ભારતે મોં ફેરવ્યું તો રશિયા ચીન તરફ વળ્યું, સમુદ્રમાં લાગી તેલના ટેન્કરોની લાંબી લાઈન, જાણો શું છે મામલો

India Russia Oil Deal: પશ્ચિમી દેશો દ્વારા લાદવામાં આવેલા કડક પ્રતિબંધોને કારણે રશિયાની મુશ્કેલીઓ વધી રહી છે, જેની સૌથી મોટી અસર તેના ક્રૂડ ઓઈલના વેપાર પર જોવા મળી રહી છે. અત્યાર સુધી રશિયાના યુરાલ્સ તેલનો સૌથી મોટો ખરીદદાર રહેલા ભારતે પણ હવે ખરીદી ઓછી કરી દીધી છે. આ કારણે, રશિયન તેલથી ભરેલા વિશાળ ટેન્કરોનો કાફલો હવે ચીનના દરિયાકિનારે જમા થઈ ગયો છે, પરંતુ ત્યાં પણ તેને કોઈ ખરીદનાર મળી રહ્યું નથી.

ચીનના દરિયામાં ટેન્કરોની કતાર

એક રિપોર્ટ અનુસાર, બુધવાર સુધીમાં ઓછામાં ઓછા 5 મોટા જહાજો ચીનના યલો સી (પીળા સમુદ્ર) વિસ્તારમાં ઉભા હતા. આ જહાજોમાં લગભગ 34 લાખ બેરલ રશિયન યુરાલ્સ તેલ ભરેલું છે, જે ગયા સપ્તાહની સરખામણીમાં બમણું છે. છેલ્લા 5 વર્ષમાં આ વિસ્તારમાં યુરાલ્સ તેલનો આટલો મોટો જથ્થો ક્યારેય જોવા મળ્યો નથી. આ જહાજો ચીનના શેડોંગ પ્રાંત પાસે ઉભા છે, જે સ્વતંત્ર ઓઈલ રિફાઈનરીઓનું મુખ્ય કેન્દ્ર માનવામાં આવે છે.

ભારતે ખરીદી કેમ ઘટાડી?

ચીન પણ કેમ નથી ખરીદી રહ્યું આ તેલ?

ચીનના દરિયાકિનારે રશિયન તેલનો આટલો મોટો જથ્થો જમા થવો એ એક અસામાન્ય ઘટના છે, જેના પર સમગ્ર વિશ્વના તેલના વેપારીઓની નજર છે. ચીનની રિફાઈનરીઓ સામાન્ય રીતે રશિયાના યુરાલ્સ તેલને ખરીદવાનું ટાળે છે. તેના મુખ્ય બે કારણો છે:

અંતર: આ તેલ રશિયાના પશ્ચિમી બંદરોથી આવે છે, જે ચીનથી ઘણું દૂર છે. ચીનની રિફાઈનરીઓ રશિયાના પૂર્વીય બંદરોથી આવતા તેલને પસંદ કરે છે કારણ કે તે નજીક પડે છે.

ગુણવત્તા: પૂર્વીય બંદરો પરથી આવતા ક્રૂડ ઓઈલમાં ડીઝલનું પ્રમાણ વધુ હોય છે, જે ચીનની રિફાઈનરીઓ માટે વધુ ફાયદાકારક છે.

આમ, પશ્ચિમી પ્રતિબંધોની રશિયા પર ઊંડી અસર થઈ રહી છે. ભારત જેવા પરંપરાગત ખરીદદારોએ હાથ પાછા ખેંચી લેતા રશિયા મુશ્કેલીમાં મુકાયું છે. હવે ચીનના બજારમાં પણ યુરાલ્સ તેલને ધાર્યો પ્રતિસાદ ન મળતા રશિયા માટે પોતાના ક્રૂડ ઓઈલના વેચાણનો પડકાર વધુ મોટો બન્યો છે.

આ પણ વાંચો-  Market outlook: સેન્સેક્સ 85,000 નજીક, નિફ્ટી 25,950ને પાર; જાણો સોમવારે બજારની ચાલ કેવી રહેશે?