બજેટમાં 20 લાખ સુધીની ઇન્કમ પર ઇન્કમટેક્સમાં રાહતની માંગ, પેટ્રોલ ડીઝલ પર એક્સાઈઝ ડ્યુટીમાં કરો ઘટાડો

Union Budget 2024: જુલાઈમાં રજૂ થનારા મોદી 3.0 ના પ્રથમ બજેટ માટે, દેશની સૌથી મોટી બિઝનેસ ચેમ્બર CII એ તેની બજેટ સૂચિમાં વાર્ષિક રૂપિયા 20 લાખ સુધીની કમાણી કરનારાઓ માટે ટેક્સમાં રાહતની માંગ કરી છે. આ ઉપરાંત બિઝનેસ ચેમ્બરે સરકાર પાસે પેટ્રોલ ડીઝલ પરની એક્સાઈઝ ડ્યુટી ઘટાડવાની માંગ કરી છે.

20 લાખ સુધીની આવક ધરાવતા લોકોને રાહત મળવી જોઈએ

મહેસૂલ સચિવ સંજય મલ્હોત્રાને સુપરત કરવામાં આવેલી પ્રિ-બજેટ માંગણીઓની યાદીમાં, CIIના પ્રમુખ સંજીવ પુરીએ 20 લાખ રૂપિયા સુધીની વાર્ષિક આવક ધરાવતા લોકો માટે ટેક્સ મોરચે નાની રાહતની માંગ કરી છે. જૂની કર વ્યવસ્થા હેઠળ, 10 લાખ રૂપિયાથી વધુ આવક ધરાવતા કરદાતાઓ માટે 30 ટકાના દરે આવકવેરો લેવામાં આવે છે અને નવી કર વ્યવસ્થામાં, 15 લાખથી વધુની કમાણી કરનારા કરદાતાઓ માટે 30 ટકાના દરે આવકવેરો વસૂલવામાં આવે છે.

પેટ્રોલ અને ડીઝલ પર એક્સાઈઝ ડ્યુટી

મનરેગાનું વેતન વધારવાનું સૂચન

બિઝનેસ ચેમ્બરે મનરેગા હેઠળ કામદારોને આપવામાં આવતા લઘુત્તમ વેતનને રૂપિયા 267 થી વધારીને રૂપિયા 375 પ્રતિદિન કરવાનું સૂચન કર્યું છે. આમ કરવાથી ગ્રામીણ વિસ્તારોમાં માંગ અને વપરાશ વધારવામાં મદદ મળશે. આ ઉપરાંત રાષ્ટ્રીય લઘુત્તમ વેતન નક્કી કરવા માટે નિષ્ણાત સમિતિની રચના કરવાનું પણ સૂચન કરવામાં આવ્યું છે. આ ઉપરાંત પીએમ કિસાન યોજના હેઠળ આપવામાં આવતી રકમને વર્તમાન 6000 રૂપિયાથી વધારીને 8000 રૂપિયા વાર્ષિક કરવાનું પણ સૂચન કરવામાં આવ્યું છે.

જુલાઈમાં બજેટ રજૂ થશે

સીઆઈઆઈએ સરકારને સૂચન કર્યું કે રિઝર્વ બેન્ક પાસેથી મળેલા 2.11 લાખ કરોડના ડિવિડન્ડમાંથી 25 ટકાનો ઉપયોગ મૂડી ખર્ચમાં કરી શકાય. નાણામંત્રી નિર્મલા સીતારમણ આવતા મહિને સંસદમાં બજેટ રજૂ કરશે.

આ પણ વાંચો - ડુંગળી પછી ટામેટાની કિંમતો પણ આસમાને, અનેક વિસ્તારમાં માત્ર 15 દિવસમાં જ ભાવ થયા ડબલ