ શકે છે. જો તમે તમારો EMI થોડો વધારો કરો છો, તો તમારી હોમ લોન ઝડપથી ચૂકવી શકાશે, પરંતુ લાખો રૂપિયાનું વ્યાજ પણ બચાવી શકાશે.

ધારો કે તમે 8.5%ના વ્યાજ દરે 20 વર્ષ માટે 40 લાખ રૂપિયાની હોમ લોન લીધી છે, તો તમારી EMI લગભગ 34,713 રૂપિયા હશે. હવે ધારો કે ટેક્ષ વ્યવસ્થામાં તાજેતરના ફેરફારોને કારણે, તમારી માસિક બચત રુપિયા 7,572 છે. જો તમે આ બચતના 60%, એટલે કે લગભગ રુપિયા 4,500, તમારા હાલના EMIમાં ઉમેરો છો, તો તમારી લોનની અવધિ 20 વર્ષથી ઘટાડીને 15 વર્ષ અને 2 મહિના થઈ જશે.

સૌથી મહત્વની વાત એ છે કે આ નાના ફેરફારથી તમે કુલ 12.02 લાખ રૂપિયાનું વ્યાજ બચાવી શકો છો. આનો અર્થ એ છે કે લોન જલ્દી પૂર્ણ થવાની સાથે, તમને આર્થિક રીતે પણ ફાયદો થશે.

શું મ્યુચ્યુઅલ ફંડમાં રોકાણ કરવું નફાકારક સોદો છે?

ઘણા લોકો આ વધારાના પૈસા મ્યુચ્યુઅલ ફંડ SIPમાં રોકાણ કરવાનો ઓપ્શન પણ પસંદ કરે છે. પરંતુ શું તે હોમ લોન ચૂકવવા કરતાં વધુ ફાયદાકારક છે? ચાલો તેને આ રીતે સમજીએ-

જો તમે 10 વર્ષ માટે મ્યુચ્યુઅલ ફંડ SIP માં દર મહિને રુપિયા 4,500નું રોકાણ કરો છો. ધારો કે તમને આના પર 12% રિટર્ન મળી રહ્યું છે તો તમારું કુલ રોકાણ 5.4 લાખ રૂપિયા થશે. 10 વર્ષ પછી, આ રકમ વધીને લગભગ 10.45 લાખ રૂપિયા થઈ શકે છે. ટેક્ષ કપાત પછી, તમને લગભગ 9.21 લાખ રૂપિયા મળશે.

આ પણ વાંચો-ભારતના મ્યુચ્યુઅલ ફંડ રોકાણનો અડધો ભાગ આવે છે આ 5 શહેરોમાંથી, જાણો કયા શહેરો છે સામેલ

દરમિયાન, 10 વર્ષ પછી તમારી લોનની બાકી રહેલી મૂળ રકમ 28.14 લાખ રૂપિયા હશે. જો તમે લોનમાં 9.21 લાખ રૂપિયાની સંપૂર્ણ રકમનું રોકાણ કરો છો, તો મૂળ રકમ ઘટીને 18.93 લાખ રૂપિયા થઈ જશે. એટલે કે બાકીના 10 વર્ષ માટે તમારે 9 લાખ રૂપિયાથી વધુ વ્યાજ ચૂકવવું પડશે. એ સ્પષ્ટ છે કે મ્યુચ્યુઅલ ફંડમાં રોકાણ કરવા કરતાં વધારાની EMI ચુકવણી વધુ ફાયદાકારક સાબિત થઈ શકે છે.