Budget 2024: આવકવેરાદાતાઓને મોટી રાહત, નાણામંત્રીએ કરી આ મોટી જાહેરાત

Budget 2024: નાણામંત્રીએ દેશના લાખો કરદાતાઓને મોટી રાહત આપવાની જાહેરાત કરી છે. નાણામંત્રીએ આવકવેરા સ્લેબમાં ફેરફાર કરીને આવકવેરાદાતાઓને રાહત આપવાની જાહેરાત કરી છે. બજેટ ભાષણમાં નાણામંત્રીએ કહ્યું કે નવા ટેક્સ પ્રણાલીમાં સ્ટાન્ડર્ડ ડિડક્શન 50 હજાર રૂપિયાથી વધારીને 75 હજાર રૂપિયા કરવામાં આવશે. આ સાથે ટેક્સ માળખામાં પણ ફેરફાર કરવામાં આવશે.

નવી ટેક્સ વ્યવસ્થામાં આ નવા દરો હશે

રૂપિયા 3-7 લાખ - 5 ટકા

રૂપિયા 7-10 લાખ - 10 ટકા

રૂપિયા 10-12 લાખ - 15 ટકા

રૂપિયા 12-15 લાખ - 20 ટકા

15 લાખથી વધુ - 30 ટકા

નવી કર વ્યવસ્થામાં, પગાર મેળવનારાઓ આવકવેરામાં 17,500 રૂપિયા બચાવી શકે છે. કેન્દ્રીય નાણાપ્રધાન નિર્મલા સીતારમણનું કહેવું છે કે નવી કર પ્રણાલીથી સરકારને સાત હજાર કરોડની આવકનું નુકસાન થશે અને ચાર કરોડ પગારદાર લોકોને તેનો ફાયદો થશે.