Budget 2024: બજેટ જોઈને કોંગ્રેસને પડી મજા, કઈ વાત પર બોલ્યા ‘બહું ખુશી થઈ’

Budget 2024: વડાપ્રધાન નરેન્દ્ર મોદીની આગેવાની હેઠળની NDA સરકારે મંગળવારે બજેટ રજૂ કર્યું છે. આ અંગે કોંગ્રેસના વરિષ્ઠ નેતા પી ચિદમ્બરમે કેન્દ્રીય બજેટમાં ઈન્ટર્નશિપ સ્કીમની જાહેરાત બાદ મંગળવારે કટાક્ષ કર્યો હતો અને કહ્યું હતું કે તેઓ ખુશ છે કે લોકસભા ચૂંટણી બાદ નાણામંત્રી નિર્મલા સીતારમણે મુખ્ય વિપક્ષી પાર્ટીનો મેનિફેસ્ટો વાંચ્યો.

નાણા પ્રધાન સીતારમણે કેન્દ્રીય બજેટ-2024-25માં પ્રધાનમંત્રી ઇન્ટર્નશિપ સ્કીમની જાહેરાત કરી છે, જે અંતર્ગત યુવાનોને ઇન્ટર્નશિપ સાથે 5,000 રૂપિયાનું માસિક ભથ્થું મળશે.

કોંગ્રેસે તાજેતરમાં પૂર્ણ થયેલી લોકસભા ચૂંટણીઓ માટે જાહેર કરેલા તેના મેનિફેસ્ટોમાં એપ્રેન્ટિસશીપના અધિકારનું વચન આપ્યું હતું, જે અંતર્ગત તેણે ડિપ્લોમા અને ડિગ્રી ધરાવતા બેરોજગાર યુવાનોને તાલીમ સાથે એક વર્ષ માટે દર મહિને 8500 રૂપિયા આપવાનું વચન આપ્યું હતું. કોંગ્રેસે આ કાર્યક્રમને 'પહેલી નોકરી પાકી' નામ પણ આપ્યું હતું.

પૂર્વ નાણામંત્રી ચિદમ્બરમે 'X' પર પોસ્ટ કર્યું, 'મને એ જાણીને આનંદ થયો કે માનનીય નાણામંત્રીએ ચૂંટણી પરિણામો પછી કોંગ્રેસનો લોકસભા 2024નો મેનિફેસ્ટો વાંચ્યો છે. મને એ વાતની પણ ખુશી છે કે તેઓએ કોંગ્રેસના મેનિફેસ્ટોના પેજ 30 પર દર્શાવેલ એમ્પ્લોયમેન્ટ લિન્ક્ડ ઇન્સેન્ટિવ (ELI)ને વર્ચ્યુઅલ રીતે અપનાવ્યું છે.

I am glad to know that the Hon'ble FM has read the Congress Manifesto LS 2024 after the election results I am happy she has virtually adopted the Employment-linked incentive (ELI) outlined on page 30 of the Congress Manifesto I am also happy that she has introduced the…

— P. Chidambaram (@PChidambaram_IN) July 23, 2024

તેઓ કહે છે, 'મને એ વાતની પણ ખુશી છે કે તેઓએ કોંગ્રેસના ચૂંટણી ઢંઢેરાના પેજ 11 પર દર્શાવ્યા મુજબ દરેક એપ્રેન્ટિસ માટે ભથ્થાઓ સાથે એપ્રેન્ટિસશીપ યોજના શરૂ કરી છે. હું ઈચ્છું છું કે નાણામંત્રીએ કોંગ્રેસના ઢંઢેરામાં અન્ય કેટલાક વિચારોની નકલ કરી હોત. હું ટૂંક સમયમાં ખૂટતા મુદ્દાઓની યાદી આપીશ.’