શેરબજારમાં કડાકા છતાં IPO માર્કેટનો મહાવિસ્ફોટ! સતત બીજા વર્ષે 1.8 લાખ કરોડ એકઠા કરી નવો રેકોર્ડ બનાવ્યો

IPO Market India: સેકન્ડરી માર્કેટમાં ભારે ઉતાર-ચઢાવ અને નરમાશ જોવા મળી હોવા છતાં, નાણાકીય વર્ષ 2026 માં ભારતીય IPO (ઇનિશિયલ પબ્લિક ઓફરિંગ) માર્કેટે શાનદાર પ્રદર્શન કર્યું છે. આ વર્ષે 112 કંપનીઓએ મેઈનબોર્ડ IPO દ્વારા બજારમાંથી અધધ 1.8 લાખ કરોડ રૂપિયા એકઠા કર્યા છે. આ આંકડાએ નાણાકીય વર્ષ 2025 માં 78 IPO દ્વારા એકઠા કરાયેલા 1.62 લાખ કરોડ રૂપિયાના જૂના રેકોર્ડને પણ તોડી નાખ્યો છે.

સતત બીજા વર્ષે તૂટ્યા તમામ રેકોર્ડ

ઇતિહાસમાં આ પહેલીવાર બન્યું છે જ્યારે IPO માર્કેટે સતત બે વર્ષ સુધી આટલું મોટું ફંડ એકઠું કર્યું હોય. સામાન્ય રીતે શેરબજારનો એવો ટ્રેન્ડ હોય છે કે એક સારા વર્ષ પછી બજાર ધીમું પડી જાય છે, પરંતુ આ વખતે એવું બન્યું નથી. છેલ્લી ત્રિમાસિકમાં નિફ્ટીમાં લગભગ 15% નો કડાકો બોલ્યો હતો અને માત્ર 18,772 કરોડ રૂપિયા જ એકઠા કરી શકાયા હતા, આમ છતાં આખા વર્ષનો કુલ આંકડો રેકોર્ડ બ્રેક રહ્યો છે.

વિદેશી રોકાણકારોની વેચવાલી સામે ઘરેલુ રોકાણકારોની તાકાત

જોકે, રોકાણકારોનો ઉત્સાહ અને રિટર્ન બંને ઘટ્યા

IPOમાં ફંડ ભલે વધારે ભેગું થયું હોય, પણ લિસ્ટિંગ પર મળતો નફો ઓછો થયો છે. જેને કારણે હવે રોકાણકારો સમજી-વિચારીને પસંદગીના IPO માં જ પૈસા રોકી રહ્યા છે. ગયા વર્ષે સરેરાશ લિસ્ટિંગ ગેઈન 30% હતો, જે હવે ઘટીને માત્ર 8% થઈ ગયો છે. માત્ર 31% IPO એવા હતા જેમણે માર્કેટમાં એન્ટ્રી વખતે 10% થી વધુ રિટર્ન આપ્યું. પ્રાઇમ ડેટાબેઝના રિપોર્ટ મુજબ, જે IPO 10 ગણાથી વધુ ભરાતા હતા તેની સંખ્યા 2025 માં 72% હતી, જે ઘટીને 56% થઈ ગઈ છે.

રિટેલ રોકાણકારોની અરજીઓ પણ સરેરાશ 21.3 લાખથી ઘટીને 13 લાખ પર આવી ગઈ છે.

આગામી સમયમાં કેવું રહેશે માર્કેટ?

ભવિષ્ય માટે માર્કેટની પાઈપલાઈન ખૂબ જ મજબૂત છે. પ્રાઈમ ડેટાબેઝ અનુસાર, સેબી (SEBI) એ 144 કંપનીઓને IPO લાવવા મંજૂરી આપી દીધી છે, જેના દ્વારા બજારમાંથી 1.75 લાખ કરોડ રૂપિયા એકઠા થવાની યોજના છે. આ ઉપરાંત, અન્ય 63 કંપનીઓ 1.37 લાખ કરોડ રૂપિયાના IPO લાવવા માટે સેબીની મંજૂરીની રાહ જોઈ રહી છે.

ઇક્વિરસ કેપિટલના એમડી અને ઇન્વેસ્ટમેન્ટ બેન્કિંગ હેડના જણાવ્યા અનુસાર, "નાણાકીય વર્ષ 2027માં IPO માર્કેટ દાયકાના સૌથી મજબૂત બેકલોગ (પેન્ડિંગ લિસ્ટ) સાથે પ્રવેશી રહ્યું છે. નવું વર્ષ માત્ર વધુ IPO લાવવા પર નહીં, પરંતુ કંપનીની ક્વોલિટી, સાઈઝ અને યોગ્ય કિંમત પર વધુ ફોકસ કરશે."

બીજી તરફ, અન્ય એક નિષ્ણાંત માને છે કે અત્યારે બજારની અસ્થિરતા જોતા કંપનીઓ ખરાબ માર્કેટમાં ઉતાવળ કરવાના બદલે 'થોભો અને રાહ જુઓ' ની નીતિ અપનાવીને પોતાના IPO પાછળ ઠેલી રહી છે.

શેરબજારમાં ઉતાર-ચઢાવ હોવા છતાં ભારતીય IPO માર્કેટ મજબૂત સ્થિતિમાં છે. ઘરેલુ રોકાણકારોની તાકાત વધી છે, પરંતુ લિસ્ટિંગ ગેઈન ઘટવાના કારણે હવે રોકાણકારો કોઈપણ IPO માં આંખ બંધ કરીને પૈસા નાખવાને બદલે ક્વોલિટી કંપનીઓ જ પસંદ કરી રહ્યા છે, જે આવનારા સમય માટે એક સારો સંકેત છે.

આ પણ વાંચો-  Consumption Funds: 3 મહિનામાં 12.7%નો મોટો ઘટાડો, શું આ રોકાણની સાચી તક છે કે ચેતવણી?

Disclaimer: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.