Toll Tax New Rules: જો તમે નેશનલ હાઈવે પર પોતાની કાર કે કોમર્શિયલ વાહન લઈને નીકળો છો, તો આ સમાચાર તમારા માટે ખૂબ જ મહત્વના છે. કેન્દ્ર સરકારે ટોલ ટેક્સના નિયમોને લઈને વલણ સખત કર્યું છે. ઘણીવાર એવું બને છે કે ફાસ્ટેગ (Fastag)માં બેલેન્સ ન હોય અથવા કોઈ ટેકનિકલ ખામી હોય તો પણ વાહન ટોલ બૂથ પરથી પસાર થઈ જાય છે અને ટોલ કપાતો નથી. પરંતુ હવે આવી 'ચોરી' અથવા 'ભૂલ' ભારે પડી શકે છે.
વાહનચાલકો સાવધાન: હાઈવે પર કરી આ ભૂલ તો વાહન વેચી નહીં શકો, ફિટનેસ સર્ટિફિકેટ પણ ભૂલી જજો!
Toll Tax New Rules: નેશનલ હાઈવે પર ટોલ ટેક્સ ચોરી કરતા વાહનચાલકો માટે માઠા સમાચાર! હવે જો ટોલ બાકી હશે તો વાહન વેચી નહીં શકો કે NOC પણ નહીં મળે. જાણો કેન્દ્ર સરકારના નવા કડક નિયમો અને તેની સીધી અસર વિશે.
અપડેટેડ 11:27:40 AM Jan 21, 2026 પર
Toll Tax New Rules: નેશનલ હાઈવે પર ટોલ ટેક્સ ચોરી કરતા વાહનચાલકો માટે માઠા સમાચાર! હવે જો ટોલ બાકી હશે તો વાહન વેચી નહીં શકો કે NOC પણ નહીં મળે.
સરકારના નવા નિયમો મુજબ, જો તમારો ટોલ ટેક્સ ભરવાનો બાકી હશે, તો તમને RTO સંબંધિત મહત્વના દસ્તાવેજો જેવા કે NOC કે ફિટનેસ સર્ટિફિકેટ મળશે નહીં.
ટોલ ટેક્સ બાકી હશે તો શું નુકસાન થશે?
સરકારે ટોલ ટેક્સની વસૂલાત સુનિશ્ચિત કરવા માટે આ કડક પગલાં લીધા છે. જો તમારા વાહન પર કોઈ પણ પ્રકારનો ટોલ ટેક્સ બાકી બોલતો હશે, તો તમારે નીચે મુજબની મુશ્કેલીઓનો સામનો કરવો પડી શકે છે:
NOC (ના-વાંધા પ્રમાણપત્ર) નહીં મળે: જ્યારે પણ આપણે કોઈ જૂનું વાહન વેચવું હોય અથવા તેનું રજિસ્ટ્રેશન એક રાજ્યમાંથી બીજા રાજ્યમાં ટ્રાન્સફર કરાવવું હોય, ત્યારે RTOમાંથી NOC લેવું ફરજિયાત હોય છે. નવા નિયમ મુજબ, સિસ્ટમમાં ચેક કરવામાં આવશે કે વાહનનો કોઈ ટોલ ટેક્સ બાકી તો નથી ને? જો બાકી હશે, તો તમને NOC આપવામાં આવશે નહીં. મતલબ કે તમે તમારું વાહન વેચી નહીં શકો.
ફિટનેસ સર્ટિફિકેટ અટકી જશે: ખાસ કરીને કોમર્શિયલ વાહનો (જેવા કે ટ્રક, ટેમ્પો, ટેક્સી) માટે ફિટનેસ સર્ટિફિકેટ ખુબ જ જરૂરી હોય છે. હવે જ્યાં સુધી જૂનો બાકી ટોલ ટેક્સ ભરવામાં નહીં આવે, ત્યાં સુધી વાહનને ફિટનેસ સર્ટિફિકેટ આપવામાં આવશે નહીં.
નેશનલ પરમિટમાં પણ રોક: બસ અને ટ્રક જેવા ભારે વાહનોને દેશભરમાં ફરવા માટે નેશનલ પરમિટની જરૂર પડે છે. આ પરમિટ રિન્યુ કરતા અથવા આપતા પહેલા પણ અધિકારીઓ ચેક કરશે કે ટોલ ટેક્સ ક્લિયર છે કે નહીં.
વાહનોનો રેકોર્ડ કઈ રીતે ટ્રેક કરવામાં આવશે?
તમારા મનમાં પ્રશ્ન થતો હશે કે સરકારને કઈ રીતે ખબર પડશે કે કયા વાહનનો ટેક્સ બાકી છે? તો તેની પણ એક પૂરી સિસ્ટમ તૈયાર કરવામાં આવી છે:
જ્યારે કોઈ વાહન ટોલ બૂથ પરથી પસાર થાય અને તેના Fastag એકાઉન્ટમાં બેલેન્સ ન હોય, ઓછું બેલેન્સ હોય અથવા એકાઉન્ટ બ્લેકલિસ્ટ થયેલું હોય, ત્યારે ત્યાં લાગેલા RFID રીડર તે વાહનનો નંબર અને વિગતો રેકોર્ડ કરી લેશે.
આ વિગતો NPCI (નેશનલ પેમેન્ટ્સ કોર્પોરેશન ઓફ ઈન્ડિયા) અને સંબંધિત બેંકને મોકલવામાં આવશે.
ત્યારબાદ, આ તમામ ડેટા કેન્દ્રીય માર્ગ પરિવહન મંત્રાલયના વાહન (Vahan) પોર્ટલ પર અપડેટ કરવામાં આવશે. જેથી જ્યારે પણ તમે RTOમાં કોઈ કામ માટે જશો, ત્યારે સિસ્ટમ બતાવશે કે તમારા વાહન પર ટોલ પેમેન્ટ બાકી છે.
આમ, હવે હાઈવે પર મુસાફરી કરતી વખતે ખાતરી કરી લેવી કે તમારા ફાસ્ટેગમાં પૂરતું બેલેન્સ છે અને તે એક્ટિવ છે, જેથી ભવિષ્યમાં કોઈ કાયદાકીય ગૂંચવણમાં ફસાવું ન પડે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
