SBI Share Price: પિક્ચર અભી બાકી હૈ! જેફરીઝે આપ્યો 1300 રૂપિયાનો ટાર્ગેટ, જાણો રોકાણકારો માટે શું છે નવી તક

SBI Share Price: દેશની સૌથી મોટી બેંક સ્ટેટ બેંક ઓફ ઇન્ડિયા (SBI)ના શેરમાં ફરી એકવાર શાનદાર તેજીનો માહોલ જોવા મળી રહ્યો છે. પોતાના રેકોર્ડ હાઈ લેવલ પરથી થોડો નીચે આવ્યા બાદ હવે શેરમાં ફરીથી તાકાત દેખાઈ રહી છે. વિખ્યાત વિદેશી બ્રોકરેજ ફર્મ જેફરીઝે (Jefferies) આ સરકારી શેર ખરીદવાની સ્પષ્ટ સલાહ આપી છે અને રોકાણકારો માટે મોટા નફાના સંકેત આપ્યા છે.

જેફરીઝે આપ્યો 1300 રૂપિયાનો ટાર્ગેટ

જેફરીઝે SBI ના શેર માટે 1300 રૂપિયાનો નવો ટાર્ગેટ પ્રાઇસ નક્કી કર્યો છે. આનો સીધો અર્થ એ છે કે વર્તમાન કિંમતથી આ શેર હજુ આશરે 30 ટકા જેટલો મોટો ઉછાળો મારી શકે છે. તાજેતરમાં શેર 1 ટકાની તેજી સાથે 1010 રૂપિયાની આસપાસ ટ્રેડ થતો જોવા મળ્યો હતો.

શેરમાં તેજી આવવા પાછળના મુખ્ય કારણો:

લોન અને ડિપોઝિટ ગ્રોથ: બેંકમાં ગ્રાહકોની ડિપોઝિટના આંકડા સુધરી રહ્યા છે. આગામી કેટલાક વર્ષોમાં SBI નો લોન ગ્રોથ (CAGR) 13 ટકા અને રિટર્ન ઓન ઇક્વિટી (RoE) 14 ટકા રહેવાની પ્રબળ શક્યતાઓ છે.

ECL ની નહિવત અસર: એક્સપેક્ટેડ ક્રેડિટ લોસ (ECL) ફ્રેમવર્કની બેંક પર કોઈ ખાસ નકારાત્મક અસર નહીં પડે.

વેલ્યુએશન એકદમ આકર્ષક લેવલ પર

નિષ્ણાતોના મતે અત્યારે SBIનું વેલ્યુએશન ખૂબ જ આકર્ષક છે. હાલમાં આ શેર FY27 ની તેની એડજસ્ટેડ પ્રાઇસ-ટુ-બુક વેલ્યુના 1.4 ગણા પર ટ્રેડ થઈ રહ્યો છે. માર્ચ ક્વાર્ટરના પરિણામો પર નજર કરીએ તો, બેંકની નેટ ઇન્ટરેસ્ટ ઇનકમ (NII) 44381 કરોડ રૂપિયા રહી હતી. વાર્ષિક ધોરણે તેમાં 4.1 ટકાનો વધારો થયો છે. સાથે જ બેંકનો ચોખ્ખો નફો (Net Profit) 5.6 ટકા વધીને 19684 કરોડ રૂપિયા નોંધાયો છે. બેંકની નોન-પરફોર્મિંગ એસેટ્સ (NPA) માં પણ નોંધપાત્ર સુધારો જોવા મળ્યો છે.

માર્જિન પરનું દબાણ માત્ર કામચલાઉ

હાલમાં SBI ના માર્જિન પર થોડું દબાણ જોવા મળ્યું છે, જેના કારણે પરિણામો પછી શેરમાં 9 ટકા જેટલો ઘટાડો નોંધાયો હતો. પરંતુ અન્ય એક જાણીતી બ્રોકરેજ ફર્મ CLSA નું માનવું છે કે આ દબાણ માત્ર થોડા સમય માટે જ છે. CLSA એ SBI ના શેર પર પોતાની 'આઉટપરફોર્મ' (Outperform) રેટિંગ જાળવી રાખી છે અને તેના માટે 1275 રૂપિયાનો ટાર્ગેટ આપ્યો છે.

રોકાણકારોને 1 વર્ષમાં આપ્યું 24% રિટર્ન

હાલમાં SBI નું કુલ માર્કેટ કેપિટલાઈઝેશન 9.25 લાખ કરોડ રૂપિયાને પાર પહોંચી ગયું છે. તાજેતરના થોડા ઘટાડા છતાં, છેલ્લા 1 વર્ષમાં આ શેરે રોકાણકારોને 24 ટકાથી વધુ શાનદાર રિટર્ન આપ્યું છે, જે નિફ્ટીના ઓવરઓલ રિટર્ન કરતા ઘણું વધારે છે.

આ પણ વાંચો- Share Market Rally: રિયલ્ટી સેક્ટરનો જલવો, ખુલતાની સાથે જ સેન્સેક્સમાં 1000 પોઈન્ટનો ઉછાળો, રોકાણકારો કમાયા 7 લાખ કરોડ

Disclaimer: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.