Gold Price: બજેટ ભાષણ બાદ સોનું 4000 રૂપિયા સુધી સસ્તુ થયું

Gold Price: નાણામંત્રીએ બેઝિક કસ્ટમ ડ્યુટી 10 ટકાથી ઘટાડીને 5 ટકા કરી હોવાના કારણે ભારતમાં સોના અને ચાંદીના ભાવમાં 3 ટકાનો ઘટાડો નોંધાયો છે. ₹4000/10 ગ્રામ અને ચાંદી ₹4200/KGનો ઘટાડો જોવા મળ્યો છે. MCX પર સોનાના વાયદાના વેપારમાં તીવ્ર ઘટાડો જોવા મળ્યો છે. હવે ઓવરઓલ ડ્યુટી 6 ટકા છે, જેમાં બેઝિક કસ્ટમ ડ્યુટી 5 ટકા, એગ્રી ઇન્ફ્રા અને ડેવલપમેન્ટ સેસ 1 ટકા છે. આ રીતે હવે કસ્ટમ ડ્યુટી 15 ટકાથી વધીને 6 ટકા થઈ ગઈ છે.

બજાર પહેલાથી જ 2-5 ટકાના ઘટાડાનો અંદાજ લગાવી રહ્યું હતું અને તેથી જ છેલ્લા એક સપ્તાહથી ભારતીય બજારોમાં સોનાના ભાવ ડિસ્કાઉન્ટ પર ટ્રેડ થઈ રહ્યા છે. વર્ષ 2021 પછી બેઝિક કસ્ટમ ડ્યૂટીમાં આ બીજો ઘટાડો છે, જેમાં છેલ્લા 10 વર્ષમાં ડ્યૂટી 8 વખત વધારવામાં આવી છે.

તેના સિવાય નાણામંત્રીએ પ્લેટિનમ પર કસ્ટમ ડ્યૂટી ઘટાડીને 6.4 ટકા કરવાની જાહેરાત કરી છે. વિશ્લેષકોના મતે આ પગલાથી સ્થાનિક ભાવમાં ઘટાડો થવાની અને દેશમાં કિંમતી ધાતુઓની માંગ વધવાની શક્યતા છે.

સોના અને ચાંદી પરની કસ્ટમ ડ્યુટી ઘટાડીને 6 ટકા કરવાને કારણે સ્થાનિક ભાવમાં ઘટાડો થવાની શક્યતા છે. કસ્ટમ ડ્યુટીમાં ઘટાડાથી સરકારને પણ ફાયદો થશે કારણ કે તેનાથી મધ્ય પૂર્વમાંથી સોનાની દાણચોરીમાં ઘટાડો થશે.

Budget માં કેપિટલ ગેનને લઈને બદલ્યા નિયમ, ₹1.25 લાખ સુધીનો નફા પર નહીં લાગે LTCG ટેક્સ!