Elon Musk QR Code: એલન મસ્કને QR કોડથી નફરત, યુઝર્સે આપ્યા આવા ઇન્ટરેસ્ટિંગ ઓપ્શન્સ

Elon Musk QR Code: ટેસ્લા અને xAIના સ્થાપક એલન મસ્કે તાજેતરમાં એક્સ પ્લેટફોર્મ પર QR કોડ વિશે પોતાની નારાજગી વ્યક્ત કરી હતી. એક સ્વીડિશ પત્રકાર પીટર ઇમેન્યુઅલસનની પોસ્ટના જવાબમાં મસ્કે લખ્યું, "મને QR કોડથી નફરત છે, હું તેનો ઉપયોગ કરીને રેસ્ટોરન્ટમાં ખાવાનું ઓર્ડર નહીં કરું." આ નિવેદનથી એક્સ પર ચર્ચાનો દોર શરૂ થયો, જેમાં ઘણા યુઝર્સે QR કોડના ઓપ્શન્સ સૂચવ્યા, જ્યારે અન્યએ તેના ફાયદા ગણાવ્યા.

મસ્કની નારાજગીનું કારણ શું?

મસ્કનું નિશાન ખાસ કરીને એવા QR કોડ પર હતું, જે રેસ્ટોરન્ટમાં મેનૂ તરીકે ઉપયોગમાં લેવાય છે. આવા QR કોડ રેસ્ટોરન્ટ માટે ખર્ચ બચાવે છે, કારણ કે મેનૂમાં ફેરફાર માટે વારંવાર પ્રિન્ટિંગની જરૂર નથી. જોકે, મસ્કને આ ટેક્નોલોજી પસંદ નથી, અને તેમણે તેને સ્પષ્ટ રીતે નાપસંદ કરી હતી.

યુઝર્સે આપ્યા રસપ્રદ સૂચનો

QR કોડની સમસ્યાઓ

કેટલાક યુઝર્સે QR કોડની મર્યાદાઓ પણ ગણાવી. એક યુઝરે લખ્યું, "વેબસાઇટ પર QR કોડ હોય તો હું તેને ફોનથી કેવી રીતે સ્કેન કરું, જ્યારે હું એ જ ફોનથી વેબસાઇટ જોઉં છું?" આવી સમસ્યાઓથી QR કોડનો ઉપયોગ અમુક લોકો માટે અસુવિધાજનક બની શકે છે.

શું આવશે QR કોડનો વિકલ્પ?

મસ્કની ટિપ્પણીએ ચર્ચા જગાવી છે કે શું તેઓ QR કોડનો કોઈ નવો વિકલ્પ લાવવાની યોજના બનાવી રહ્યા છે? હાલમાં આ અંગે કોઈ સ્પષ્ટ માહિતી નથી, પરંતુ યુઝર્સના સૂચનો અને મસ્કની ટેક્નોલોજી પ્રત્યેની નવીન અભિગમથી આવનારા સમયમાં કંઈક નવું જોવા મળી શકે છે.

આ પણ વાંચો- દાગીનાના ભાવનું રહસ્ય: ઝીરો મેકિંગ ચાર્જની ઓફરમાં છુપાયેલી ચાલ