પોતે ઉભી કરેલી કંપની એન્ટ ગ્રુપમાં Jack Maની બાદશાહત ખત્મ, આખી રમત થઇ રહી છે IPOને લઈને

ચીનનું સૌથી મોટું ફિનટેક પ્લેટફોર્મ એન્ટ ગ્રુપ, જે દિગ્ગજ અબજોપતિ જેક મા દ્વારા સ્થાપિત કરવામાં આવ્યું હતું, તે હવે તેમના કંટ્રોલ હેઠળ નથી. એન્ટ ગ્રુપે શનિવારે વોટિંગ સ્ટ્રક્ચરમાં ફેરફારની જાહેરાત કરી છે. આ ફેરફાર હેઠળ, ફાઉન્ડર, મેનેજમેન્ટ અને કર્મચારી સહિત દસ વ્યક્તિઓના વોટિંગ અધિકારોને એકબીજાથી અલગ કરી દેવામાં આવ્યા છે, જેનો અર્થ છે કે જેક મા પાસે હવે એન્ટને કંટ્રોલ કરવાની સત્તા નથી. જો કે, વોટિંગ સ્ટ્રક્ચરમાં આ ફેરફારથી કોઈપણ શેરધારકોના આર્થિક હિતમાં કોઈ ફેરફાર થશે નહીં.

સ્ટોરીની શરૂઆત જેક માની ટીકાથી થઈ હતી
જેક માના સમકક્ષે તેમની ઔપચારિક કોર્પોરેટ ભૂમિકાઓ છોડી દીધી છે અને ચેરિટીમાં દાન આપવાનું શરૂ કર્યું છે, જે સામાન્ય સમૃદ્ધિ હાંસલ કરવાના ચીની રાષ્ટ્રપતિ શી જિનપિંગના ટાર્ગેટને અનુરૂપ છે. બીજી તરફ, લગભગ ત્રણ વર્ષ પહેલા વર્ષ 2020માં એન્ટના લિસ્ટિંગની રેસમાં જેક માએ ચીનના રેગુલેટર્સની ટીકા કરી હતી. આ પછી જેક મા જાહેર મંચ પરથી લગભગ ગાયબ થઈ ગયા. આ પછી, એન્ટએ રેગુલેટર્સને ખુશ કરવા માટે તેના બિઝનેસમાં એક મોટું પરિવર્તન શરૂ કર્યું.

આ પણ વાંચો - ICICI vs HDFC vs PNB: જાણો કઈ બેંક FD પર આપે છે સૌથી વધુ વ્યાજ, ચેક કરો રેટ

પરંતુ હવે IPOની રાહ વધી ગઈ છે
ચીની રેગુલેટર્સને ખુશ કરવા એન્ટએ નોંધપાત્ર ફેરફારો કર્યા છે. જોકે, IPO લાવવા માટે તેને વધુ સમય રાહ જોવી પડશે. તેનું કારણ એ છે કે ચીનના એ-શેર માર્કેટમાં લિસ્ટેડ થવા માટે છેલ્લા ત્રણ વર્ષમાં કંપનીના કંટ્રોલરમાં કોઈ ફેરફાર થવો જોઈએ નહીં. બીજી તરફ જો આ સમયગાળો શાંઘાઈના સ્ટાર માર્કેટમાં લિસ્ટિંગ માટે બે વર્ષ અને હોંગકોંગના શેરબજારમાં એક વર્ષનો છે.