Mutual Fund: FY26માં મેનેજમેન્ટ ફી ડિસ્ટ્રિબ્યુટર કમિશન અને RTA ફી કરતાં વધી

Mutual Fund: ભારતની મ્યુચ્યુઅલ ફંડ કંપનીઓ માટે નાણાકીય વર્ષ 2026માં મેનેજમેન્ટ ફીનો ગ્રોથ ડિસ્ટ્રિબ્યુટર કમિશન અને રજિસ્ટ્રાર એન્ડ ટ્રાન્સફર એજન્ટ (RTA) ફી કરતાં ઝડપી રહ્યો છે. તાજેતરના ઇન્ડસ્ટ્રી ડેટા અનુસાર, આ ટ્રેન્ડ મ્યુચ્યુઅલ ફંડ કંપનીઓ એટલે કે AMCsની ફી પૂલમાં બાર્ગેનિંગ પાવર મજબૂત થઈ રહી હોવાનો સંકેત આપે છે.

Equirusના સ્કીમ-લેવલ નાણાકીય ડેટાના વિશ્લેષણ મુજબ, 21 AMCsની મેનેજમેન્ટ ફી વાર્ષિક ધોરણે 19.2% વધીને ₹28,469 કરોડ થઈ છે. તેની સામે ડિસ્ટ્રિબ્યુટર કમિશન 13.1% વધીને ₹29,637 કરોડ અને RTA ફી 5.5% વધીને ₹2,198 કરોડ થઈ છે.

Equity Schemesની વાત કરીએ તો મેનેજમેન્ટ ફી 17.4% વધીને ₹23,013 કરોડ થઈ છે. બીજી તરફ, ડિસ્ટ્રિબ્યુટર કમિશન 12.6% વધીને ₹27,190 કરોડ અને RTA ફી 4.3% વધીને ₹1,768 કરોડ થઈ છે. FY24થી FY26 દરમિયાન Equity Management Feeમાં 27%નો CAGR નોંધાયો છે. આ સમયગાળામાં ડિસ્ટ્રિબ્યુટર કમિશનનો CAGR 25.6%, જ્યારે RTA ફીનો CAGR 17.4% રહ્યો હતો.

મોટી AMCs ફી પૂલમાં વધુ હિસ્સો જાળવી રહી

આ ટ્રેન્ડ ખાસ કરીને મોટી AMCsમાં જોવા મળ્યો છે. ઈક્વિટી ફી પૂલ માંથી મેનેજમેન્ટ ફી દ્વારા ICICI Prudential AMCએ 53.8% હિસ્સો મેળવ્યો છે. ત્યારબાદ HDFC AMC 51%, SBI Mutual Fund 48.1% અને Nippon India 44.5% સાથે રહ્યા છે. બીજી તરફ, કેટલાક AMCsમાં ડિસ્ટ્રિબ્યુટર્સનો હિસ્સો વધારે રહ્યો છે. Canara Robecoમાં ડિસ્ટ્રિબ્યુટર્સનો હિસ્સો 67.5%, Kotak Mutual Fundમાં 66.3%, Tata Mutual Fundમાં 63.3%, DSPમાં 59.2% અને Axis Mutual Fundમાં 54.9% રહ્યો છે.

ઈક્વાયર્સ સિક્યોરિટીઝના એવીપી રિસર્ચ - ઈક્વિટીઝ લલિત ડીઓના જણાવ્યા અનુસાર, આ આંકડા AMC તરફ બાર્ગેનિંગ પાવરમાં શિફ્ટ દર્શાવે છે. મ્યુચ્યુઅલ ફંડ ઇકોસિસ્ટમમાં AMC, ડિસ્ટ્રિબ્યુટર અને RTA ત્રણ મુખ્ય પક્ષો છે અને ફી પૂલ મોટાભાગે નિશ્ચિત હોવાથી મેનેજમેન્ટ ફીનો ઝડપી ગ્રોથ AMCની મજબૂત સ્થિતિ તરફ સંકેત આપે છે. નાની AMCsને ડિસ્ટ્રિબ્યુટર્સને વધુ હિસ્સો આપવો પડે છે. મોટી AMCs પાસે મજબૂત બ્રાન્ડ અને લાંબો ટ્રેક રેકોર્ડ હોવાથી તેમના ફંડનું વેચાણ ડિસ્ટ્રિબ્યુટર્સ માટે સરળ બને છે. બીજી તરફ, નાની અથવા નવી AMCsને રોકાણકારો પાસેથી ફંડ ફ્લો મેળવવા માટે પોતાની આવકનો મોટો હિસ્સો ડિસ્ટ્રિબ્યુટર્સ સાથે શેર કરવો પડી શકે છે.

