Captain Anshuman Singh: 'પુત્રવધૂ હવે અમારી સાથે નથી રહેતી, તે બધુ જ તેના પિયર લઈ ગઈ', કેપ્ટન અંશુમાન સિંહના માતા-પિતાએ NOKમાં ફેરફારની કરી માંગ

Captain Anshuman Singh: કીર્તિ ચક્ર વિજેતા શહીદ કેપ્ટન અંશુમાન સિંહના માતા-પિતાએ પરિવારના સભ્યોને આર્થિક સહાય માટે ભારતીય સેનાના NOK (નેક્સ્ટ ઓફ કિન)માં ફેરફારની માંગ કરી છે. ગયા વર્ષે જુલાઈમાં સિયાચીનમાં પોતાના સાથી જવાનોને આગથી બચાવતા કેપ્ટન અંશુમાન સિંહ શહીદ થયા હતા. તેમના પિતા રવિ પ્રતાપ સિંહ અને માતા મંજુ સિંહે એક ન્યૂઝ ચેનલ સાથે વાત કરતા દાવો કર્યો હતો કે, તેમની વહુ સ્મૃતિ સિંહ હવે તેમની સાથે નથી રહેતી. માતા-પિતાએ પોતાના નિવેદનમાં કહ્યું કે, તેમનો પુત્ર શહીદ થયો પરંતુ પુત્રવધૂએ બધું છીનવી લીધું.

તેમણે કહ્યું કે, તેમના પુત્રના અવસાન બાદ તેમને જે સુવિધાઓ મળી રહી છે તેમાંથી મોટાભાગની સુવિધાઓ તેમની પુત્રવધૂને જ મળી રહી છે. ગયા વર્ષે 19 જુલાઈના રોજ સિયાચીનમાં પોતાના સાથીઓને બચાવતા કેપ્ટન અંશુમાન સિંહ શહીદ થયા હતા. 5 જુલાઈના રોજ રાષ્ટ્રપતિ દ્વારા તેમને મરણોત્તર કીર્તિ ચક્ર, ભારતનો બીજો સર્વોચ્ચ શાંતિ સમયનો વીરતા પુરસ્કાર એનાયત કરવામાં આવ્યો હતો. આ સન્માન શહીદ અંશુમાન સિંહની પત્ની સ્મૃતિ સિંહ અને તેમની માતા મંજુ દેવીએ સ્વીકાર્યું હતું. પરંતુ હવે શહીદના માતા-પિતાએ ચેનલ સાથે વાત કરતા તેમની પુત્રવધૂ સ્મૃતિ પર ગંભીર આરોપ લગાવ્યા છે.

તેમણે વધુમાં કહ્યું કે, તેથી અમે ઈચ્છીએ છીએ કે NOKની વ્યાખ્યા નક્કી કરવામાં આવે. એ નક્કી કરવું જોઈએ કે જો શહીદની પત્ની પરિવારમાં રહે છે તો કોના પર કેટલી નિર્ભરતા છે. તે જ સમયે માતા મંજુ સિંહે પણ કહ્યું કે, તે ઈચ્છે છે કે સરકાર NOK નિયમોમાં સુધારો કરે, જેથી અન્ય માતા-પિતાને મુશ્કેલીનો સામનો ન કરવો પડે.

માતા-પિતાએ દાવો કર્યો હતો કે તેમની પુત્રવધૂ હવે તેમને છોડીને તેના પિયર ચાલી ગઈ છે. એટલું જ નહીં પુત્રવધૂએ પોતાનું સરનામું પણ બદલી નાખ્યું છે. પિતાએ કહ્યું કે કીર્તિ ચક્ર પ્રાપ્ત કરતી વખતે તેમની પત્ની (શહીદ અંશુમનની માતા) તેમની સાથે હોવા છતાં, હવે અમારા પુત્રના બોક્સ ઉપર મૂકવા માટે કંઈ નથી.

शहीद कैप्टन अंशुमान सिंह के माता-पिता ने अपनी बहू स्मृति पर गंभीर आरोप लगाए हैं. माता-पिता ने अपने बयान में कहा कि उनका बेटा शहीद हुआ लेकिन, उन्हें कुछ नहीं मिला. सम्मान और अनुग्रह राशि दोनों बहू लेकर चली गई. उनका बेटा भी चला गया और बहू भी चली गई. शहीद कैप्टन अंशुमान सिंह के पिता… pic.twitter.com/8I4IqgiCTF

— ज़िन्दगी गुलज़ार है ! (@Gulzar_sahab) July 12, 2024

NOK નિયમો શું છે?

સૈન્યના નિયમો મુજબ, જો સેવા આપતા કર્મચારીઓને કંઈક થાય છે, તો તેના નજીકના સંબંધીઓને એક્સ-ગ્રેશિયા (NOK) રકમ આપવામાં આવે છે. જ્યારે કોઈ વ્યક્તિ સેનામાં જોડાય છે, ત્યારે તેના માતાપિતા અથવા વાલીઓના નામ NOK તરીકે નોંધવામાં આવે છે. જ્યારે કેડેટ અથવા અધિકારી લગ્ન કરે છે, ત્યારે સૈનિકના જીવનસાથીનું નામ સૈન્યના નિયમો હેઠળ માતા-પિતાને બદલે નજીકના સગા તરીકે નોંધવામાં આવે છે. જો આપણે સરળ ભાષામાં સમજીએ તો તે બેંકમાં નોમિની જેવું છે. હવે આ નિયમમાં ફેરફાર કરવાની માંગ ઉઠી છે.

આ પણ વાંચો-ભારતમાં 10 વર્ષમાં કરોડપતિઓની સંખ્યામાં 85%નો વધારો, પરંતુ આ ત્રણ દેશોએ આપણને છોડ્યા પાછળ