ભારતમાં iPhone પ્રોડક્શન રેકોર્ડ લેવલે: કર્ણાટકમાં નવો પ્લાન્ટ તૈયાર, જૂનથી શરૂ થશે ઉત્પાદન

એપલના CEO ટિમ કૂકે જાહેરાત કરી છે કે જૂન ત્રિમાસિક ગાળામાં અમેરિકામાં વેચાતા મોટાભાગના iPhone ભારતમાં પ્રોડક્શન કરવામાં આવશે. આ સાથે, કર્ણાટકના દેવનહલ્લીમાં તાઇવાનની ઇલેક્ટ્રોનિક્સ કંપની ફોક્સકોનનો નવો પ્લાન્ટ લગભગ તૈયાર થઈ ગયો છે, જે જૂનની શરૂઆતથી iPhoneનું વ્યાવસાયિક પ્રોડક્શન શરૂ કરશે. આ ઘટના ભારતના મેન્યુફેક્ચરિંગ સેક્ટર માટે એક મોટી સિદ્ધિ તરીકે ગણવામાં આવી રહી છે.

કર્ણાટકમાં ફોક્સકોનનો નવો પ્લાન્ટ

કર્ણાટકના વાણિજ્ય અને ઉદ્યોગ મંત્રી એમ. બી. પાટીલે જણાવ્યું કે, ફોક્સકોનનો દેવનહલ્લીના ITIR (ઇન્ફોર્મેશન ટેક્નોલોજી ઇન્વેસ્ટમેન્ટ રિજન)માં આવેલો પ્લાન્ટ ઓપરેશન માટે લગભગ તૈયાર છે. ફોક્સકોન એપલ માટે કોન્ટ્રાક્ટ બેઝ પર iPhoneનું પ્રોડક્શન કરે છે. પાટીલે આશા વ્યક્ત કરી કે જૂનની શરૂઆતમાં આ પ્લાન્ટમાંથી iPhoneની કોમર્શિયલ સપ્લાય શરૂ થઈ જશે.

આ પ્લાન્ટ બેંગલુરુ ગ્રામીણ જિલ્લાના ડોડ્ડાબલ્લાપુરા અને દેવનહલ્લી તાલુકામાં 300 એકર જમીન પર બનાવવામાં આવ્યો છે. આ પ્રોજેક્ટ રાજ્યના ઔદ્યોગિક વિકાસને નવી ઊંચાઈએ લઈ જશે.

મેન્યુફેક્ચરિંગમાં ભારતનું વધતું મહત્વ

મંત્રી પાટીલે સોશિયલ મીડિયા પ્લેટફોર્મ ‘X’ પર જણાવ્યું કે, “આ માત્ર મેન્યુફેક્ચરિંગ સેક્ટર માટે એક માઇલસ્ટોન નથી, પરંતુ તે વૈશ્વિક લેવલે રણનીતિક ફેરફારને પણ દર્શાવે છે. ભૂ-રાજકીય તણાવ અને ટેરિફના દબાણ વચ્ચે ભારત ઝડપથી એપલનું પસંદગીનું પ્રોડક્શન કેન્દ્ર બની રહ્યું છે.” તેમણે ઉમેર્યું કે આ વિકાસ કર્ણાટકને વૈશ્વિક મેન્યુફેક્ચરિંગ હબ તરીકે મજબૂત બનાવશે અને વધુ વિદેશી રોકાણ માટે માર્ગ ખોલશે. પાટીલે ગર્વ સાથે કહ્યું, “એક કન્નડિગા તરીકે, આ મારા માટે ગૌરવની ક્ષણ છે. મૈસૂરથી લઈને ક્યુપર્ટિનો સુધી, કર્ણાટક વૈશ્વિક હેડલાઇન્સ બનાવી રહ્યું છે.”

અમેરિકામાં વેચાશે ભારતીય iPhone