Gujarat Budget 2026: સરકારી પરીક્ષાની તૈયારી કરનારા માટે બજેટમાં બે એલાન, કુલ 4500 નવી જગ્યાઓ ઉભી કરાશે

Gujarat Budget 2026: ગુજરાત વિધાનસભામાં રજૂ થયેલા નાણાકીય વર્ષ 2026-27ના બજેટે સરકારી નોકરીના ઈચ્છુક ઉમેદવારો અને વિદ્યાર્થીઓ માટે ઉત્સાહનો માહોલ સર્જ્યો છે. રાજ્ય સરકારે વહીવટી પ્રક્રિયાને વધુ ઝડપી અને સુરક્ષા વ્યવસ્થાને વધુ મજબૂત બનાવવા માટે નવા પદોની સર્જના કરી છે.

ભરતી માટેના બે મોટા એલાન

બજેટમાં બે મુખ્ય વિભાગોમાં કુલ 4,546 નવી જગ્યાઓ ઊભી કરવાની જાહેરાત કરવામાં આવી છે:

DIAL 112 જનરક્ષક પ્રોજેક્ટ: ગૃહ વિભાગ હેઠળ 'જનરક્ષક' પ્રોજેક્ટ માટે 3,000 નવી જગ્યાઓ ઊભી કરવામાં આવશે. આ પ્રોજેક્ટ દ્વારા કાયદો અને વ્યવસ્થાને વધુ આધુનિક બનાવવામાં આવશે.

આ જાહેરાત બાદ ટૂંક સમયમાં જ આ પદો માટે ભરતી પ્રક્રિયા શરૂ થવાની શક્યતા છે, જે યુવાનો માટે મોટી તક સાબિત થશે.

શિક્ષણ અને સુવિધા: 'નમો' યોજનાઓનો દબદબો

વિદ્યાર્થીઓના સશક્તિકરણ માટે સરકારે અનેક મહત્વકાંક્ષી યોજનાઓની જાહેરાત કરી છે:

નમો સેન્ટ્રલ લાઈબ્રેરી: ગાંધીનગર ખાતે દેશની સૌથી મોટી અને અત્યાધુનિક ડિજિટલ લાઈબ્રેરી સ્થાપવામાં આવશે, જેના માટે 100 કરોડની જોગવાઈ કરાઈ છે.

નમો સરસ્વતી વિજ્ઞાન સાધના: વિજ્ઞાન પ્રવાહના વિદ્યાર્થીઓને પ્રોત્સાહન આપવા માટે 250 કરોડની ફાળવણી.

નમો લક્ષ્મી અને કૌશલ્ય લક્ષ્મી: કન્યા કેળવણી અને ITI માં અભ્યાસ કરતી દીકરીઓ માટે વિશેષ નાણાકીય સહાયની જોગવાઈ.

ગૃહ વિભાગમાં આધુનિકીકરણ

પોલીસ દળને વધુ સજ્જ કરવા માટે બજેટમાં Anti Drone System ખરીદવા 20 કરોડ અને સરહદી જિલ્લાઓમાં પેટ્રોલિંગ માટે 50 સ્પેશિયલ ઓપરેશનલ વ્હીકલ ખરીદવા 9 કરોડની જોગવાઈ કરવામાં આવી છે.

વર્ષ 2026-27નું આ બજેટ યુવા કેન્દ્રી હોવાનું સ્પષ્ટ દેખાય છે. નવી ભરતીઓ, અત્યાધુનિક લાઈબ્રેરી અને શિક્ષણમાં આર્થિક સહાય જેવી જોગવાઈઓથી આગામી વર્ષમાં રાજ્યના શૈક્ષણિક અને રોજગારીના સ્તરમાં મોટો સુધારો જોવા મળી શકે છે.

આ પણ વાંચો-Gujarat Budget 2026-27: ખેડૂતો માટે 11,000 કરોડનું રાહત પેકેજ અને ગૌસેવા માટે મોટી જાહેરાતો, જાણો બજેટના મહત્વના મુદ્દા