Gujarat Budget 2026-27: અમદાવાદ બનશે ‘ઓલિમ્પિક રેડી સિટી’: 2030ની કોમનવેલ્થ ગેમ્સ માટે ગુજરાત બજેટમાં રુપિયા 1278 કરોડની લહાણી

Gujarat Budget 2026-27: ગુજરાત સરકારે વર્ષ 2026-27ના બજેટમાં રાજ્યના આર્થિક પાટનગર અમદાવાદને વૈશ્વિક સ્પોર્ટ્સ મેપ પર અંકિત કરવા માટે એક મોટો પ્લાન રજૂ કર્યો છે. મુખ્યમંત્રી અને નાણામંત્રીના વિઝન મુજબ, અમદાવાદ હવે માત્ર વેપારનું જ નહીં પરંતુ વિશ્વકક્ષાની રમતગમતનું પણ કેન્દ્ર બનવા જઈ રહ્યું છે. સરકારે વર્ષ 2030માં યોજાનારી કોમનવેલ્થ ગેમ્સની યજમાની કરવા માટે અને શહેરને ઓલિમ્પિકના સ્તરનું તૈયાર કરવા માટે 1278 કરોડનું જંગી બજેટ ફાળવ્યું છે. આ પ્રોજેક્ટનો મુખ્ય ઉદ્દેશ્ય અમદાવાદને 'ઓલિમ્પિક રેડી સિટી' તરીકે સ્થાપિત કરવાનો છે.

સરકારનો માસ્ટર પ્લાન

SVP સ્પોર્ટ્સ એન્કલેવ: મોટેરા વિસ્તારમાં આવેલા સરદાર વલ્લભભાઈ પટેલ સ્પોર્ટ્સ એન્કલેવને વધુ આધુનિક બનાવવા માટે 500 કરોડની જોગવાઈ કરવામાં આવી છે. અહીં રમતવીરો માટે રહેવાની અને પ્રેક્ટિસ કરવાની આંતરરાષ્ટ્રીય સ્તરની સુવિધાઓ ઉભી કરાશે.

ઈન્ફ્રાસ્ટ્રક્ચર અને કનેક્ટિવિટી: ખેલાડીઓ અને પ્રેક્ષકોને કોઈ મુશ્કેલી ન પડે તે માટે તમામ રમતગમત વેન્યુને મેટ્રો રેલ અને BRTS સાથે સીધી રીતે જોડવામાં આવશે.

આર્થિક અને સામાજિક ફાયદા

આ રોકાણથી માત્ર રમતગમતને જ વેગ નહીં મળે, પરંતુ અમદાવાદના રિયલ એસ્ટેટ, પ્રવાસન અને હોસ્પિટાલિટી સેક્ટરમાં પણ તેજી આવશે. હજારો નવી રોજગારીની તકો ઉભી થશે અને શહેરની આંતરરાષ્ટ્રીય સ્તરે પ્રતિષ્ઠા વધશે.

ગુજરાત સરકારનું આ પગલું સાબિત કરે છે કે ભારત હવે માત્ર ઓલિમ્પિકમાં ભાગ લેવા જ નહીં, પણ તેની સફળ યજમાની કરવા માટે પણ મક્કમ છે. જો આ રીતે જ આયોજનબદ્ધ કામગીરી ચાલતી રહી, તો 2036ના ઓલિમ્પિકની યજમાની મેળવવાનું અમદાવાદનું સપનું દૂર નથી.

આ પણ વાંચો-Gujarat Budget 2026-27: ખેડૂતોને દિવસે વીજળીની ગેરંટી: કિસાન સૂર્યોદય અને EV ચાર્જિંગ માટે કરોડોની ફાળવણી, જાણો ઊર્જા વિભાગના બજેટમાં શું છે ખાસ?