‘રાફેલથી ભારત જ મજબૂત બનશે’: 114 રાફેલ ડીલની ટીકા પર Macronનો સ્પષ્ટ જવાબ

India France Defence Deal: ભારત અને ફ્રાન્સ વચ્ચે થયેલી 114 રાફેલ ફાઈટર જેટની મોટી ડીલને લઈને ફરી એક વખત ચર્ચા તેજ બની છે. ફ્રાન્સના રાષ્ટ્રપ્રમુખ Emmanuel Macron એ આ સોદા પર થઈ રહેલી ટીકાઓનો ખુલ્લેઆમ જવાબ આપ્યો છે અને સ્પષ્ટ કર્યું છે કે આ ડીલથી ભારતને જ ફાયદો થશે.

‘ટીકા સમજાતી નથી’: Macron

દિલ્હીમાં આયોજિત ‘AI Impact Summit’ દરમિયાન જ્યારે મેક્રોનને રાફેલ ડીલ અંગે પ્રશ્ન પૂછાયો, ત્યારે તેમણે આશ્ચર્ય વ્યક્ત કર્યું. તેમણે કહ્યું:

“મને સમજાતું નથી કે લોકો આની ટીકા કેમ કરે છે. આ સોદો તમારા દેશને જ મજબૂત બનાવે છે.” તેમણે 114 રાફેલ લડાકૂ વિમાનોની ખરીદીનો બચાવ કરતા જણાવ્યું કે આ ફાઈટર જેટ્સ ભારતની સૈન્ય શક્તિમાં નોંધપાત્ર વધારો કરશે.

Macronના જણાવ્યા અનુસાર આ સોદો ભારતને સૈન્ય રીતે વધુ શક્તિશાળી બનાવશે ભારત-ફ્રાન્સ વ્યૂહાત્મક ભાગીદારી વધુ ગાઢ બનશે, ભારતમાં રોજગારીની નવી તકો ઊભી થશે

તેમણે સ્પષ્ટ કર્યું કે આ કરારનું વ્યાવસાયિક પાસું Dassault Aviation અને ભારત સરકાર વચ્ચેની ચર્ચાનો ભાગ છે.

‘અમારા પર વિશ્વાસ રાખી શકો છો’

ભારત-ફ્રાન્સ સંરક્ષણ સહયોગની પ્રશંસા કરતા Macron એ ખાતરી આપી કે રાફેલ માં વધુમાં વધુ ભારતીય ઘટકોનો ઉપયોગ થશે મહત્વપૂર્ણ સાધનોનું ઉત્પાદન ભારતમાં જ કરવામાં આવશે તેમણે Tata-Airbus ડીલનું ઉદાહરણ આપતાં કહ્યું કે જેમ ત્યાં કરવામાં આવ્યું, તેમ રાફેલ મામલે પણ સ્થાનિક ઉત્પાદનને પ્રોત્સાહન આપવામાં આવશે. “તમે અમારા પર વિશ્વાસ રાખી શકો છો,” એમ તેમણે ઉમેર્યું.

#WATCH | Delhi | On India to buy 114 French Rafale jets, French President Emmanuel Macron says, "... We are always increasing indigenous components. It's part of the dialogue between the company and your government. I don't see how people can criticise because it makes your… pic.twitter.com/detQEPAt48

— ANI (@ANI) February 19, 2026

3.25 લાખ કરોડની મેગા ડીલ

નોંધનીય છે કે, રક્ષા મંત્રી રાજનાથ સિંહની આગેવાની હેઠળની Defence Acquisition Council (DAC) એ 114 રાફેલ વિમાનોની ખરીદીને મંજૂરી આપી છે. અંદાજે 3.25 લાખ કરોડ રૂપિયાની આ મેગા ડીલને Macronની ભારત મુલાકાત પહેલાં જ લીલી ઝંડી મળી હતી.

રાફેલ ડીલ પર રાજકીય અને જાહેર ચર્ચા વચ્ચે Emmanuel Macron એ સ્પષ્ટ શબ્દોમાં કહ્યું છે કે આ સોદો ભારત માટે ફાયદાકારક છે. સૈન્ય શક્તિ વધારવા સાથે-સાથે ભારત-ફ્રાન્સ સંબંધોને વધુ મજબૂત બનાવતી આ ડીલ આગામી સમયમાં દેશની સુરક્ષા વ્યવસ્થામાં મહત્વની ભૂમિકા ભજવશે.

આ પણ વાંચો- ગોલ્ડમૅન સૅક્સની 2026 માટે મોટી આગાહી: ઇમર્જિંગ માર્કેટ્સમાં રોકાણની તકો વધશે, ભારત અને ચીન રહેશે મોખરે