રેસ્ટોરન્ટ બ્રાન્ડ્સ એશિયાનો શેર બન્યો રોકેટ, 18%નો ઉછાળો, જાણો ખરીદી માટેનો સાચો સમય છે કે નહીં?

Restaurant Brands Asia Share Price: શેર બજારમાં સારા શેરોમાં રોકાણ કરવાની તક હંમેશા રહે છે. જો તમે પણ કોઈ સારા શેરમાં રોકાણ કરવાનું વિચારી રહ્યા છો, તો બર્ગર કિંગ ઇન્ડિયાની પેરેન્ટ કંપની રેસ્ટોરન્ટ બ્રાન્ડ્સ એશિયાનો શેર તમારા માટે કામનો સાબિત થઈ શકે છે. તાજેતરમાં આ શેરમાં જબરદસ્ત તેજી જોવા મળી છે અને તે રોકેટની જેમ આગળ વધી રહ્યો છે.

શેરમાં જોવા મળ્યો 19%નો મોટો ઉછાળો

નેશનલ સ્ટોક એક્સચેન્જ પર રેસ્ટોરન્ટ બ્રાન્ડ્સ એશિયાના શેરમાં ઇન્ટ્રાડે દરમિયાન 19% થી વધુનો મોટો ઉછાળો જોવા મળ્યો હતો. આ શેર તેના અગાઉના ક્લોઝિંગ પ્રાઇસ 70.76થી 18.56% વધીને દિવસના સૌથી ઉચ્ચ સ્તર 84 પર પહોંચી ગયો હતો. તમને જણાવી દઈએ કે આ ક્વિક-સર્વિસ રેસ્ટોરન્ટ સ્ટોકમાં આ વર્ષે અત્યાર સુધીમાં 28%નો શાનદાર વધારો નોંધાયો છે.

હાલમાં આ સ્મોલ-કેપ શેર તેના 52-સપ્તાહના ઉચ્ચ સ્તર 87.65 ની ખૂબ જ નજીક પહોંચી ગયો છે. જ્યારે તેનું 52-સપ્તાહનું સૌથી નીચું સ્તર 57.15 છે.

તાજેતરના જૂન ક્વાર્ટરના આંકડાઓ પર નજર કરીએ તો કંપનીએ પોતાના પરફોર્મન્સમાં નોંધપાત્ર સુધારો કર્યો છે:

ખોટમાં ઘટાડો: કંપનીનો કોન્સોલિડેટેડ નેટ લોસ ઘટીને 28.3 કરોડ થઈ ગયો છે, જે ગયા વર્ષે આ જ સમયગાળામાં 48 કરોડ હતો. મેનેજમેન્ટના જણાવ્યા અનુસાર, તેઓ યોગ્ય કિંમતો, મેનૂમાં ફેરફાર અને ફિક્સ ખર્ચાઓ પર નિયંત્રણ લાવીને નફો વધારવા પર ફોકસ કરી રહ્યા છે.

આવકમાં વધારો: આ ક્વાર્ટરમાં કંપનીની આવકમાં વાર્ષિક ધોરણે 18% નો મજબૂત વધારો થયો છે અને તે વધીને 822.6 કરોડ થઈ ગઈ છે.

ભારતનું શાનદાર પ્રદર્શન: ભારતમાં કંપનીનું પ્રદર્શન ખૂબ જ મજબૂત રહ્યું છે, જોકે ઇન્ડોનેશિયાના બિઝનેસમાં હજુ પણ થોડું દબાણ જોવા મળી રહ્યું છે.

ગ્રોથ અને ભવિષ્યનો પ્લાન

કંપનીએ 13% નો સેમ-સ્ટોર સેલ્સ ગ્રોથ જાળવી રાખ્યો છે, જે ઇન્ડસ્ટ્રીમાં શ્રેષ્ઠ માનવામાં આવે છે. ડાઇન-ઇન અને હોમ ડિલિવરી બંનેમાં સારી માંગ જોવા મળી છે. કંપનીએ Q1માં નવા 9 સ્ટોર ખોલ્યા છે અને નાણાકીય વર્ષ FY27 સુધીમાં નવા 80 સ્ટોર ખોલવાના લક્ષ્યાંકને વળગી રહી છે. ઇન્ડોનેશિયામાં નુકસાન ઘટાડવા માટે ખરાબ પ્રદર્શન કરતા સ્ટોર બંધ કરીને ખર્ચ પર નિયંત્રણ રાખવાની રણનીતિ પર કામ ચાલી રહ્યું છે.

શું અત્યારે ખરીદી કરવાનો સાચો સમય છે?

શેર બજારની જાણીતી બ્રોકરેજ ફર્મ મોતીલાલ ઓસ્વાલ ફાઇનાન્સિયલ સર્વિસિસ આ શેરને લઈને ખૂબ જ પોઝિટિવ છે. ભવિષ્યના સારા માર્જિનને ધ્યાનમાં રાખીને બ્રોકરેજ ફર્મે FY27 અને FY28 માટે કંપનીના EBITDA અંદાજમાં અનુક્રમે 5% અને 8%નો વધારો કર્યો છે.

MOFSLનું માનવું છે કે જેમ જેમ નવા સ્ટોર્સ મેચ્યોર થશે તેમ કંપનીના નફાના માર્જિનમાં મોટો સુધારો આવશે. આ તમામ બાબતોને ધ્યાનમાં રાખીને બ્રોકરેજ ફર્મે આ શેર માટે 'BUY' રેટિંગ જાળવી રાખ્યું છે અને તેનો નવો ટાર્ગેટ પ્રાઇસ 125 નક્કી કર્યો છે. આ ટાર્ગેટ દર્શાવે છે કે શેરમાં હજુ પણ 75%નો મોટો નફો આપવાની ક્ષમતા છે. રેસ્ટોરન્ટ બ્રાન્ડ્સ એશિયાના ફંડામેન્ટલ્સ, નુકસાનમાં થઈ રહેલો ઘટાડો અને આક્રમક વિસ્તરણ પ્લાન જોતા આ શેરમાં લાંબા ગાળા માટે રોકાણ કરી શકાય છે.

આ પણ વાંચો - Share Market Crash: ડે-હાઈથી સેન્સેક્સ 700 પોઈન્ટ તૂટ્યો, નિફ્ટી 24500ની નીચે ગગડ્યો; જાણો બજારમાં કડાકાનાં 5 મુખ્ય કારણો

ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી.