Brazil Rejects Trump Offer: બ્રાઝિલના રાષ્ટ્રપતિ લૂલા ડી સિલ્વાની ટ્રમ્પને ટકોર, 'હવેથી હું મોદીને જ કોલ કરીશ'

Brazil President Rejects Donald Trump Offer: બ્રાઝિલના રાષ્ટ્રપતિ લુઈઝ ઈનાસિયો લૂલા ડી સિલ્વાએ અમેરિકી રાષ્ટ્રપતિ ડોનાલ્ડ ટ્રમ્પના ટેરિફ વાટાઘાટના પ્રસ્તાવને સ્પષ્ટપણે નકારી દીધો છે. લૂલાએ કહ્યું કે તેઓ ટ્રમ્પ સાથે વાત કરવાને બદલે ભારતના વડાપ્રધાન નરેન્દ્ર મોદી કે ચીનના રાષ્ટ્રપતિ શી જિનપિંગને કોલ કરવાનું પસંદ કરશે. આ નિવેદનથી બ્રાઝિલ-અમેરિકા સંબંધોમાં ચાલી રહેલા ટેરિફ વિવાદે નવો વળાંક લીધો છે.

ટેરિફ વિવાદનો મુદ્દો શું છે?

અમેરિકી રાષ્ટ્રપતિ ડોનાલ્ડ ટ્રમ્પે બ્રાઝિલ પર 50 ટકા ટેરિફ લગાવ્યો છે, જેના કારણે બંને દેશો વચ્ચે તણાવ વધ્યો છે. ટ્રમ્પે લૂલાને ટેરિફ મુદ્દે ચર્ચા માટે કોલ કરવાની ઓફર આપી હતી, પરંતુ લૂલાએ આ ઓફર નકારી દીધી. લૂલાએ કહ્યું "ટ્રમ્પ સાથે વાત કરવાને બદલે હું મોદી કે શી જિનપિંગને કોલ કરીશ." તેમણે ઉમેર્યું કે બ્રાઝિલ પોતાના હિતોનું રક્ષણ કરવા વિશ્વ વેપાર સંગઠન (WTO) સહિત તમામ વિકલ્પોનો ઉપયોગ કરશે.

બ્રાઝિલની વ્યૂહરચના

બ્રાઝિલના રાષ્ટ્રપતિ લૂલાએ બ્રાસિલિયામાં એક કાર્યક્રમ દરમિયાન જણાવ્યું કે તેમની સરકાર બ્રિક્સ દેશો સહિત અન્ય રાષ્ટ્રો સાથે વેપારને મજબૂત કરવા પગલાં લઈ રહી છે. તેમણે કહ્યું, "2025માં અમે WTOથી લઈને દરેક સંભવિત પગલાં લઈશું." ટ્રમ્પે બ્રિક્સ નીતિઓને સમર્થન આપતા દેશો પર 10 ટકા વધારાનું ટેરિફ લગાવવાની ધમકી આપી છે, જેનો લૂલાએ સખત વિરોધ કર્યો છે.

નિક્કી હેલીની ટ્રમ્પને સલાહ

આ દરમિયાન, રિપબ્લિકન પાર્ટીની ભારતીય મૂળની નેતા નિક્કી હેલીએ ટ્રમ્પને નસીહત આપી છે. તેમણે 'એક્સ' પર એક પોસ્ટમાં લખ્યું, "ભારતે રશિયાથી તેલ ન ખરીદવું જોઈએ, પરંતુ ચીન, જે રશિયન અને ઈરાની તેલનું સૌથી મોટું ખરીદદાર છે તેને 90 દિવસ માટે ટેરિફમાં રાહત આપવામાં આવી છે. ચીનને રાહત ન આપો અને ભારત જેવા મજબૂત સહયોગી સાથે સંબંધો ન બગાડો."

આ પણ વાંચો- ભારત-ફિલીપીન્સની નવી શરૂઆત: રણનીતિક સાઝેદારીની જાહેરાત સાથે ગાઢ બન્યા સંબંધો