Gold-Silver Price Hike: બાપ રે! ચાંદીમાં એક જ દિવસમાં 20,000 રૂપિયાનો ભડકો, સોનું પણ ઓલ ટાઈમ હાઈ, જાણો આજના નવા ભાવ

Gold-Silver Price Hike: શું તમે સોનું કે ચાંદી ખરીદવાનું વિચારી રહ્યા છો? તો આ સમાચાર વાંચીને તમને મોટો ઝટકો લાગી શકે છે. આજે એટલે કે 27 જાન્યુઆરી, 2026ના રોજ ભારતીય બજાર ખૂલતાંની સાથે જ સોના-ચાંદીના ભાવમાં જે ઉછાળો આવ્યો છે, તેણે રોકાણકારો અને સામાન્ય જનતા બંનેને ચોંકાવી દીધા છે. ખાસ કરીને ચાંદીના ભાવમાં તો એવી તેજી આવી છે કે જાણે આગ લાગી હોય!

બજાર ખૂલતાં જ હાહાકાર

વૈશ્વિક બજારમાં ચાલી રહેલી ઉથલપાથલની સીધી અસર આજે ભારતીય બુલિયન માર્કેટ પર જોવા મળી છે. આજે સવારે માર્કેટ ઓપન થતાં જ સોના અને ચાંદીના ભાવે અત્યાર સુધીના તમામ રેકોર્ડ તોડી નાખ્યા છે. રોકાણકારો સુરક્ષિત રોકાણ તરફ વળતા સોના-ચાંદીની માંગમાં જબરદસ્ત વધારો થયો છે.

જાણો કેટલા વધ્યા ભાવ?

ચાંદી (Silver): ચાંદીના ભાવમાં આજે સીધો 6 ટકાનો જંગી વધારો થયો છે. રૂપિયાની દ્રષ્ટિએ જોઈએ તો, 1 કિલો ચાંદીમાં 20,000 રૂપિયાનો વધારો નોંધાયો છે. આ સાથે જ 1 કિલો ચાંદીનો ભાવ 3,54,780 રૂપિયાને પાર પહોંચી ગયો છે.

સોનું (Gold): સોનામાં પણ તેજી યથાવત છે. સોનાના ભાવમાં 1.7 ટકાનો વધારો થયો છે. 10 ગ્રામ સોનાના ભાવમાં સવારે 2300 રૂપિયાથી વધુનો ઉછાળો આવ્યો છે, જેના કારણે સોનાનો ભાવ 1,59,820 રૂપિયાની ઐતિહાસિક સપાટી ક્રોસ કરી ગયો છે.

એક રસપ્રદ વાત એ છે કે, વર્ષ 2026ની શરૂઆતથી લઈને અત્યાર સુધીમાં, એટલે કે માત્ર પહેલા મહિનામાં જ ચાંદીના ભાવમાં 50 ટકાનો વધારો થઈ ચૂક્યો છે.

ભાવ વધવા પાછળના મુખ્ય કારણો

તમને થતું હશે કે અચાનક ભાવ આટલા બધા કેમ વધી રહ્યા છે? તો તેના માટે મુખ્યત્વે બે મોટા કારણો જવાબદાર છે:

1) યુદ્ધનો ડર (War Fear): અમેરિકા અને મિડલ ઈસ્ટ વચ્ચે ચાલી રહેલા તણાવ અને યુદ્ધની પ્રબળ શક્યતાઓને કારણે વૈશ્વિક અસ્થિરતા સર્જાઈ છે. જ્યારે દુનિયામાં આવી અનિશ્ચિતતા હોય ત્યારે મોટા રોકાણકારો શેરબજાર છોડીને સોના-ચાંદીમાં રોકાણ કરવાનું સુરક્ષિત માને છે.

2) ટેકનોલોજીમાં ચાંદીનો વપરાશ: અત્યારે દુનિયાભરમાં AI (આર્ટિફિશિયલ ઈન્ટેલિજન્સ) ડેટા સેન્ટર્સ અને સોલાર પેનલ્સની ડિમાન્ડ વધી છે. આ બંને ઈન્ડસ્ટ્રીમાં ચાંદીનો વપરાશ મોટા પાયે થાય છે. ઔદ્યોગિક માંગ વધવાને કારણે અને સામે સપ્લાય ચેઈન ખોરવાઈ હોવાથી ચાંદીના ભાવ આસમાને પહોંચ્યા છે.

નિષ્ણાતોનું માનવું છે કે જો વૈશ્વિક સ્થિતિ આવી જ રહી તો આગામી દિવસોમાં ભાવ હજુ પણ વધી શકે છે.

આ પણ વાંચો- Silver Price: ચાંદીના ભાવ 100 ડોલરને પાર! શું હવે નફો બુક કરી લેવો જોઈએ? જાણો શું કહે છે એક્સપર્ટ