ડિસ્ટ્રિબ્યુટર અનુસાર, કેટલીક નાની AMCs પોતાના રેવન્યુના 80%થી 90% સુધીનો હિસ્સો પણ ડિસ્ટ્રિબ્યુટર્સને આપી શકે છે, કારણ કે તેમના માટે આ બિઝનેસ બનાવવામાં કરાયેલું રોકાણ હોય છે.

RTA ફીનો ગ્રોથ AUMની સરખામણીએ ધીમો

RTA ફીમાં મેનેજમેન્ટ ફીની સરખામણીએ ઘણો ધીમો ગ્રોથ જોવા મળ્યો છે. Equity Schemesમાં FY24થી FY26 દરમિયાન RTA ફીનો CAGR માત્ર 17% રહ્યો, જ્યારે મેનેજમેન્ટ ફીનો CAGR 27% હતો. SBI Mutual Fund તેનું મોટું ઉદાહરણ છે. Q4 FY25માં કોન્ટ્રાક્ટ રિ-પ્રાઇસિંગ બાદ FY26માં CAMSને ચૂકવવામાં આવેલી Equity RTA ફી ₹276 કરોડથી ઘટીને ₹204 કરોડ થઈ હતી. આ સમયગાળામાં SBIનું Equity AUM 14.7% વધીને ₹5.67 લાખ કરોડ થયું હતું. નિપ્પોન ઈન્ડિયામાં ઈક્વિટી એયુએમ 20.2% વધ્યું હોવા છતાં RTA ફી માત્ર 1.5% વધી હતી. બીજી તરફ, Canara AMCની Equity RTA ફી 8.4% ઘટીને ₹68.4 કરોડ થઈ હતી.

ડિસ્ટ્રિબ્યુટર કમિશન હજુ પણ સૌથી મોટો ફી પૂલ

મેનેજમેન્ટ ફી કરતાં ધીમી ગતિએ વધવા છતાં FY26માં ડિસ્ટ્રિબ્યુટર કમિશન ત્રણેય ફી પૂલ્સમાં સૌથી મોટું રહ્યું છે. જોકે, એક્સપેન્સ રેટીઓમાં ઘટાડાને કારણે ડિસ્ટ્રિબ્યુટર્સના અર્થતંત્ર પર દબાણ વધ્યું છે. એક ડિસ્ટ્રિબ્યુટરના જણાવ્યા મુજબ, ઈક્વિટી બ્રોકરેજ સરેરાશ 10-15 બેસિસ પોઈન્ટ્સ ઘટ્યું છે. ટીઈઆરમાં ઘટાડો થાય ત્યારે ડિસ્ટ્રિબ્યુટર્સને મળતો હિસ્સો પણ ઘટે છે. જો કે, વધતું એયુએમ આ ઘટાડાની અસરને અમુક હદ સુધી સંતુલિત કરી શકે છે.

ડિસ્ક્લેમર: Moneycontrol.com પર આપવામાં આવેલા વિચાર અને રોકાણની સલાહ રોકાણ વિશેષજ્ઞોના પોતાના ખાનગી વિચાર અને સલાહ હોય છે. Moneycontrol યૂઝર્સને સલાહ આપે છે કે તે કોઈ રોકાણ નિર્ણય લેવાના પહેલા સર્ટિફાઈડ એક્સપર્ટથી સલાહ લો.

Solar Industries દક્ષિણ આફ્રિકામાં મોટી ગ્લોબલ કંપની ખરીદે તેવી શક્યતા, રિપોર્ટ બાદ શેર 4.5% ઉછળ્યા